Աղավնո (գետ)
Անվան այլ կիրառումների համար տե՛ս՝ Աղավնո (այլ կիրառումներ)
Աղավնո, գետ Հայաստանի Սյունիքի մարզի և Արցախի Քաշաթաղի շրջանի հյուսիս-արևմուտյան տարածքում, Հագարիի աջակողմյան խոշոր վտակներից մեկը։ Երկու օժանդակներով սկիզբ է առնում Սյունիքի բարձրավանդակի Մեծ Իշխանասար և Ծղուկ լեռնազանգվածների լանջերից, հոսում դեպի հյուսիս-արևելք, այնուհետև վերջնականապես թեքվում դեպի հարավ-արևելք, ամբողջ հետագա ընթացքում անցնում V-աձև, մի փոքր լայնացած հովտով ու ծովի մակարդակից մոտ 780 մ բարձրության վրա թափվում Հագարիի մեջ՝ Բերձոր քաղաքից 7 կմ հարավ։ Ունի մի քանի խոշոր աջակողմյան վտակներ, ձախակողմյան վտակները կարճ են ու ժամանակավոր հոսք ունեցող։ Ջրահավաք ավազանի մակերեսը մոտ 440 կմ² է, որի մոտ 15%-ը ՀՀ տարածքում։ Երկու օժանդակներով էլ երկարությունը մոտ 43 կմ է։ Ջրի տարեկան միջին ծախսը մոտ 3,5 մ³/վրկ է։ Աղավնոյի ավազանում կան տաք ջրերի ելքեր[1]։
| Աղավնո | |
|---|---|
| Բնութագիր | |
| Երկարություն | 75 կիլոմետր |
| Ավազանի մակերես | 440 կմ² |
| Ջրի ծախս | 3,5 մ³/վ |
| Ջրահոսք | |
| Ակունքի տեղակայում | Մեծ Իշխանասար և Ծղուկ |
| Գետաբերանի տեղակայում | Հագարի |
| Կոորդինատներ | |
| Տեղակայում | |
| Հոսող հոսքեր | Բազմածակ, Խնածախ, Խոզնավար, Քարաշեն, Վաղատուր և Ալյաքչի |
| Երկիր | Արցախ և Հայաստան |
| Երկրամաս | Քաշաթաղի շրջան |
Տես նաևԽմբագրել
ԾանոթագրություններԽմբագրել
- ↑ , Հայաստանի Հանրապետության Ֆիզիկաաշխարհագրական օբյեկտների համառոտ տեղեկատու-բառարան, Ե., «Գեոդեզիայի և քարտեզագրության կենտրոն ՊՈԱԿ», 2007, էջ 8 — 150 էջ։