Ադրիանա Խոջիչ
Ադրիանա Խոջիչ (բոս․՝ Adrijana Hodžić, ալբ․՝ Adrijana Hoxhiq, սերբ.՝ Адријана Хоџић, 1975, Կոսովսկա Միտրովիցա, Կոսովոյի սոցիալիստական ինքնավար երկրամաս, Սերբիայի Սոցիալիստական Հանրապետություն, ՀՍՖՀ), բոսնիական ծագումով Կոսովոյի քաղաքական գործիչ, որը աշխատում է որպես Հյուսիսային Միտրովիցայի փոխքաղաքապետ 2020 թվականի դեկտեմբերի 10-ից[1]։ 2019 թվականի ապրիլի 12-ից մինչև 2020 թվականի փետրվարի 3-ը զբաղեցրել է Կոսովոյի Հանրապետության վարչակազմի և տեղական ինքնակառավարման նախարարի պաշտոնը[2]։
| Ադրիանա Խոջիչ | |
| |
| Կուսակցություն՝ | անկախ քաղաքական գործիչ |
|---|---|
| Մասնագիտություն՝ | պետական ծառայող և քաղաքական գործիչ |
| Ծննդյան օր | 1975 |
| Ծննդավայր | Կոսովսկա Միտրովիցա, Կոսովոյի սոցիալիստական ինքնավար երկրամաս, Սերբիայի Սոցիալիստական Հանրապետություն, ՀՍՖՀ |
| Քաղաքացիություն |  Կոսովո
|
Կենսագրություն
խմբագրելԱդրիանա Խոջիչը ծնվել է 1975 թվականին, Տիտովա Միտրովիցա քաղաքում, որն այդ ժամանակ մտնում էր Հարավսլավիայի Սոցիալիստական Ֆեդերատիվ հանրապետության կազմի մեջ՝ Սերբիայի Սոցիալիստական Հանրապետության Կոսովոյի ինքնավար մարզի կազմում։ Հայրը բոսնիացի է, մայրը՝ ալբանացի։
Հասարակական գործեության բնագավառում փորձ ձեռք է բերել Կոսովոյի պատերազմի ավարտից անմիջապես հետո, երբ, որպես ոչ կառավարական հատվածի տարածաշրջանային ղեկավար, կառավարել է ծրագրեր Կոսովոյի հյուսիսում գտնվող բոլոր սերբական տարածքներում, ինչպես նաև Սերբական հարավի անկլավներում։ Խոջիչն իր գործունեությունը սկզբում իրականացրել է մարդասիրական ակցիաների միջոցով (անապահով ընտանիքներին բնակարան տրամադրել, սնունդ, դեղորայք և վառելափայտ բաժանել), այնուհետև այդ համայնքներում տնտեսական զարգացման մի շարք ծրագրերի միջոցով։
2012 թվականի հուլիսի 20-ին Խոջիչը նշանակվել է Հյուսիսային Միտրովիցայի նորաստեղծ վարչակազմի ղեկավար, այնուհետև զբաղեցրել Կոսովոյի վարչակազմի և տեղական ինքնակառավարման նախարարի պաշտոնը 2019 թվականի ապրիլի 12-ից մինչև 2020 թվականի փետրվարի 3-ը՝ որպես Ռամուշ Խարադինայի երկրորդ կաբինետի անդամ[2]։
2020 թվականի դեկտեմբերի 10-ին Խոջիչը ստանձնել է Հյուսիսային Միտրովիցայի փոխքաղաքապետի պաշտոնը քաղաքապետ Միլան Ռադոևիչի օրոք[1]։
Խոջիչը հանդես է եկել Կոսովոյում երկու բոսնիական մունիցիպալիտետների ստեղծման օգտին և 2021 թվականի Կոսովոյի խորհրդարանական ընտրություններում գլխավորել է սեփական «Միացյալ խմբակցություն» (Komuniteti i Bashkuar) ցուցակը՝ հավաքելով 6,379 ձայն կամ ընտրողների ձայների 0,81%-ը, ընդ որում ձայների մեծամասնությունը տրվել է էթնիկ սերբերի կողմից[3][4][5]։
Ծանոթագրություններ
խմբագրել- ↑ 1,0 1,1 «Radojević položio zakletvu, zamenica gradonačelnika Adrijana Hodžić». www.radiokontaktplus.org (սերբերեն). Արխիվացված է օրիգինալից 2021 թ․ ապրիլի 24-ին. Վերցված է 2021 թ․ մարտի 10-ին.
- ↑ 2,0 2,1 «» Former ministers». mapl.rks-gov.net. Արխիվացված օրիգինալից 2021 թ․ ապրիլի 27-ին. Վերցված է 2021 թ․ մարտի 10-ին.
- ↑ «Hodžić: Želim da ispravim nepravdu prema Bošnjacima na Kosovu - Kosovo Online». www.kosovo-online.com (սերբերեն). Արխիվացված օրիգինալից 2021 թ․ մարտի 3-ին. Վերցված է 2021 թ․ մարտի 10-ին.
- ↑ «Adrijana Hoxhiq e dyta më e votuara në mesin e boshnjakëve». Radio Evropa e Lirë (ալբաներեն). Արխիվացված օրիգինալից 2021 թ․ մարտի 10-ին. Վերցված է 2021 թ․ մարտի 10-ին.
- ↑ «Adrijana Hodžić van Kosova "svjesna zavjere i prevare koju je napravila"». Info-ks.net (բոսնիերեն). Վերցված է 2021 թ․ մարտի 10-ին.
 | Վիքիպահեստն ունի նյութեր, որոնք վերաբերում են «Ադրիանա Խոջիչ» հոդվածին։ |