Ադրբեջանի երկրաբանական թանգարան

Ադրբեջանի երկրաբանական թանգարան (ադրբ.՝ Azərbaycan Geologiya Muzeyi), թանգարան՝ տեղակայված Ադրբեջանի մայրաքաղաքում։ Թանգարանում ցուցադրված են Ադրբեջանի ընդերքի ապարների, հանքաքարերի, միներալների և բյուրեղների ցուցանմուշներ։ Թանգարանը գործում է էկոլոգիայի և բնական պաշարների նախարարությանը կից։ Թանգարանի տնօրենը Խալիդ Միրզաբեկովն է։

Ադրբեջանի երկրաբանական թանգարան
Տեսակթանգարան և կառույց
ԵրկիրFlag of Azerbaijan.svg Ադրբեջան
ՏեղագրությունԲաքու
ՎայրԲաքու
Հիմնադրված է1982

ՊատմությունԽմբագրել

Թանգարանը հիմնադրվել է 1982 թվականին՝ Ադրբեջանի ԽՍՀ Նախարարների խորհրդի 1982 թվականի ապրիլի 19-ի որոշմամբ՝ 1969 թվականին հիմնադրված Ադրբեջանի երկրաբանության կառավարության շենքի հիմքի վրա։

2008 թվականի մայիսի 21-ին Ադրբեջանի Հանրապետության նախագահ Իլհամ Ալիևը հրամանագիր ստորագրեց նախագահի պահուստային ֆոնդից մեկ միլիոն մանաթ հատկացնելու մասին՝ բնական պաշարների նախարարության և բնապահպանության նախարարության գործունեության բարելավման համար[1]։ Այս կարգադրման շրջանակներում թանգարանը ենթարկվել է լայնածավալ վերանորոգման և վերակառուցման, և թանգարանի կառուցվածքը արդիականացվել է՝ համապատասխանելով ժամանակակից պահանջներին։ Թանգարանի տարածքը հասցվել է 630 քառակուսի մետրի։ 2010 թվականի դեկտեմբերի 25-ին տեղի ունեցավ թանգարանի բացման հանդիսավոր արարողությունը՝ հիմնանորոգումից հետո[2]։

ՑուցահանդեսԽմբագրել

Թանգարանի ցուցասրահում կա աշխարհի տարբեր շրջաններից բերված ավելի քան 5000 նմուշ[3], թանգարանը պայմաններ է ստեղծում Ադրբեջանի բնական ռեսուրսներին ծանոթանալու համար, ինչպես տեղի բնակչության, այնպես էլ օտարերկրյա ներկայացուցիչների համար։ Թանգարանը տարածաշրջանային երկրաբանության, հանքային ռեսուրսների (հանքաքարի օգտակար հանածոներ, ոչ մետաղական օգտակար հանածոներ), պետրոգրաֆիայի, հանքաբանագիտության և պենտոլոգիայի մաս է կազմում։

2016-2017 թվականներին ընդհանուր առմամբ 15 ցուցանմուշ է նվիրաբերվել Ադրբեջանի երկրաբանության թանգարանի ֆոնդին, որոնց թվում կային կվարցային հանքանյութեր և դեկորատիվ քարեր։ Այս ցուցանմուշները հայտնաբերվել են Դաշկեսանի և Խիզինի շրջաններում, ինչպես նաև Փոքր Կովկասում և Մեծ Կովկասի հյուսիս-արևելքում։ Նմուշներից մեկը՝ քվարցային հանքանյութը, հայտնաբերվել է Զաքաթալայի շրջանում[4]։

2018 թվականի փետրվարին Ադրբեջանի երկրաբանության թանգարանի ֆոնդին նմուշ է նվիրվել՝ գալենայի, սպալերիտի և որձաքարի կտորներով հանքանյութ, որը հայտնաբերվել է Գյադեբակի Սոյուգբուլագ գյուղում և, ըստ ենթադրությունների, պատկանում է Մեզոզոյան դարաշրջանին[5]։ Բացի այդ, տարվա առաջին կեսին թանգարան է տեղափոխվել ևս 2 ցուցանմուշ[6]։

Տես նաևԽմբագրել

ԾանոթագրություններԽմբագրել