Աբբեի դը Բելլոք
Աբբեի դը Բելլոք (ֆր.՝ Abbaye de Belloc) կամ Աբբեի Նոտր Դամ դը Բելլոք (ֆր.՝ Abbaye Notre-Dame de Belloc), ֆրանսիական կոշտ պանիր, որը պատրաստում են այծի կաթից։
| Աբբեի դը Բելլոք | |
|---|---|
 | |
| Տեսակ | ֆրանսիական պանիր, ոչխարի կաթից պանիր և պինդ անեփ պանիր |
| Առաջացման երկիր | .svg){kind=small} Ֆրանսիա |
| Տարածաշրջան | Բեարն, Բասկերի հողեր և Աքվիտանիա |
| Կաթ | ոչխարի կաթ |
 Abbaye de Bellocq Վիքիպահեստում | |
Պատմություն խմբագրել
Պանիրը պատրաստում են Նոտր Դամ դը Բելլոք վանքում՝ սկսած 1960-ական թվականներից[1]։ Այն քիչ տեսակի պիրենեյան պանրատեսակներից է, որը վաճառվում է Փարիզում[2]։
Պատրաստում խմբագրել
Աբբեի դը Բելլոք պանիրը պատրաստվում է ավանդական եղանակով։ Պատրաստման համար անհրաժեշտ է Բասկերի Երկրի կարմրաքիթ այծերի չպաստերիզացված անքաշ կաթ։ Պանրատեսակի պատրաստումը սկսվում է կաթի մակարդմամբ։ Այն բանից հետո, երբ մակարդի կտորները սկսում են հեշտորեն փշրվել, ընդհանուր զանգվածը սկսում են դանդաղորեն խառնել։ Դրանից հետո մակարդված ամբողջ զանգվածը մամլում են և աղ անում։ Հետո տեղափոխում են աղաջրի մեջ և թողնում, որ հասունանա։ Պանիրը հասունանում է սառը նկուղներում՝ վեց ամիսների ընթացքում[3][4]։
Նկարագիր խմբագրել
Պանրի գլուխն ունի հարթ սկավառակի տեսք՝ ուռուցիկ ծայրերով։ Տրամագիծը կազմում է 25 սմ, բարձրությունը՝ 8,5-ից 11 սմ։ Քաշը սովորաբար տատանվում է 4,5-ից 5,5 կգ։ Գլուխը պատված է բնական պուտիկավոր բորբոսով, որն ունի գորշ, վառ շագանակագույն, կարմիր կամ շագանակագույն երանգներ։ Կեղևի տակ գտնվում է խիտ և առաձգական կաթնասպիտակ երանգով միջուկը։ Պանրատեսակն աչքի է ընկնում մեծ յուղայնությամբ[2][3]։
Պանրատեսակն աչքի է ընկնում նուրբ համով՝ կարամելի և մրգերի համային երանգներով, ինչպես նաև պարունակում է այծի կաթի և ընկուզեղենի թեթև համային հատկանիշներ[1][3]։
Օգտագործվում է որպես առանձին ուտեստ։ Հրամցնում են հացով և քաղցր սպիտակ գինով[2][3]։
Ծանոթագրություններ խմբագրել
- ↑ 1,0 1,1 «Аббе де Беллок (Abbaye de Belloc)» (ռուսերեն). fromages-france.com. Արխիվացված է օրիգինալից 2017 թ․ հոկտեմբերի 27-ին. Վերցված է 2016 թ․ դեկտեմբերի 22-ին.
- ↑ 2,0 2,1 2,2 Французские сыры: иллюстрированная энциклопедия, 2003, էջ 44
- ↑ 3,0 3,1 3,2 3,3 Джульет Харбатт, 2012, էջ 30
- ↑ «Аббе де Беллок» (ռուսերեն). syrinfo.ru. Արխիվացված է օրիգինալից 2017 թ․ ապրիլի 11-ին. Վերցված է 2016 թ․ դեկտեմբերի 22-ին.
Գրականություն խմբագրել
- Կաղապար:Книга:Французские сыры: иллюстрированная энциклопедия
- Джульет Харбатт Лучшие сыры мира. — М.: Издательство «BBPG», 2012. — 352 с. — ISBN 978-5-93679-168-0
Արտաքին հղումներ խմբագրել
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Աբբեի դը Բելլոք կատեգորիայում։ |