Ալեքսանդր Լիպկան
Ալեքսանդր Միխայլովիչ Լիպկան (ռումիներեն՝ Alexandru Lipcan, օգոստոսի 21 (սեպտեմբերի 3), 1908, Կագուլ, Բեսարաբյան գուբերնիա, Ռուսական կայսրություն - հուլիսի 10, 1977 կամ հունիսի 10, 1977[1], Քիշնև, Մոլդովական ԽՍՀ, ԽՍՀՄ), մոլդովացի գրող, լրագրող, թարգմանիչ։ Մոլդովայի ԽՍՀ մշակույթի վաստակավոր գործիչ (1967)։
Ալեքսանդր Լիպկան ռումիներեն՝ Alexandru Lipcan | |
|---|---|
| Ծնվել է | օգոստոսի 21 (սեպտեմբերի 3), 1908 |
| Ծննդավայր | Կագուլ, Բեսարաբյան գուբերնիա, Ռուսական կայսրություն |
| Վախճանվել է | հուլիսի 10, 1977 (68 տարեկան) կամ հունիսի 10, 1977[1] (68 տարեկան) |
| Վախճանի վայր | Քիշնև, Մոլդովական ԽՍՀ, ԽՍՀՄ |
| Մասնագիտություն | գրող, լրագրող և թարգմանիչ |
| Լեզու | մոլդովերեն |
| Քաղաքացիություն |  Ռումինիայի թագավորություն,  Ռուսական կայսրություն և  ԽՍՀՄ |
| Կրթություն | Բուխարեստի համալսարան |
| Կուսակցություն | ԽՄԿԿ |
| Պարգևներ |  |
Կենսագրություն
խմբագրելԱլեքսանդր Լիպկանը ծնվել է 1908 թվականին Բեսարաբիայի հարավում գտնվող Կագուլ գյուղում։ Սովորել է գիմնազիայում, 1934 թվականին ավարտել է Բուխարեստի համալսարանի իրավաբանական ֆակուլտետը։ Մասնակցել է Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողություններին։ Մոլդովայի միավորումից հետո աշխատել է որպես լրագրող։ Պատերազմի ավարտից հետո 1945 թվականին զորացրվել է և զբաղվել գրական գործունեությամբ։
Լիպկանի վեպերը՝ «Զարթոնք» (1952), «Կաղամախիների ուղին» (1955), «Վաղորդյան սարսուռներ» (1962) լայն ճանաչում են գտել ընթերցողների շրջանում, թարգմանվել են ռուսերեն։ 1958 թվականին լույս է տեսել Լիպկանի պատմվածքների ժողովածուն՝ «Երբ հասնում է խաղողը», որն արտացոլում է Մոլդովայի կոլտնտեսային առօրյան։ Լիպկանը զբաղվել է նաև թարգմանությամբ։ Մոլդովերեն թարգմանել է Տոլստոյի, Գորկու, Շոլոխովի և այլոց ստեղծագործություններ[2][3]։
Ստեղծագործություններ
խմբագրել- Deşteptarea (Զարթոնք), 1952
- Drumul cu plopi (Կաղամախիների ուղին), 1956
- Când se coace poama (Երբ հասնում է խաղողը), 1958
- Brumele cad dimineaţa (Վաղորդյան սարսուռներ), 1961
- Iulie - luna lui cuptor, 1967
- Lumini la răspântii, 1976
Ծանոթագրություններ
խմբագրել- ↑ 1,0 1,1 1,2 Library of Congress Authorities — Library of Congress.
- ↑ Մոլդավական նովելներ և պատմվածքներ, «Հայաստան» հրատարակչություն, Երևան, 1970, 184 էջ
- ↑ «Lipcan Alexandru - scriitor» (ռումիներեն). Արխիվացված օրիգինալից 2013 թ․ հունվարի 13-ին. Վերցված է 2012 թ․ նոյեմբերի 2-ին.
Աղբյուրներ
խմբագրել- Literatura şi arta Moldovei: Encicl. - Vol.1. - Chişinău, 1985
- Chişinău-enciclopedie 1997