Վիքիպեդիա

Աղջիկ (ֆիլմ, 2018)

«Աղջիկ» (անգլ.՝ Girl), 2018 թվականին Լուկաս Դոնտի (Անժելո Տիյսենսի համահեղինակությամբ) նկարահանած բելգիական դրամատիկ ֆիլմ, նրա առաջին լիամետրաժ աշխատանքը։ Բալետի պարուհի տրանս աղջկա դերը կատարել է Վիկտոր Պոլսթերը, որը նրա դերասանական դեբյուտն էր։

Աղջիկ
անգլ.՝ Girl
Երկիր Բելգիա
Ժանրդրամա և ԼԳԲՏ թեմայով ֆիլմ
Թեմատրանսգենդեր անձ[1], self-actualization?[1], տրանսսեքսուալություն[1], սեռական հասունացում[1], բալետ[1], Կանացիություն[1], sex change?[1], Ինքնավնասում[1] և gender dysphoria?
Թվականհոկտեմբերի 18, 2018[2] և նոյեմբերի 15, 2018[3]
Լեզուֆլամանդական բարբառներ[1] և ֆրանսերեն[1]
ՌեժիսորԼուկաս Դոնտ
ՊրոդյուսերDirk Impens?[4]
Սցենարի հեղինակԼուկաս Դոնտ[4] և Անժելո Տիյսենս[4]
ԴերակատարներVictor Polster?[5], Valentijn Dhaenens?[5], Katelijne Damen?[5] և Արիե Ուորթալտեր
ՕպերատորFrank van den Eeden?[6]
ԵրաժշտությունValentin Hadjadj?
ՄոնտաժԱլեն Դեսովաժ
Պատմվածքի վայրԲելգիա
ԿինոընկերությունMenuet?[7]
Տևողություն105 րոպե
Բյուջե1 500 000 €
Շահույթ4 100 000 $
 Girl (2018 film) Վիքիպահեստում

Ֆիլմը ցուցադրվել է 2018 թվականի Կաննի կինոփառատոնի «Հատուկ հայացք» բաժնում, որտեղ այն արժանացել է «Ոսկե տեսախցիկ» մրցանակին՝ լավագույն առաջին գեղարվեստական ֆիլմի համար, ինչպես նաև «Qeer Palm»-ին, իսկ Պոլսթերն արժանացել է «Հատուկ հայացք» ժյուրիի մրցանակին՝ լավագույն կատարման համար[8]։ Այն ընտրվել է որպես բելգիական «Օսկար» 91-րդ մրցանակաբաշխության «Լավագույն օտարալեզու ֆիլմ» անվանակարգում[9][10], չնայած այն չի ընդգրկվել դեկտեմբեր ամսվա թեկնածուների ցուցակում[11]։ Այն ստացել է ինը անվանակարգեր Magritte մրցանակաբաշխության ժամանակ և հաղթել չորսում, այդ թվում՝ լավագույն սցենար և լավագույն դերասան Պոլսթերի համար։

«Աղջիկը» ֆիլմի ստեղծմանը ոգեշնչել է բելգիացի տրանս կին պարուհի Նորա Մոնսեկուրը, որին Դոնտը հանդիպել է, երբ ինքը 18 տարեկան էր, իսկ նա՝ 15[12]։ Թեև ի սկզբանե աշխատանքը բարձր է գնահատվել քննադատների կողմից[13], ֆիլմը քննադատության է ենթարկվել որոշ տրանս և քուիր համայնքի ներկայացուցիչների կողմից՝ գենդերային դիսֆորիա և ինքնավնասում պատկերելու համար։ Մտահոգություն բարձրացվեց նաև այն մասին, որ գլխավոր դերակատարը և ռեժիսորը երկուսն էլ սիգենդեր են։ Մոնսեկուրը, որը համագործակցել է Դոնտի և Տիյսենսի հետ, ի պատասխան պաշտպանել է ֆիլմը։

Սյուժե

խմբագրել

Լարա Վերհեգենը տասնհինգ տարեկան տրանսգենդեր աղջիկ է, որը ձգտում է դառնալ բալետի պրոֆեսիոնալ պարուհի։ Նա դիմում է Անտվերպենի հեղինակավոր բալետի դպրոց, և ընդունվելուց հետո (կախված ութ շաբաթվա փորձաշրջանի ընթացքում նրա ելույթից), նա տեղափոխվում է ավելի մոտ լինելու դպրոցին՝ իր աջակից ֆրանկոֆոն հոր՝ Մաթիասի և կրտսեր եղբոր՝ Միլոյի հետ։ Այս անցումային ժամանակահատվածում Լարան բժիշկների հետ խոսում է իր գենդերային դիսֆորիայի մասին, ընդունում է սեռական հասունացման արգելափակումներ և պարբերաբար այցելում է հոգեբույժի, որը նույնպես աջակցում է։

Լարան լավ է սովորում դպրոցում, և չնայած հանրության իմացությանը, որ նա տրանսգենդեր է, համադասարանցիներն ընդունում են նրան, այդ թվում՝ օգտվելով աղջիկների հանդերձարանից, բայց նա միշտ օգտվում է մասնավոր զուգարանից։ Ի հեճուկս խորհրդի՝ նա պարապմունքների ժամանակ կպչուն ժապավենով ծածկում է իր առնանդամը։ Լարայի մարմինն ավելի շատ ցավ է զգում, քանի որ նա շատ է մարզվում։ Այնուամենայնիվ, նրա նվիրվածությունը բալետին և իր գենդերային ինքնությունն արտացոլող արտաքին տեսքին դրդում են նրան։ Վեցամյա Միլոն, սակայն, նույնպես չի հարմարվում և քրոջն անվանում է մեռած անունով։ Լարան աջակցում է, և ոչ միայն նրան պատրաստում և տանում է դպրոց ամեն օր, այլև հեռվից ստուգում է նրան։

Ժամանակն անցնում է, և բժիշկները պատրաստ են սկսել Լարայի սեռը փոխելու վիրահատությունը։ Չնայած ամբողջական գործընթացը կտևի երկու տարի, Լարան անհամբերությամբ ստորագրում է համաձայնության փաստաթղթերը։ Ավելի ուշ խոսելով իր հոգեբույժի հետ՝ նա նշում է, որ չի ցանկանում հանդիպել, քանի դեռ «ճիշտ մարմին» չի ունեցել։ Նրա հոգեբույժը, սակայն, ասում է նրան, որ նա վայելի իր սեռական հասունությունը դեռահաս տարիքում։

Թեև նա սեռափոխ լինելու համար սկսում է հորմոնալ թերապիա՝ նախապատրաստվելով իր վիրահատությանը, Լարայի մարմինը դրա համար բավականաչափ արագ չի փոխվում։ Մի անգամ, երբ նա գիշերակացով գնում է նշելու ընկերուհու ծննդյան տարեդարձը, որոշ դասընկերներ բուլինգի են ենթարկում նրան, և նա թողնում է ու գնում տուն։ Տանը նա հորը հայտնաբերում է նոր ընկերուհի Քրիստինայի հետ ընթրելիս և ասում, որ վերադարձել է, քանի որ ստամոքսի ցավ ունի։ Մաթիասը ճնշում չի գործադրում, բայց հաջորդ օրը բժշկի է տանում։ Տեսակցության ժամանակ բժիշկը նշում է, որ Լարան նիհարել է և ունի սեռական օրգանների վարակ, և Լարային ասում է, որ պետք է դադարեցնի ժապավեն կպցնելը և լավ սնվի, քանի որ վիրահատության համար ֆիզիկապես ուժեղ լինել է պետք։ Լարան պնդում է, որ ինքը լավ է, բայց հայրը չի համաձայնվում։

Դպրոցում անհաջողությունից հետո Լարան մխիթարություն է գտնում իր շենքում բնակվող մի տղայի հետ, որը հետաքրքրություն է ցուցաբերել նրա նկատմամբ։ Նրանք համբուրվում են։ Թեև Լարան հրում է տղայի ձեռքերը, երբ նա փորձում է դիպչել նրա կրծքերին և ոտքերին, նա պատրաստվում է օրալ սեքսով զբաղվել տղայի հետ, բայց հետո փախչում է։ Նա վերադառնում է տուն և վիճում հոր հետ։ Նրա վրա բարկանալու փոխարեն հայրը փորձում է հասկանալ, թե ինչ է կատարվում Լարայի հետ։ Նա հարցնում է, թե ինչն է սխալ, բայց Լարան չի կարողանում հասկանալ, թե ինչպես կարելի է դա բացատրել, և մնում է վրդովված։

Ավարտվում են ստուդիայի փորձերը, և աշակերտները դուրս են գալիս բեմ։ Լարան մի կերպ ավարտում է իր ելույթը, այնուհետև հոգնածությունից փլվում է կուլիսներում։ Հաջորդ օրը նա ուշ է արթնանում և փորձում հեռանալ, բայց երբ հայրն ասում է, որ ոչինչ չի կերել, Լարան թարթում է և լաց լինում։ Ավելի ուշ, բժշկի աշխատասենյակում, բժիշկն ասում է, որ նա պետք է դադարեցնի պարելը և վերականգնի ուժերը, հակառակ դեպքում նա չի կարողանա վիրահատվել։

Որոշ ժամանակ անց ընտանեկան ընթրիքի ժամանակ Լարան իրեն ավելի լավ է զգում։ Որոշ հյուրեր քննարկում են, թե որքան շքեղ տեսք ունի նա իր նոր զգեստով, իսկ ավելի ուշ նա քնում է՝ կրտսեր եղբորը գրկելով։ Հաջորդ օրը հայրը, նախքան աշխատանքի գնալը, նրան սուրճ է բերում անկողին, և Լարային թողնում է կրտսեր եղբոր հսկողության տակ։ Լարան սառույցով գավաթ է պատրաստում, շտապօգնություն է կանչում և մկրատով կտրում իր առնանդամը։ Մաթիասը մնում է նրա կողքին շտապօգնության մեքենայում և նրա մահճակալի մոտ։ Վերջին տեսարանում վերականգնված Լարան է՝ ավելի կարճ մազերով, նա վճռականորեն քայլում է փողոցով։

Կազմ

խմբագրել

Արտադրություն

խմբագրել
 
Վիկտոր Փոլսթերը և Լուկաս Դոնտը «Աղջիկ»-ը ֆիլմի փարիզյան պրեմիերային.

Ֆիլմը ոգեշնչվել է Բելգիայից պրոֆեսիոնալ պարուհի և տրանս կին Նորա Մոնսեկուրից[14]։ 2009 թվականին Դոնտը, որն այն ժամանակ 18 տարեկան էր և նոր էր ընդունվել կինոարվեստի ֆակուլտետ, թերթում կարդացել էր մի հոդված այն մասին, որ Մոնսեկուրը խնդրանքով դիմել է բալետի դպրոցին, որ մասնակցի աղջիկների դասերին, որպեսզի կարողանա en pointe հմտություններ ձեռք բերել[12][15][16][17][18]։ Ի տարբերություն ֆիլմի գլխավոր հերոսի՝ Մոնսեկուրին չեն ընդունել, և այդ ժամանակից հետաքրքրվել է ժամանակակից պարով[19]։ Դոնտը մոտեցել է Մոնսեկուրին՝ նրա մասին վավերագրական ֆիլմ նկարահանելու համար, սակայն մերժում է ստացել։ Փոխարենը, նա շարունակել է գրել գեղարվեստական պատմողական ֆիլմ Մոնսեկուր և Տիյսենսի հետ, թեև Մոնսեկուրը չի հիշատակվել իր իսկ ցանկությամբ[15][16]։ Դոնտը ֆիլմի համար խորհրդակցել է Մոնսեկուրի, այլ տրանսգենդերների և մասնագետ բժիշկների հետ[14][18][20]։ Գենտի համալսարանական հիվանդանոցի բժիշկները, որտեղ Մոնսեկուրը բուժառու էր, խորհուրդ են տվել տրանս-աղջկան դեր չտալ, քանի որ նա այդ ժամանակ գտնվելու է իր վերափոխման զգայուն փուլում[21]։

Գլխավոր դերի համար քասթինգը կատարվել է՝ հաշվի չառնելով դերասանների սեռը։ Այն բանից հետո, երբ 14-ից 17 տարեկան 500 հոգու մեջ (որոնցից վեցը տրանս իգական սեռի ներկայացուցիչներն էին) չեն կարողացել գտնել մի դերասան, որը կարող էր և՛ պարել, և՛ խաղալ, ֆիլմարտադրողներն սկսել են ընտրել մնացած պարողներին, ովքեր խաղալու էին ֆիլմում։ Հենց այս խմբային քասթինգի գործընթացում էլ նրանք գտել են Փոլսթերին[17][18][21]։ Մոնսեկուրը մասնակցել է Փոլսթերի քասթինգին և նկարահանումների ժամանակ ներկա է եղել նկարահանման հրապարակում[16]։ Փոլսթերին պահանջվել է երեք ամիս ձայնի մշակման և պուանտներով պարել սովորելու համար[21]։ Նկարահանումները ներառել են մերկ տեսարաններ 14 ամյա Փոլսթերի հետ՝ ծնողների համաձայնությամբ։ Անձնակազմը հատուկ ուշադրություն է դարձրել, որպեսզի նույն կադրում չցուցադրեն նրա դեմքն ու մարմինը գոտկատեղից ներքև[22]։ Սիդի Լարբի Չերկաուին՝ Ֆլանդրիայի թագավորական բալետի գեղարվեստական ղեկավարը, ծառայել է որպես խորեոգրաֆը[21]։

Թողարկում

խմբագրել

«Աղջիկ»-ը ֆիլմի պրեմիերան կայացել է 2018 թվականի մայիսի 12-ին Կաննի կինոփառատոնի «Un Certain Regard» բաժնում[23]։ 2018 թվականի մայիսին Նեթֆլիքսը ձեռք է բերել ֆիլմի իրավունքները Հյուսիսային Ամերիկայի և Լատինական Ամերիկայի համար[24]։ Թեև Նեթֆլիքսը ի սկզբանե պլանավորում էր ֆիլմը թողարկել իր հարթակում 2019 թվականի հունվարի 18-ին[25], թողարկումը հետաձգվել է մինչև 2019 թվականի մարտի 15-ը[26]։ Նեթֆլիքսը ֆիլմը թողարկել է նախազգուշացնող տողով, որտեղ գրված է. «Այս ֆիլմը ներառում է նուրբ հարցեր և որոշակի սեռական բովանդակություն, գրաֆիկական մերկություն և ինքնավնասման գործողություն»՝ The Trevor Project-ի ինքնասպանությունների թեժ գծի մասին տեղեկատվություն տրամադրող կայքի հղումով[27]։

Ընդունելություն

խմբագրել

Քննադատական արձագանք

խմբագրել

Rotten Tomatoes կայքում ֆիլմի հավանության վարկանիշը կազմում է 83%՝ հիմնված 63 կարծիքների վրա իսկ միջին՝ գնահատականը 7,5/10: Կայքի քննադատական կոնսենսուսում ասվում է. ««Աղջիկ»-ը օգտագործում է ձգտումներ ունեցող պարուհու պատմությունը որպես հուզիչ դրամայի շրջանակ, որը անդրադառնում է իր դժվարին թեմաներին համապատասխան գայթակղիչ նրբությամբ»[28]։ Metacritic-ում ֆիլմի միջին գնահատականը 100-ից 73 է՝ հիմնված 15 քննադատների կարծիքների վրա, ինչը ցույց է տալիս, որ «ակնարկները ընդհանուր առմամբ բարենպաստ են»[29]։

Դեյվիդ Էրլիխը IndieWire-ից ֆիլմն անվանել է «հրապուրիչ ձևով կարեկցող» և ֆիլմին տվել է B+ գնահատական՝ միաժամանակ մտահոգություն հայտնելով,որ տրանսգենդեր կնոջ դերը խաղացել է ցիսգենդեր դերասանը[30]։ Variety-ից Փիթեր Դեբրյուգը բարձր է գնահատել Փոլսթերի դերասանական խաղը և ֆիլմն անվանել «ինտուիտիվ հայացք իր սեռին չհամապատասխանող դեռահասին, որը փորձում է քաջություն գտնել ինքն իրեն ընդունելու համար»[31]։ The Hollywood Reporter-ից Բոյդ վան Հոյջը բարձր է գնահատել այն, որ ֆիլմը հիմնված է վիզուալների և մոնտաժի վրա, այլ ոչ թե երկխոսության՝ միաժամանակ մտահոգություն հայտնելով դերասանական կազմի և մերկության մասին, որոնք, այնուամենայնիվ, նա համարել է «տրամաբանական ընտրություն»[32]։

Screen International-ից Ուենդի Իդը ֆիլմն անվանել է «համոզիչ և կարեկցող»՝ ասելով. «Կա կարեկցանք և մտերմություն գենդերային խնդիրների նկատմամբ Դոնտի մոտեցման մեջ, որն առաջացնում է Սելին Սիամմայի աշխատանքը, մասնավորապես՝ Tomboy-ում»[33]։ TheWrap-ից Սթիվ Փոնդը ֆիլմը նկարագրել է որպես «հանգիստ ֆիլմ, մինչև այն այլևս այնպիսին չէ, նուրբ կերպարների ուսումնասիրություն, որը հայտնվում է ծայրահեղ միջավայրում, թախծոտ դրամա, որը, դու կարծում ես, որը ընդունելի լինելու մասին է, քանի դեռ այն չի սպառնում դառնալ հենց այդ բանի անհնարինությունը», և գրել, «վերջում այս հանգիստ ֆիլմը դառնում է սարսափելի ցավ և հուսահատություն… Դոնտին հաջողվում է դրա արդյունքներում նրբության տարրեր գտնել»[34]։

Los Angeles Times-ից Քիմբեր Մայերսը գրել է, որ կինեմատոգրաֆիան, որը կենտրոնանում է գլխավոր հերոսի մարմնի վրա, «ավելի շատ շահագործող է թվում, քան կարեկցող», և որ «ամենախնդրահարույցը ֆիլմի վերջին և ցնցող տեսարանների նկատմամբ անպատասխանատու վերաբերմունքն է»։ Մայերսը եզրակացրել է. «Դոնտի ֆիլմը ուժեղ դեբյուտ է տեխնիկական տեսանկյունից, բայց այն չունի մարդկայնությունը, որն անհրաժեշտ է այս բնույթի պատմության համար»[35]։

Պարգևատրումներ

խմբագրել
Մրցանակ Արարողության ամսաթիվ Կատեգորիա Ստացողներ Արդյունք Ծանոթագրություններ
Ադելաիդայի կինոփառատոն 2018 թվականի հոկտեմբերի 10-21 Լավագույն գեղարվեստական ֆիլմ «Աղջիկ» Առաջադրված [36]
Բելգիայի կինոքննադատների ասոցիացիա 2018 թվականի դեկտեմբերի 20 Անդրե Քևենսի մրցանակ լավագույն ֆիլմի համար «Աղջիկ» Հաղթանակ [37]
Կաննի կինոփառատոն 2018 թվականի մայիսի 8-19 FIPRESCI մրցանակ «Աղջիկ» Հաղթանակ
Ոսկե տեսախցիկ Լուկաս Դոնտ
Queer Palm «Աղջիկ» [38]
Un Certain Regard Ժյուրիի մրցանակ լավագույն կատարման համար Վիկտոր Պոլսթեր
Un Certain Regard «Աղջիկ»
Սեզար մրցանակ 2019 թվականի փետրվարի 22 Լավագույն արտասահմանյան ֆիլմ «Աղջիկ» Առաջադրված [39]
CPH PIX կինոփառատոն 2018 թվականի սեպտեմբերի 27-հոկտեմբերի 10 Լավագույն նոր տաղանդների Գրան պրի Լուկաս Դոնտ Հաղթանակ [40]
Եվրոպական կինոյի մրցանակաբաշխություն 2018 թվականի դեկտեմբերի 15 Լավագույն ֆիլմ «Աղջիկ» Հաղթանակ
Լավագույն դերասան Վիկտոր Պոլսթեր [41]
Լավագույն եվրոպական հայտնագործություն «Աղջիկ»
«Ոսկե գլոբուս» մրցանակաբաշխություն 2019 թվականի հունվարի 6 Լավագույն օտարալեզու ֆիլմ Հաղթանակ [42]
ՖԿՖ «Մանակի եղբայրներ» 2018 թվականի սեպտեմբերի 22-29 Golden Camera 300 Ֆրենկ վան դեն Իդեն Առաջադրված [43]
Երուսաղեմի կինոփառատոն 2018 թվականի սեպտեմբերի 22-29 Միջազգային առաջին ֆիլմ Լուկաս Դոնտ Առաջադրված [44]
Les Arcs եվրոպական ֆիլմերի փառատոն 2017 թվականի դեկտեմբերի 16-23 TitraFilm մրցանակ Հաղթանակ [45]
Լիսաբոնի միասեռականների և լեսբիների ֆիլմերի փառատոն 2018 թվականի սեպտեմբերի 14-22 Հանդիսատեսի մրցանակ «Աղջիկ» Հաղթանակ [46]
Լավագույն դերասան Վիկտոր Պոլսթեր
Լոնդոնի կինոփառատոն 2018 թվականի հոկտեմբերի 10-21 Հանդիսատեսի մրցանակ «Աղջիկ» Հաղթանակ [47]
Մագրիտի մրցանակ 2019 թվականի փետրվարի 2 Լավագույն ֆլամանդական ֆիլմ «Աղջիկ» Առաջադրված
Լավագույն դերասան Վիկտոր Պոլսթեր
Երկրորդ պլանի լավագույն դերասան Արիե Ուորթալտեր
Լավագույն սցենար Լուկաս Դոնտ և Անջելո Տիջսենս
Լավագույն օպերատորական աշխատանք Ֆրենկ վան դեն Իդեն [48]
Լավագույն արտադրության դիզայն Ֆիլիպ Բերտին
Կոստյումների լավագույն ձևավորում Քեթրին վան Բրի
Լավագույն ձայն Յաննա Սոենտջենս
Լավագույն խմբագրում Ալեն Դեսովաժ
Մելբուռնի միջազգային կինոփառատոն 2018 թվականի օգոստոսի 2-19 Լավագույն պատմողական հատկանիշ «Աղջիկ» Առաջադրված [49]
Ֆրանսիայի կինեմատոգրաֆիայի ազգային կենտրոն 2018 թվականի նոյեմբերի 30 Տարվա լավագույն ֆիլմ Առաջադրված [50]
Օդեսայի միջազգային կինոփառատոն 2018 թվականի հուլիսի 13-21 Լավագույն միջազգային ֆիլմ Հաղթանակ
Լավագույն դերասանական խաղ Վիկտոր Պոլսթեր [51]
Օստենդե կինոփառատոն 2018 թվականի սեպտեմբերի 7-15 Լավագույն ազգային դեբյուտ Լուկաս Դոնտ Առաջադրված [52]
Պալիչ կինոփառատոն 2018 թվականի հուլիսի 14-20 Լավագույն ֆիլմ «Աղջիկ» Հաղթանակ [53]
Ֆիլադելֆիայի կինոփառատոն 18–28 Oct 2018 թվականի հոկտեմբերի 18-28 Լավագույն առաջին ֆիլմ Լուկաս Դոնտ Առաջադրված [54]
Պինգյաոյի միջազգային կինոփառատոն 2018 թվականի հոկտեմբերի 11-20 Ժողովրդական ընտրության մրցանակ «Աղջիկ» Հաղթանակ [55]
Սան Սեբաստիանի միջազգային կինոփառատոն 2018 թվականի սեպտեմբերի 21-29 Լավագույն ֆիլմ Հաղթանակ [56]
Լավագույն եվրոպական ֆիլմ
Սեւիլիայի եվրոպական ֆիլմերի փառատոն 2018 թվականի նոյեմբերի 9-17 Լավագույն ԼԳԲՏ ֆիլմ Առաջադրված [57]
Ստոկհոլմի կինոփառատոն 2018 թվականի նոյեմբերի 7-18 Լավագույն ֆիլմ Հաղթանակ
Լավագույն դերասան Վիկտոր Պոլսթեր [58]
Սալոնիկի կինոփառատոն 2018 թվականի նոյեմբերի 1-11 ԼԳԲՏՔԻ թեմայով լավագույն ֆիլմ «Աղջիկ» Առաջադրված [59]
Ցյուրիխի կինոփառատոն 2018 թվականի սեպտեմբերի 27-հոկտեմբերի 7 Լավագույն միջազգային խաղարկային ֆիլմ Հաղթանակ [60]

Ծանոթագրություններ

խմբագրել
  1. ↑ 1,00 1,01 1,02 1,03 1,04 1,05 1,06 1,07 1,08 1,09 Girl — 2018.
  2. ↑ https://www.imdb.com/title/tt8254556/releaseinfo
  3. ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
  4. ↑ 4,0 4,1 4,2 Internet Movie Database — 1990.
  5. ↑ 5,0 5,1 5,2 ČSFD (չեխերեն) — 2001.
  6. ↑ Cinematography by // Girl (2018) - Full Cast & Crew - IMDb
  7. ↑ Movie/TV Series/Short/TV Episode/TV Movie/TV Mini Series/TV Special/TV Short/Music Video, co0115530 (Sorted by Popularity Ascending)
  8. ↑ Debruge, Peter (2018 թ․ մայիսի 19). «Japanese Director Hirokazu Kore-eda's 'Shoplifters' Wins Palme d'Or at Cannes». Variety. Վերցված է 2018 թ․ դեկտեմբերի 19-ին.
  9. ↑ «'Girl' is Belgian entry for the Oscars». De Morgen. 2018 թ․ օգոստոսի 24. Վերցված է 2018 թ․ օգոստոսի 24-ին.
  10. ↑ Tartaglione, Nancy (2018 թ․ օգոստոսի 27). «Oscars: Belgium Selects 'Girl', Cannes' Camera D'Or, As Foreign Language Entry». Deadline. Վերցված է 2018 թ․ օգոստոսի 27-ին.
  11. ↑ Thompson, Anne (2018 թ․ դեկտեմբերի 17). «Oscars 2019 Foreign-Language Feature Shortlist: Winners and Losers». IndieWire. Վերցված է 2018 թ․ դեկտեմբերի 18-ին.
  12. ↑ 12,0 12,1 Clarke, Cath (2019 թ․ մարտի 12). «'I have the right to tell this story': Lukas Dhont defends his trans film Girl». The Guardian. Վերցված է 2019 թ․ մարտի 13-ին.
  13. ↑ Romano, Nick (2018 թ․ դեկտեմբերի 6). «Trans critics explain the problem with Girl and its Golden Globes nomination». Entertainment Weekly. Վերցված է 2018 թ․ դեկտեմբերի 17-ին.
  14. ↑ 14,0 14,1 Monsecour, Nora (2018 թ․ դեկտեմբերի 7). «Belgium Oscar Submission 'Girl' Is a 'Message of Courage, Bravery And Compassion' (Guest Column)». The Hollywood Reporter. Վերցված է 2018 թ․ դեկտեմբերի 17-ին.
  15. ↑ 15,0 15,1 Tangcay, Jazz (2018 թ․ նոյեմբերի 17). «Interview: Lukas Dohnt Talks About His Casting Choices For Girl». Awards Daily. Վերցված է 2018 թ․ դեկտեմբերի 17-ին.
  16. ↑ 16,0 16,1 16,2 Ramos, Dino-Ray (2018 թ․ նոյեմբերի 13). «Director Lukas Dhont Talks Netflix Drama 'Girl', Opening A Dialogue With Trans Community». Deadline. Վերցված է 2018 թ․ դեկտեմբերի 17-ին.
  17. ↑ 17,0 17,1 Mitchell, Wendy (2018 թ․ մայիսի 12). «Lukas Dhont talks genderless casting for his Cannes transgender film 'Girl'». Screen Daily. Վերցված է 2018 թ․ դեկտեմբերի 17-ին.
  18. ↑ 18,0 18,1 18,2 Malinjod, Eugénie (2018 թ․ մայիսի 12). «Girl, as seen by Lukas Dhont». Cannes Film Festival. Վերցված է 2018 թ․ դեկտեմբերի 17-ին.
  19. ↑ Cappelle, Laura (2019 թ․ հունվարի 11). «Girl – why a film about a transgender ballerina has sparked controversy». Financial Times. Վերցված է 2019 թ․ հունվարի 14-ին.
  20. ↑ Thomas, Ann (2018 թ․ դեկտեմբերի 13). «In Defense of Girl, the Trans Film Called 'Trauma Porn' by Critics». The Advocate. Վերցված է 2018 թ․ դեկտեմբերի 17-ին.
  21. ↑ 21,0 21,1 21,2 21,3 Fagerholm, Matt (2019 թ․ հունվարի 14). «Lukas Dhont on Girl, the Film's Controversial Casting, What Representation Means to Him and More». RogerEbert.com. Վերցված է 2019 թ․ մարտի 13-ին.
  22. ↑ Scott, Savannah (2018 թ․ դեկտեմբերի 18). «Director Lukas Dhont Talks His Critically Acclaimed Film 'Girl'». L'Officiel. Վերցված է 2018 թ․ դեկտեմբերի 19-ին.
  23. ↑ «Programme». Cannes Film Festival. Արխիվացված է օրիգինալից 2018 թ․ հունիսի 24-ին.
  24. ↑ Haring, Bruce (2018 թ․ մայիսի 19). «Netflix Gets North Am, Latin Am Rights To Cannes Award-Winners 'Happy As Lazzaro' And 'Girl'». Deadline. Վերցված է 2018 թ․ դեկտեմբերի 17-ին.
  25. ↑ Piepenburg, Erik (2019 թ․ հունվարի 2). «Is a Film About a Transgender Dancer Too 'Dangerous' to Watch?». The New York Times. Վերցված է 2019 թ․ հունվարի 2-ին.
  26. ↑ Dry, Jude (2019 թ․ փետրվարի 21). «Movies New to Netflix in March: 'A Clockwork Orange,' 'Wet Hot American Summer'». Indiewire. Վերցված է 2019 թ․ մարտի 3-ին.
  27. ↑ The Canadian Press (2019 թ․ մարտի 15). «Netflix creates resource website for those affected by Girl movie». CBC. Վերցված է 2019 թ․ մարտի 23-ին.
  28. ↑ «Girl (2018)». Rotten Tomatoes. Fandango Media|Fandango. Վերցված է Կաղապար:RT data-ին.
  29. ↑ «Girl». Metacritic. Վերցված է 2019 թ․ ապրիլի 6-ին.
  30. ↑ Ehrlich, David (2018 թ․ մայիսի 15). «'Girl' Review: A Remarkable Transgender Coming-of-Age Story With One Big Problem – Cannes 2018». IndieWire. Վերցված է 2018 թ․ դեկտեմբերի 17-ին.
  31. ↑ Debruge, Peter (2018 թ․ մայիսի 12). «Film Review: 'Girl'». Variety. Վերցված է 2018 թ․ դեկտեմբերի 17-ին.
  32. ↑ van Hoeij, Boyd (2018 թ․ մայիսի 12). «'Girl': Film Review | Cannes 2018». The Hollywood Reporter. Վերցված է 2018 թ․ դեկտեմբերի 17-ին.
  33. ↑ Ide, Wendy (2018 թ․ մայիսի 12). «'Girl': Cannes Review». Screen Daily. Վերցված է 2018 թ․ դեկտեմբերի 17-ին.
  34. ↑ Pond, Steve (2018 թ․ մայիսի 12). «'Girl' Film Review: Transgender Teen Drama Is a True Cannes Discovery». TheWrap. Վերցված է 2018 թ․ դեկտեմբերի 17-ին.
  35. ↑ Myers, Kimber (2018 թ․ դեկտեմբերի 27). «Review: Belgian drama 'Girl' stumbles in telling story of trans teen». Los Angeles Times. Վերցված է 2018 թ․ դեկտեմբերի 27-ին.
  36. ↑ «Girl». Adelaide Film Festival|ADLFF. 2018 թ․ հոկտեմբեր. Արխիվացված է օրիգինալից 2019 թ․ օգոստոսի 2-ին. Վերցված է 2018 թ․ նոյեմբերի 27-ին.
  37. ↑ «L'UCC décerne le prix Cavens à GIRL de Lukas Dhont et a annoncé les 5 finalistes pour le Grand Prix 2019». Cinopsis (ֆրանսերեն). 2018 թ․ դեկտեմբերի 21. Վերցված է 2018 թ․ դեկտեմբերի 25-ին.
  38. ↑ «Cannes 2018 : « Burning », « Girl » et « Un jour » prix FIPRESCI». Ecran total. 2018 թ․ մայիսի 19. Արխիվացված է օրիգինալից 2018 թ․ մայիսի 20-ին. Վերցված է 2018 թ․ մայիսի 19-ին.
  39. ↑ Richford, Rhonda (2019 թ․ փետրվարի 22). «Cesar Awards: Winners List». The Hollywood Reporter. Վերցված է 2019 թ․ փետրվարի 22-ին.
  40. ↑ «New Talent Grand». CPH PIX|CPH PIX & BUSTER. 2018 թ․ հոկտեմբեր. Արխիվացված է օրիգինալից 2019 թ․ ապրիլի 18-ին. Վերցված է 2018 թ․ նոյեմբերի 28-ին.
  41. ↑ «European Film Awards Nominations: 'Cold War', 'Dogman', 'Border' Lead – Full List». Penske Media Corporation|Deadline Hollywood. 2018 թ․ նոյեմբեր.
  42. ↑ Bitran, Tara (2019 թ․ հունվարի 6). «Alfonso Cuaron's 'Roma' Wins Golden Globe for Best Foreign-Language Film». The Hollywood Reporter. Վերցված է 2019 թ․ փետրվարի 21-ին.
  43. ↑ «New Talent Grand». Manaki Brothers Film Festival|ICFF Manaki Brothers. 2018 թ․ սեպտեմբեր. Արխիվացված է օրիգինալից 2018 թ․ նոյեմբերի 28-ին. Վերցված է 2018 թ․ նոյեմբերի 28-ին.
  44. ↑ «Fist Film». Manaki Brothers Film Festival|ICFF Manaki Brothers. 2018 թ․ սեպտեմբեր.
  45. ↑ «Girl, Gold Is All There Is Win Prizes at Les Arcs». Variety. 2017 թ․ դեկտեմբերի 1.
  46. ↑ «Winners». Lisbon Gay & Lesbian Film Festival|Queer Lisboa. 2018 թ․ սեպտեմբերի 1.
  47. ↑ Korsner, Jason (2018 թ․ հոկտեմբերի 20). «London Film Festival Awards are as Topical as a News Bulletin». What's Worth Seeing. Վերցված է 2018 թ․ հոկտեմբերի 20-ին.
  48. ↑ Roxborough, Scott (2019 թ․ հունվարի 14). «'Girl,' 'Above the Law' Lead Belgium Film Award Nominations». The Hollywood Reporter. Վերցված է 2019 թ․ հունվարի 14-ին.
  49. ↑ «GIRL Unclassified 18+». Melbourne International Film Festival|MIFF. 2018 թ․ օգոստոս. Արխիվացված է օրիգինալից 2019 թ․ փետրվարի 4-ին. Վերցված է 2024 թ․ հունվարի 25-ին.
  50. ↑ «Le Top 10 des films français (ou francophones) 2018». UniFrance. 2018 թ․ նոյեմբեր.
  51. ↑ «Girl». Magazine Style Feel Free. 2018 թ․ սեպտեմբեր.
  52. ↑ «De ensors: Winnaars 2018». Ostend Film Festival|Filmfestival Oostende. 2018 թ․ սեպտեմբեր. Արխիվացված է օրիգինալից 2018 թ․ դեկտեմբերի 4-ին. Վերցված է 2018 թ․ դեկտեմբերի 4-ին.
  53. ↑ «Girl wins the Golden Tower at the 25th EFF Palić». Creative Europe|Creative Europe Media. 2018 թ․ հուլիս.
  54. ↑ «27th Philadelphia Film Festival» (PDF). Philadelphia Film Festival|PFF. 2018 թ․ հուլիս.
  55. ↑ «The 2nd Pingyao International Film Festival will open this year on 11th October Call for Entries Now». Pingyao International Film Festival|PYIFF. 2018 թ․ հոկտեմբեր. Արխիվացված է օրիգինալից 2018 թ․ դեկտեմբերի 23-ին. Վերցված է 2018 թ․ դեկտեմբերի 4-ին.
  56. ↑ «High Life wins San Sebastián's FIPRESCI Award». Creative Europe Media. 2018 թ․ սեպտեմբեր.
  57. ↑ «El Ayuntamiento de Cantillana entrega el trofeo para el Premio Ocaña a la mejor película LGTBIQ del #15FestivalSevilla». Fundación Audiovisual de Andalucía. 2018 թ․ նոյեմբեր. Արխիվացված է օրիգինալից 2018 թ․ նոյեմբերի 29-ին. Վերցված է 2018 թ․ նոյեմբերի 29-ին.
  58. ↑ «Winners at Stockholm International Film Festival 2018» (PDF). Stockholm International Film Festival|Stockholms filmfestival. 2018 թ․ նոյեմբեր.
  59. ↑ «59th TIFF: The Closing Ceremony». Thessaloniki International Film Festival|TIFF. 2018 թ․ նոյեմբեր. Արխիվացված է օրիգինալից 2019-08-02-ին. Վերցված է 2024-01-25-ին.
  60. ↑ «Girl wins top prize at 2018 Zurich Film Festival». Screen International|Screen Daily. 2018 թ․ հոկտեմբեր.

Արտաքին հղումներ

խմբագրել
 Վիքիպահեստն ունի նյութեր, որոնք վերաբերում են «Աղջիկ (ֆիլմ, 2018)» հոդվածին։
Ստացված է «https://hy.wikipedia.org/w/index.php?title=Աղջիկ_(ֆիլմ,_2018)&oldid=10099683» էջից