Starset

Starset, ամերիկյան ռոք խումբ Օհայո նահանգի Կոլումբուս քաղաքից, որը կազմավորվել է 2013 թվականին Downplay խմբի վոկալիստ Դասթին Բեյթսի կողմից։

Starset
Ժանրեր	ալտերնատիվ ռոք և էլեկտրոնիկ ռոք
Գործունեություն	2013
Լեյբլ	Razor & Tie? և Fearless Records?
Կայք	starsetonline.com
Starset Վիքիպահեստում

Խմբի պատմութուն

2013 թվականի մայիսի 28-ին Starset ռոք խումբը հայտարարել է իր գոյության մասին։ Խումբը կազմավորվել է Դասթին Բեյթսի՝ Downplay խմբի վոկալիստի կողմից։ Նույն թվականի հունիսի 3-ին Starset-ը թողարկել է իր առաջին՝ «Carnivore» սինգլը։ Այնուհետև օգոստոսի 9-ին հաջորդել է «My Demons» երկրորդ սինգլը, որի համար ավելի ուշ տեսահոլովակ է նկարահանվել։ Երգը դարձել է շատ հայտնի և զբաղեցրել է Mainstream Rock չարթի 5-րդ հորիզոնականը՝ 44 շաբաթ մնալով չարթում։ Նոյեմբերի 30-ին Starset-ը Gemini Syndrome-ի հետ ուղևորվել է շրջագայության։ 2014 թվականի մարտին խումբը պայմանագիր է կնքել Razor & Tie լեյբլի հետ և արդեն 2014 թվականի հուլիսի 8-ին թողարկել է իր դեբյուտային ալբոմը՝ «Transmissions» անվանումով, որի պրոդյուսերը եղել է Ռոբ Գրեյվսը։ Ալբոմը զբաղեցրել է Billboard 200-ի 49-րդ հորիզոնականը։ Նոյեմբերի 8-ին եղել է «Monster» ալբոմի առաջին սինգլի պաշտոնական թողարկումը, որն ունի տեսահոլովակ։ Դեկտեմբերի 16-ին եղել է «Back To the Earth» երկրորդ սինգլի պաշտոնական թողարկումը, որը նույնպես ունի տեսահոլովակ։ 2015 թվականի դեկտեմբերի 31-ին լույս է տեսել The PROX Transmissions գիրքը։ Այն ավելի խորն է բացահայտում Starset խմբի տիեզերքը, հստակեցնում է, թե ինչ է կանգնած երգերի տեքստի և տեսանյութի իմաստի հետևում։ 2017 թվականի հունվարի 12-ին թողարկվել է «Ricochet» երրորդ սինգլը, իսկ հունվարի 20-ին թողարկվել է «Vessels» երկրորդ ալբոմը, որն ավելի ուշ Billboard 200-ում զբաղեցրել է 11-րդ հորիզոնականը.։

2017 թվականի սեպտեմբերի 27-ին Marvel-ի հետ համատեղ թողարկվել է The PROX Transmissions կոմիքսի թվային տարբերակը, հոկտեմբերի 27-ին՝ տպագիր։

2018 թվականի սեպտեմբերի 28-ին լույս է տեսել «Vessels 2.0» ալբոմը, որն իր մեջ ներառում էր «Die For You», «Telepathic», «Starlight», «Ricochet», «Satellite» երգերի ակուստիկ տարբերակները։ Բացի ակուստիկ տարբերակներից, դրանում ներառվել է նաև Type O Negative խմբի «Love You to Death» երգի քավերը, «Bringing It Down 2.0» երգի նորացված տարբերակը և երկու ռեմիքս՝ «Telepathic (Not Your Dope Remix)» և «Satellite (TRAILS Remix)»։

2019 թվականի օգոստոսի 15-ին թողարկվել է «MANIFEST» սինգլը, օգոստոսի 22-ին՝ երկրորդ սինգլը՝ «WHERE the SKIES END» անվանումով։ Օգոստոսի 29-ին թողարկվել է «DIVING BELL» երրորդ սինգլը։

2019 թվականի սեպտեմբերի 13-ին խումբը ներկայացրել է երրորդ լիարժեք ալբոմը՝ «DIVISIONS» անվանումով։

Անդամներ

• Դասթին Բեյթս (Dustin Bates)՝ վոկալ, ստեղնաշարային (2013-ներկա)
• Ռոն ԴեՉանթ (Ron DeChant)՝ բաս կիթառ, ստեղնաշարային, բեք վոկալ (2013-ներկա)
• Բրոք Ռիչարդս (Brock Richards)՝ կիթառ, բեք վոկալ (2013-ներկա)
• Ադամ Գիլբերտ (Adam Gilbert)՝ հարվածային (2013-ներկա)
• Մարիկո Մուրանակա (Mariko Muranaka)՝ թավջութակ (2014-2015, 2018-2019)
• Ջոնաթան Կամփֆ (Jonathan Kampfe)՝ թավջութակ (2017 - 2019)
• Շիվոն Քրոնին (Siobhan Cronin)՝ ջութակ (2017-ներկա)
• Սյուզաննա Ենգերերովա (Zuzana Engererova)՝ թավջութակ (2019-ներկա)

Սկավառակագրություն

Ստուդիական ալբոմներ

Տարեթիվ	Ալբոմ	Լեյբլ	Չարթեր
			ԱՄՆ US	ԱՄՆ U.S. Rock Albums	ԱՄՆ U.S. Hard Rock Albums	ԱՄՆ U.S. Digital Albums
2014	Transmissions	Razor & Tie	49	16	5	24
2017	Vessels	Razor & Tie	11	—	—	—
2019	Divisions	Fearless Records

Սինգլներ

• «Carnivore» (2014) - US Mainstream Rock #16
• «My Demons» (2014) - US Mainstream Rock #5
• «Telescope» (2014)
• «Halo» (2014) - US Mainstream Rock #16
• «It Has Begun»(2014)
• «Down With The Fallen»(2014)
• «Point of No Return»(2014)
• «Monster» (2016)
• «Back To The Earth» (2016)
• «Ricochet» (2017)
• «Satellite» (2017)
• «Frequency» (2017)
• «MANIFEST» (2019)
• «WHERE THE SKIES END» (2019)
• «DIVING BELL» (2019)
• «STRATOSPHERE» (2019)
• «TRIALS» (2019)