Ահմադ Շաֆիկ
Ահմադ Շաֆիկ (արաբ․՝ احمد محمد شفيق, նոյեմբերի 25, 1941, Կահիրե, Եգիպտոս), եգիպտացի քաղաքական և ռազմական գործիչ։ 2011 թվականի հունվարի 29-ից եղել է Եգիպտոսի վարչապետը (պաշտոնավարել է 2011 թվականի փետրվարի 11-ից մինչև մարտի 3-ը[1][2], բայց որպես ժամանակավոր պաշտոնակատար)>[3]: Ավելի վաղ զբաղեցրել է Եգիպտոսի ռազմաօդային ուժերի գլխավոր հրամանատարի (1996—2002) և քաղաքացիական ավիացիայի նախարար պաշտոնները (2002—2011): Ռազմական գիտությությունների մագիստրոս է, գիտությունների թեկնածու` տիեզերքի հետազոտության բնագավառում[4]։ Ավիացիայի մարշալ է։
| Ահմադ Շաֆիկ արաբ․՝ أحمد شفيق | |
|---|---|
| Ծնվել է | նոյեմբերի 25, 1941 (82 տարեկան) |
| Ծննդավայր | Կահիրե, Եգիպտոս |
| Քաղաքացիություն |  Եգիպտոս |
| Մայրենի լեզու | եգիպտական արաբերեն |
| Կրոն | իսլամ |
| Կրթություն | Egyptian Air College? |
| Մասնագիտություն | քաղաքական գործիչ, ռազմական գործիչ, կործանիչ օդաչու և օդաչու |
| Զբաղեցրած պաշտոններ | Եգիպտոսի վարչապետ |
| Կուսակցություն | Egyptian Patriotic Movement? |
 Ahmed Shafik Վիքիպահեստում | |
Կենսագրություն խմբագրել
1961 թվականին ռազմաօդային ակադեմիան ավարտելուց հետո ծառայության է անցել Եգիպտոսի ռազմաօդային ուժերում[4][5]։ Վեցօրյա պատերազմի (1967), Հյուծման պատերազմի (1967-70) և Արաբա-իսրայելական պատերազմի ժամանակ Շաֆիկը եղել է ռազմական ավիացիայի օդաչու և ծառայել է Հոսնի Մուբարաքի հրամանատարությամբ։ Ծառայության ժամանակ եղել է ՄԻԳ-17, ՄիԳ-21 և Միրաժ 2000 մարտական ինքնաթիռների օդաչուն[4][5]։ Ըստ որոշ վկայությունների` ծառայության ժամանակ Շաֆիկը խոցել է իսրայելական երկու ինքնաթիռ։ 1984-ից 1986 թվականներին եղել է Իտալիայում Եգիպտոսի դեսպանության ռազմական կցորդը, 1991-ից 1996 թվականներին` ռազմաօդային ուժերի շտաբի պետ։ Նրա ծառայողական առաջընթացին աջակցել է Մուբարաքը[5]։ 1996 թվականին եղել է Եգիպտոսի ռազմաօդային ուժերի հրամանատար, 2002 թվականին՝ քաղաքացիական ավիացիայի նախարար։ Նրա ղեկավարության օրոք ստեղծվել է EgyptAir արդիական ազգային ավիաընկերությունը, նաև կատարելագործվել է օդանավակայանի ենթակառուցվածքը[4]։
2011 թվականի հունվարի 29-ին Հոսնի Մուբարաքը Շաֆիկին նշանակել է Եգիպտոսի վարչապետ[6]։ Մուբարաքի հրաժարականից հետո 2011 թվականի փետրվարի 11-ին Շաֆիկը պաշտոնապես դարձել է վարչապետի ժամանակավոր պաշտոնակատար մինչև հաջորդ ընտրությունները[1][2]։ Ավելին, նա ընդգրկվել է Զինված ուժերի բարձր խորհրդի կազմում, որն իշխանությունը ժամանակավորապես իր ձեռքն էր վերցրել[7]։ 2011 թվականի մարտի 3-ին Շաֆիկը հասարակության ճնշմամբ հրաժարական է տվել[8]։
2012 թվականին Շաֆիկը առաջադրվել էր Եգիպտոսի նախագահի ընտրություններում, սակայն պետք է կանխատեսեր, որ իրեն որպես Մուբարաքի կողմնակից արգելված էր առաջադրվել պաշտոնի համար[5]։ Մայիսի 23-ին և 24-ին զբաղեցրել է երկրորդ տեղը Մոհամեդ Մորսիից հետո` հավաքելով ձայների 23,66 տոկոսը և անցել է երկրորդ փուլ։ Նրա` երկրորդ փուլում հայտնվելը եգիպտացիների դժգոհության պատճառ էր դարձել Մուբարակի հետ ունեցած սերտ կապերի պատճառով, և իր շտաբը բազմիցս հարձակումների է ենթարկվել[9][10]։
Ծանոթագրություններ խմբագրել
- ↑ 1,0 1,1 Մուբարակի կառավարությունը կմնա իշխանությունում մինչև ընտրությունները
- ↑ 2,0 2,1 Եգիպտոսի նախկին նախագահի կառավարությունը կմնա իշխանությունում մինչև նորի գալը
- ↑ «Եգիպտոսի ժ. պ. վարչապետը համարում է, որ Հ. Մուբարակը մինչև հիմա գտնվում է երկրի տարածքում». Արխիվացված է օրիգինալից 2015 թ․ սեպտեմբերի 24-ին. Վերցված է 2011 թ․ փետրվարի 14-ին.
- ↑ 4,0 4,1 4,2 4,3 Profile: Ahmed Shafiq, Al Jazeera
- ↑ 5,0 5,1 5,2 5,3 Egypt candidate: Ahmad Shafiq, former prime minister, BBC
- ↑ «Եգիպտոսի վարչապետ է նշանակվել Շաֆիկը։». РБК. 29.01.2011.
- ↑ AlJazeera (2011 թ․ փետրվարի 11). «Egypt's military leadership». Վերցված է 2011 թ․ փետրվարի 11-ին.
- ↑ Եգիպտոսի ժամանակավոր վարչապետը հրաժարական է տվել
- ↑ Կահիրեյում այրել են վարչապետի թեկնածուի շտաբը, Lenta.ru (29.05.2012)
- ↑ Եգիպտացի ցուցարարները ավերել են վարչապետի թեկնածուի շտաբը, Lenta.ru (03.06.2012)
 | Վիքիպահեստն ունի նյութեր, որոնք վերաբերում են «Ահմադ Շաֆիկ» հոդվածին։ |