Ալվարդ Հովսեփյան

Ալվարդ Հովսեփյան, (գրական անունը՝ Ալ Վարդ), (ապրիլի 26, 1956(1956-04-26), Երևան, Հայկական ԽՍՀ, ԽՍՀՄ) հայ բանաստեղծ, մանկագիր, բանասեր, մանկավարժ, ՀԳՄ անդամ 2021 թվականից։

Ալվարդ Հովսեփյան
Ծնվել է	26 ապրիլի 1956
Ծննդավայր	Երևան
Գրական անուն	Ալ Վարդ
Մասնագիտություն	գրող, մանկավարժ
Ազգություն	հայ
Քաղաքացիություն	Հայաստան
Կրթություն	Երևանի պետական համալսարան
Անդամակցություն	ՀԳՄ

Կյանք և ստեղծագործական ուղի

Ալվարդ Հովսեփյանը ծնվել է 1956 թվականի ապրիլի 26-ին Երևանում։ 1963 -1973 թվականներին սովորել է Երևանի թիվ 126 միջնակարգ դպրոցում։ 1973 թվականին ընդունվել է Երևանի պետական համալսարանի բանասիրական ֆակուլտետը, 1978 թվականին ավարտել է՝ ստանալով բանասերի, հայոց լեզվի և գրականության ուսուցչի որակավորում։

Ամուսնացած է, ունի որդի և դուստր, չորս թոռ։

Ստեղծագործել է դպրոցական տարիներից։ Մանկական բանաստեղծությունները տեղ են գտել «Բողբոջներ» մանկապատանեկան գրական ալմանախում։ Դպրոցականների քաղաքային և հանրապետական գրական մրցույթներում բազմիցս արժանացել է տարբեր կարգերի մրցանակների և պատվոգրերի։ Ղեկավարել է դպրոցական և ուսանողական գրական խմբակներ, կազմակերպել Է գրական-գեղարվեստական բազմաբնույթ միջոցառումներ և մրցույթներ։ Հաճախել է քաղաքային պիոներպալատում գործող գրական խմբակ (ղեկավար` բանաստեղծ, մանկագիր Լիպարիտ Սարգսյան)։

Առաջին մանկական բանաստեղծությունը տպագրվել է 1969 թվականին «Պիոներ կանչ» թերթում, ապա պարբերաբար տպագրվել է գրական մամուլում՝

• «Ծիծեռնակ»
• «Ավանգարդ»
• «Երեկոյան Երևան»
• «Գրական թերթ»
• «Գարուն»

Ստեղծագործությունները պարբերաբար հաղորդվել են ռադիոյով, վարել է հեռուստատեսային մանկական գրական հաղորդումներ։

Բանաստեղծությունները տպագրվել են 6 հեղինակային և 5 համահեղինակային ժողովածուներում։ Ստեղծագործությունները թարգմանվել են ռուսերեն, անգլերեն, արաբերեն լեզուներով։

Աշխատանքային գործունեություն

1981- 2023 թվականներին աշխատանքային գործունեություն է ծավալել կրթության և մանկավարժության ոլորտում. եղել է գիտաշխատող, հայոց լեզվի և գրականության ուսուցչուհի, դասախոս, գործադիր տնօրեն, «Ակութ» կենտրոն- կրթօջախի հիմնադիր տնօրեն։

Տպագրված գրքեր

• 1993 թվական, «Ավետիս», լիրիկական բանաստեղծություններ,
• 2016 թվական, «Եդեմադուռ», լիրիկական բանաստեղծություններ,
• 2019 թվական, «Կանաչ երգ», մանկական բանաստեղծություններ և առակներ,
• 2023 թվական, «FABLES» հայերեն-անգլերեն առակների ժողովածու,
• 2023 թվական, «Այդպես է լինում հեքիաթում», մանկական 10 չափածո հեքիաթների ժողովածու,
• 2023 թվական, «Երկար ու բարակ քառասուն առակ» առակների ժողովածու։

Համահեղինակային ժողովածուներ

• 2018 թվական, «ԳԱՐՈՒՆԸ ՍԻՐՈՒՑ Է ԾՆՎԵԼ», արդի բանաստեղծների անթոլոգիա (կազմող՝ Գագիկ Վարդանյան),
• 2019 թվական, «ՅՈՒՇԱՐՁԱՆ ՄԱՅՐԵՐՈՒՆ» ժողովածու (կազմող՝ Հովսեփ Նալբանդյան),
• 2022 թվական, «ԱՆԳԻՆԵ» մոր և մանկան ժողովածու (կազմող՝ Սամվել Հարոյան),
• 2022 թվական, «ՕԴԱՊԱՐԻԿ ԱՐԵՎԸ», արդի հայ մանկագրության անթոլոգիա (նախագծի հեղինակ՝ Էդվարդ Միլիտոնյան),
• 2023 թվական, «ԱՄՊԻԿՆԵՐ», մանկական բանաստեղծություններ(կազմող և խմբագիր՝ Ծովինար Տիրատուրյան)։

Մամուլ

• 2021-2023 թվականներ, Գրական թերթի տարբեր համարներ
• 2021 թվական, «ԳՐԱԿԱՆ ԱՐՑԱԽ» պարբերական
• 2021 թվականի «ԳԵՂԱՄԱ ԱՇԽԱՐՀ» թերթ
• 2021 թվական, «ԳՈՐԾԱՐԱՐ» ամսագիր/ սեպտեմբեր- հոկտեմբեր/
• 2021 թվական, «Հրապարակ» թերթի մշակութային բաժնում
• 2021 թվական, «Երկունք» ՀԳՄ Լոռու մարզային պարբերաթերթ
• 2021 թվական, «ԳՐԱԿԱՆ ՀԱՄՇԵՆ» պարբերական
• 2022 թվական, «Կրթություն» շաբաթաթերթ
• 2023 թվական, «ԱՌԱՎՈՏ» օրաթերթ – Մշակույթ, հարցազրույց /Վովա Արզումանյան/
• 2021-2023 թվականներ, «ԾԻԾԵՌՆԱԿ» մանկական ամսագրի մշտական հեղինակներից է
• 2021-2022 թվականներ, «Լուսապսակ» մանկապատանեկան գրական մշակութային ամսագիր
• 2023 թվական, «Եթեր» շաբաթաթերթ։
• 2023 թվական, Մանուկների խանդավառ աշխարհը, Գրական թերթ։

Մրցանակներ

2023 թվական, «ՄԵԾՆ ՆԵՐՍԵՍ» բարեսիրական կազմակերպության «ՄԱՐԴ ԱՍՏԾՈ» գրական մրցանակաբաշխության խրախուսական մրցանակ՝ մանկապատանեկան գրականություն անվանակարգում։

Արտաքին հղումներ

• https://hraparak.am/post/53beb38ab1056037f3170fea87084358, Ալվարդ Հովսեփյան, Հրապարակ։
• https://livenews.am/press/2020/30713/21/12/25/, «Սրտի խոսք» հաղորդաշարի հյուրը Ալվարդ Հովսեփյանն է։
• https://www.grakantert.am/archives/17748 Ալվարդ Հովսեփյան, Գրական թերթ։
• https://www.grakantert.am/archives/17338 Ալվարդ Հովսեփյան, Գրական թերթ։
• https://www.aravot.am/2023/08/26/1363920/ Ալվարդ Հովսեփյան, հարցազրույց Առավոտ թերթում 24․08․2023։