Ակներ (Լոռու մարզ)
Այս հոդվածը Հայաստանի Լոռու մարզի գյուղի մասին է։ Այլ գործածությունների համար այցելեք Ակներ (այլ կիրառումներ)։
Ակներ (նախկին անվանումը՝ Որնակ), գյուղ Հայաստանի Լոռու մարզի Թումանյանի տարածաշրջանում, Ալավերդի քաղաքի Սանահին թաղամասից 1-2 կմ արևելք։ Գյուղը գտնվում է Դեբեդ գետի բարձրադիր աջ ափին՝ ծովի մակարդակից 1050 մ բարձրության վրա։ Ակներ է վերանվանվել 1935 թ. հունվարի 3-ին[2]։
| Գյուղ | |||
|---|---|---|---|
| Ակներ | |||
 | |||
| Երկիր |  Հայաստան | ||
| Ենթարկում | Ալավերդի | ||
| Մարզ | Լոռու մարզ | ||
| Համայնք | Լոռու մարզ, Թումանյանի շրջան և Բորչալուի գավառ | ||
| Պաշտոնական լեզու | հայերեն | ||
| Բնակչություն | ▼512 մարդ (2011)[1] | ||
| Ազգային կազմ | Հայեր | ||
| Ժամային գոտի | UTC+4 | ||
| |||
Գյուղն ունի քարաշեն փոքրիկ եկեղեցի (1863 թ.)։ 1871 թ.-ին Ա. Երիցյանը գյուղում հայտնաբերել է մ. թ. ա. 1-ին հազարամյակին պատկանող մի քանի դամբարան։ Գյուղի հյուսիսային կողմում են գտնվում միջնադարյան Կայան բերդը և Դսևանք եկեղեցին։
Ավանդություն
խմբագրելԴսևանքի ջուրը մատակարարվել է Որնակա աղբյուրից՝ գետնի տակով անցկացված ջրուղով։ Դարեր առաջ Կայան բերդը պաշարվում է կովկասյան ցեղերի, մասնավորապես՝ լեզգիների կողմից։ Բերդում պաշարված հայերը դիմադրություն են ցույց տվել՝ հնարավորություն չտալով թշնամուն գրավել այն։ Այդ ժամանակ հակառակորդն ամրոցի մոտակա գյուղի մի ծեր կնոջից իմանում է, թե որ աղբյուրից է ջուր հասնում ամրոց։ Այստեղից էլ գյուղի անունը մնում է Որնակ (Ո՞ր ակն է)։ Լեզգիները ջրի աղբյուրը փակում են, և մի քանի օր հետո բերդում պատսպարված ժողովուրդը անձնատուր է լինում[3]։
Բնակչություն
խմբագրելԸստ Հայաստանի 2011 թ. մարդահամարի արդյունքների՝ Ակների մշտական բնակչությունը կազմել է 512, առկա բնակչությունը՝ 497 մարդ[4], բնակչության փոփոխությունը ժամանակի ընթացքում՝ ստորև.
Տնտեսություն
խմբագրելԲնակչությունն զբաղվում է հողագործությամբ, մասամբ էլ անասնաբուծությամբ։
Տես նաև
խմբագրելԾանոթագրություններ
խմբագրել- ↑ 1,0 1,1 Հայաստանի 2011 թ. մարդահամարի արդյունքները (հայ.)
- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 1 [Ա-Դ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 139 — 1008 էջ։
- ↑ Արամ Ղանալանյան (1969). Ավանդապատում. Երևան: Հայկական ՍՍՀ ԳԱԱ Մանուկ Աբեղյանի անվան գրականության ինստիտուտ.
- ↑ 2011 թ Հայաստանի մարդահամարի արդյունքները
- ↑ 5,0 5,1 5,2 5,3 5,4 5,5 5,6 Հայաստանի բնակավայրերի բառարան (հայ.) — Երևան: 2008. — 184 p.
- ↑ Հակոբյան Թ., Մելիք-Բախշյան Ս., Բարսեղյան Հ. Հայաստանի և հարակից շրջանների տեղանունների բառարան (հայ.) — Երևանի համալսարանի հրատարակչություն, 1986. — հատոր 5. — էջ 546. — 4696 p.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 227)։ 
|