Ալեսիա Ռուսո

անգլիացի ֆուտբոլիստ

Ալեսիա Միա Թերեզա Ռուսո (անգլ.՝ Alessia Mia Teresa Russo, փետրվարի 8, 1999(1999-02-08)[1], Մեյդսթոուն, Քենթ[2]), անգլիացի ֆուտբոլիստ, ով խաղում է որպես կիսապաշտպան կամ հարձակվող «Մանչեսթեր Յունայթեդի» կանանց և Անգլիայի կանանց հավաքականի թիմում։

Ալեսիա Ռուսո
Քաղաքացիությունը  Միացյալ Թագավորություն
Ծննդյան ամսաթիվ փետրվարի 8, 1999(1999-02-08)[1] (25 տարեկան)
Ծննդավայր Մեյդսթոուն, Քենթ[2]
Հասակ 1,8 մետր[2]
Դիրք կիսապաշտպան և հարձակվող

Ակումբային կարիերա խմբագրել

Ռուսոն իր ֆուտբոլային կարիերան սկսել է «Չարլթոն Աթլետիկի» ակադեմիայում[3], որից հետո մարզվել է մեկ այլ լոնդոնյան ակումբի՝ «Չելսիի» ակադեմիայում[4]։

2017 թվականի հունվարին Ռուսոն տեղափոխվեց «Բրայթոն ընդ Հով Ալբիոն» ակումբ[5]։ 2017 թվականի փետրվարի 5-ին նա իր նորամուտը նշեց ակումբի կազմում Անգլիայի կանանց գավաթի խաղում՝ «Ուիմբլդոնի» դեմ խաղում։

2017 թվականի փետրվարի 11-ին Ռուսոն առաջին գոլը խփեց ակումբի համար «Լոնդոն Բիասի» դեմ խաղում՝ դա Բրայթոնի առաջին գոլն էր Ֆուտբոլային միության կանանց սուպեր լիգայում[6]։

2017 թվականի աշնանը Ռուսսոն տեղափոխվեց Միացյալ Նահանգներ, որտեղ խաղաց Հյուսիսային Կարոլինա Թար Հիլզի քոլեջի ֆուտբոլային թիմում (college soccer)[7]: Երեք մրցաշրջանի ընթացքում ԱՄՆ-ում անցկացրել է 57 հանդիպում և դարձել 28 գոլի հեղինակ։

2020 թվականի սեպտեմբերի 10-ին Ալեսիա Ռուսոն երկու տարվա պայմանագիր է կնքել անգլիական «Մանչեսթեր Յունայթեդ» ակումբի հետ[8]։ 2020 թվականի սեպտեմբերի 13-ին իր նորամուտը նշեց «Մանչեսթեր Յունայթեդի» կազմում Կանանց Սուպերլիգայի «Բիրմինգհեմ Սիթիի» դեմ խաղում[9]։

Կարիերա հավաքականում խմբագրել

Ռուսոն խաղացել է մինչև 15, մինչև 17, մինչև 19, մինչև 20 և մինչև 21 տարեկանների Անգլիայի հավաքականներում։

2020 թվականի փետրվարին ստացավ իր առաջին հրավերը Անգլիայի կանանց ազգային հավաքական[10]։ 2020 թվականի մարտի 11-ին իր առաջին խաղը խաղաց Անգլիայի հավաքականի կազմում Իսպանիայի դեմ՝ փոխարինելով Թոնի Դագանին[11]։

Անձնական կյանք խմբագրել

Ալեսիան ծնվել է Քենթ կոմսության Մեյդսթոուն քաղաքում[3] իտալական արմատներով ընտանիքում։ Նրա պապը Սիցիլիայից էր և Անգլիա է տեղափոխվել 1950-ականներին[12]։ Նրա հայրը՝ Մարիոն, և եղբայրը՝ Ջորջոն, ֆուտբոլ էին խաղում Անգլիայի ցածր դիվիզիոնների թիմերում։

Ծանոթագրություններ խմբագրել

  1. 1,0 1,1 Soccerdonna (գերմ.) — 2010.
  2. 2,0 2,1 2,2 2,3 https://goheels.com/sports/womens-soccer/roster/alessia-russo/16159
  3. 3,0 3,1 «'I came back with a degree': Alessia Russo proof you can become a professional footballer without sacrificing your education» (անգլերեն)։ The Telegraph։ 2020 թ․ սեպտեմբերի 21 
  4. «Chelsea här för att utvecklas» (շվեդերեն)։ Goteborgs-Posten։ 2015 թ․ հուլիսի 16 
  5. «Brighton & Hove Albion Women add four new signings ahead of the Spring Series» (անգլերեն)։ vavel.com։ 2017 թ․ հունվարի 24 
  6. «Alessia Russo scored Brighton’s first goal at FA WSL level but Ashleigh Goddard’s equaliser secured a point for London Bees as the Spring Series got under way» (անգլերեն)։ theFA.com։ 2017 թ․ փետրվարի 12 
  7. «Tar Heel Women's Soccer Adds Nine Newcomers For 2017» (անգլերեն)։ UNC Tar Heels Athletics։ 2017 թ․ հունիսի 21 
  8. «Alessia Russo: Manchester United Women sign England forward» (անգլերեն)։ BBC Sport։ 2020 թ․ սեպտեմբերի 10 
  9. «Birmingham City 2–5 Manchester United» (անգլերեն)։ Womenscompetitions.thefa.com։ 2020 թ․ սեպտեմբերի 13 
  10. «Alessia Russo to join England squad for SheBelieves Cup, with Lucy Bronze ruled out» (անգլերեն)։ theFA.com։ 2020 թ․ փետրվարի 26 
  11. «Spain Defeats England 1–0 on Final Match Day of 2020 SheBelieves Cup» (անգլերեն)։ USSoccer.com։ 2020 թ․ մարտի 11 
  12. «Remember the Name: Alessia Russo» (անգլերեն)։ Our Game Magazine։ 2017 թ․ նոյեմբերի 9 

Արտաքին հղումներ խմբագրել