«Tears for Fears» (անգլ.՝ Արցունքներ վախերից), բրիտանական խումբ, որը հանդես է գալիս սինթի փոփ, նոր ալիք և ալտերնատիվ ռոք ոճերում։ Այն ստեղծվել է 80-ականների սկզբին Ռոլանդ Օրզաբալի և Կուրտ Սմիթի կողմից նրանց առաջին՝ Graduate խմբի փլուզումից հետո։ Սկզբում խումբը դասվում էր նոր ալիքի շարքին, սակայն նրանք բավականին արագ հեռացել են այդ ոճից և մեծ առևտրային հաջողության են հասել ինչպես Մեծ Բրիտանիայում, այնպես էլ նրա սահմաններից դուրս։

Tears For Fears
ԺանրերԱլտերնատիվ ռոք, նոր ալիք, սինթի փոփ
Գործունեություն1981 - ներկա
ԼեյբլNew Door
Epic Records
Կայքwww.tearsforfears.net
Անդամներ
Ռոլանդ Օրզաբալ
Կուրտ Սմիթ
Նախկին անդամներ
Իեն Սթենլի
Էլիաս Մենի
 Tears for Fears Վիքիպահեստում

The Hurting դեբյուտային ալբոմը դարձել Է Մեծ Բրիտանիայի Albums Chart-ի թիվ մեկ ալբոմը և արագ դարձել պլատինե[1][2]։ Songs from the Big Chair երկրորդ ալբոմը կրկնել է The Hurting-ի հաջողությունը և դարձել ամերիկյան Billboard 200 հիթ-շքերթի թիվ մեկ ալբոմ։ Խմբի հետագա ալբոմները այլևս չեն կարողացել կրկնել The Hurting-ի, Songs from the Big Chair-ի և the Seeds of Love-ի հաջողությունը, սակայն դրանք նույնպես բավականին լավ են վաճառվել և Tears For Fears-ի ժողովրդականությունը պահպանվել է։ Խմբի ամենահայտնի հիթերն են «Everybody Wants to Rule the World»[3], «Head over Heels», «Mad World», «Pale Shelter», «Shout», «Sowing the Seeds of Love» և «Woman in Chains» երգերը։

Խմբի պատմություն խմբագրել

Օրզաբալը և Սմիթը ծանոթացել են պատանեկության տարիներին՝ ապրելով Բաթ քաղաքում (Սոմերսեթ կոմսություն)։ Նրանց առաջին լուրջ նախագիծը «Graduate»-ն էր, որի վրա ազդեցություն են ունեցել «The Jam»-ն ու Էլվիս Կոստելոն։ 1980 թվականին թողարկվել է նրանց առաջին ալբոմը՝ «Acting My Age» (Տարիքին համապատասխան)։ Այն լավ արդյունքներ է ցույց տվել Իսպանիայում և Հոլանդիայում։

1981 թվականին Օրզաբալը և Սմիթը հետաքրքրվել են այլ ժամանակակից կատարողներով, ինչպիսիք են Talking Heads-ը և Brian Eno-ն։ Այդ ժամանակ էլ նրանք առանձնացել են «Graduate»-ից և ստեղծել նոր խումբ՝ անվանելով այն The History of Headaches (Գլխացավի պատմություն), և գրեթե անմիջապես վերանվանել Tears For Fears։ Հենց սկզբից նրանք որոշել են, որ միայն իրանք են կազմելու խմբի միջուկը, և խմբի պատկերն ավարտելու համար հրավիրելու են տարբեր երաժիշտների։ «Tears For Fears»-ը պայմանագիր է կնքել «Phonogram Records»-ի հետ 1981 թվականին և թողարկել առաջին սինգլը՝ «Suffer the Children» անվանմամբ (Համբերիր երեխաներին), որին 1982 թվականի մարտին հաջորդել է «Pale Shelter» (Հին ապաստան) հիթի սկզբնական տարբերակը։

Հաջողությունը եկել է «Mad World» (Խենթ աշխարհ) երրորդ սինգլի հետ, որը 1982-ի դեկտեմբերին բրիտանական հիթ-շքերթում հասել է 3 հորիզոնականին։ Իր առաջին ալբոմը՝ «The Hurting»-ը, կոլեկտիվը թողարկել է 1983 թվականի մարտին։ Այս և հաջորդ ալբոմների ստեղծման ժամանակ երգահան Իէն Սթենլին և թմբկահար Մենի Էլիասը համարվում էին կոլեկտիվի լիիրավ անդամներ։ Ալբոմում լայնորեն օգտագործվում էին սինթեզատորներ, իսկ լիրիկան արտացոլում էր Օրզաբալի ոչ լավագույն մանկությունը։ «The Hurting»-ը կարելի է համարել միակ ալբոմը, որն արտացոլում է «Tears for Fears» անվանումը, քանի որ էմոցիոնալ տառապանքների և պրիմիալ թերապիայի վրա հղումները կան գրեթե յուրաքանչյուր երգում։ Ալբոմը եղել է բրիտանական հիթ-շքերթի առաջին հորիզոնականում։ Ալբոմում ընդգրկվել են համաշխարհային հիթեր դարձած «Mad World», «Change» (Փոփոխություն) և վերաձայնագրված «Pale Shelter» երգերը[4]։

 
Կուրտ Սմիթը և Ռոլանդ Օրզաբալը 2017 թվականի հոկտեմբերի 27-ին

1989 թվականին հաջորդ՝ «The Seeds of Love» (Սիրո սերմեր) ալբոմը նույնպես հայտնի է դարձել և ստացել ոսկե կարգավիճակ Գերմանիայի և Շվեյցարիայի հիթ-շքերթներում և պլատինե՝ Մեծ Բրիտանիայում և ԱՄՆ-ում։

1991 թվականին Սմիթը որոշել է հեռանալ խմբից Ռոլանդի հետ վիճաբանության պատճառով, և տեղափոխվել է Նյու Յորք, որտեղ նա զբաղվում էր անհատական կարիերայով։ Իսկ Ռոլանդ Օրզաբալը շարունակել է գործունեությունը խմբում, ձայնագրելով «Elemental» (1993) և «Raoul and the Kings of Spain» (1995) ալբոմները[5]։ «Elemental»-ը ոսկե ալբոմ է դարձել ԱՄՆ-ում և արծաթե՝ Մեծ Բրիտանիայում։ «Raoul and the Kings of Spain» ավելի ստեղծագործական էր, բայց ավելի քիչ կոմերցիոն հաջող[6]։

2000 թվականին Սմիթը և Օրզաբալը նորից միավորվել են և սկսել ձայնագրել «Everybody Loves a Happy Ending» (Բոլորը երջանիկ ավարտ են սիրում) նոր ալբոմը, որը թողարկվել է 2004 թվականին, սակայն չի կարողացել նախորդ ալբոմների հաջողությանը հասնել[7]։

Ռոլանդ Օրզաբալը և Կուրտ Սմիթը մինչ այսօր էլ շարունակում են համերգային գործունեությունը «Tears for Fears» խմբի կազմում, սակայն նոր ալբոմներ չեն թողարկում։

Խումբը 2019 թվականի ամռանը ելույթներ է ունեցել Մեծ Բրիտանիայի և Եվրոպայի տարբեր փառատոներում[8][9][10]։

Խմբի կազմ խմբագրել

Ներկա պահի մասնակիցներ

  • Ռոլանդ Օրզաբալ՝ վոկալ, կիթառ, ստեղնաշարայիններ (1981-մեր օրեր)
  • Կուրտ Սմիթ՝ վոկալ, բաս կիթառ, ստեղնաշարայիններ (1981-1991, 2000-մեր օրեր)

Նախորդ մասնակիցներ

  • Իեն Սթենլի՝ ստեղնաշարայիններ, բեք վոկալ, վոկալ (1981-1987)
  • Էլիաս Մենի՝ թմբուկ, հարվածայիններ (1981-1986)

Ժամանակագիծ

Սկավառակագրություն խմբագրել

Ստուդիական ալբոմներ խմբագրել

Տարեթիվ Անվանում Դիրք հիթ-շքերթներում[11] Նշում
  Գերմանիա DE   Ավստրիա AT   Շվեյցարիա CH   Միացյալ Թագավորություն UK   ԱՄՆ US
1983 The Hurting 15

(23 շաբաթ)

1 Պլատինե

(65 շաբաթ)

82 Ոսկե

(20 շաբաթ)

Թողարկվել է՝ 1983, մարտի 7Վաճառքներ՝ + 800 000
1985 Songs from the Big Chair 1 Ոսկե

(27 շաբաթ)

22

(4 շաբաթ)

5

(16 շաբաթ)

2 Պլատինե

(81 неделя)

1 Պլատինե

(68 շաբաթ)

Թողարկվել է՝ 1985, փետրվարի 25

Վաճառքներ՝ + 6 150 000

1989 The Seeds of Love 5 Ոսկե

(37 շաբաթ)

13

(8 շաբաթ)

8 Ոսկե

(11 շաբաթ)

1 Պլատինե

(30 շաբաթ)

8 Պլատինե

(34 շաբաթ)

Թողարկվել է՝ 1989, սեպտեմբերի 25Վաճառքներ՝ + 1 575 000
1993 Elemental 26

(11 շաբաթ)

24

(10 շաբաթ)

5 Արծաթե

(7 շաբաթ)

45 Ոսկե

(21 неделя)

Թողարկվել է՝ 1993, հունիսի 7Վաճառքներ՝ + 560 000
1995 Raoul and the Kings of Spain 88

(3 շաբաթ)

42

(2 շաբաթ)

41

(1 неделя)

79

(5 շաբաթ)

Թողարկվել է՝ 1995, հոկտեմբերի 9
2004 Everybody Loves a Happy Ending 35

(4 շաբաթ)

48

(4 շաբաթ)

45

(1 неделя)

46

(3 շաբաթ)

Թողարկվել է՝ 2004, սեպտեմբերի 14

Կենդանի ալբոմներ խմբագրել

Ժողովածուներ խմբագրել

Տարեթիվ Անվանում Դիրք հիթ-շքերթներում[11] Նշում
  Գերմանիա DE   Ավստրիա AT   Շվեյցարիա CH   Միացյալ Թագավորություն UK   ԱՄՆ US
1992 Tears Roll Down (Greatest Hits 82–92) 7 Ոսկե

(24 շաբաթ)

34

(2 շաբաթ)

14 Ոսկե

(9 շաբաթ)

2 Պլատինե

(37 շաբաթ)

53 Պլատինե

(13 շաբաթ)

Թողարկվել է՝ 1992, մարտի 2Վաճառքներ՝ + 1 875 000
2017 Rule the World՝ The Greatest Hits 12

(12 շաբաթ)

Թողարկվել է՝ 2017, նոյեմբերի 10

Անդամների սոլո ալբոմներ խմբագրել

Կուրտ Սմիթ

  • 1993՝ «Soul On Board»
  • 1999՝ «Aeroplane»
  • 2008՝ «Halfway, Pleased»
  • 2013՝ «Deceptively Heavy»

Ռոլանդ Օրզաբալ

  • 2001՝ «Tomcats Screaming Outside»

Ծանոթագրություններ խմբագրել

  1. «RIAA – Gold & Platinum Searchable Database – Songs from the Big Chair». RIAA. Վերցված է 2014 թ․ հունվարի 19-ին.
  2. «Certified Awards». British Phonographic Industry. Արխիվացված է օրիգինալից 2013 թ․ փետրվարի 6-ին. Վերցված է 2014 թ․ հունվարի 19-ին.
  3. «Tears For Fears». Արխիվացված է օրիգինալից 2013 թ․ նոյեմբերի 3-ին.. Brit Awards.
  4. «история «Tears for Fears»». Արխիվացված է օրիգինալից 2016 թ․ մարտի 4-ին. Վերցված է 2016 թ․ հունվարի 11-ին.
  5. The Weekly interview: Tears for Fears’ Roland Orzabal
  6. «Tears for Fears» Читайте книжки, господа!
  7. Roland Orzabal Interview: Man Of Music, Man Of Words.
  8. Ellams, Barry (2019 թ․ հունիսի 22). «Pop legends Tears for Fears roll back the years at Delamere Forest concert». CheshireLive. Վերցված է 2019 թ․ օգոստոսի 9-ին.
  9. Yates, Jonathan (2018 թ․ նոյեմբերի 26). «Tears For Fears announce Hampton Court and Blenheim Palace shows for 2019 – how to get tickets». MyLondon. Վերցված է 2018 թ․ դեկտեմբերի 16-ին.
  10. «Tears for Fears join Kylie at Blenheim». Henley Standard. 2018 թ․ դեկտեմբերի 3. Վերցված է 2018 թ․ դեկտեմբերի 16-ին.
  11. 11,0 11,1 Chartquellen: DE AT CH UK US

Արտաքին հղումներ խմբագրել