New South China Mall
New South China Mall (արտասանվում է Նյու Սաութ Չայնա մոլ, մոտավորապես թարգմանվում է «Հարավային Չինաստանի նոր առևտրի կենտրոն», չինարեն՝ 新華南MALL, փինյին՝ Xinhuanan Mall ), առևտրի կենտրոն Չինաստանի Դունգուան քաղաքում (Գուանդուն նահանգ), որն աշխարհում ամենամեծերից մեկն է։
 | |
|---|---|
 | |
| Տեսակ | առևտրի կենտրոն |
| Երկիր |  Չինաստան |
| Տեղագրություն | Դունգուան |
| Հիմնադրված է | 2005 |
| Բացված | 2005 |
 | |
 | |
| Պաշտոնական կայք | |
Պատմություն խմբագրել
South China Mall կոչվող առևտրի կենտրոնը (անգլ. թարգմանաբար՝ «Հարավային Չինաստանի առևտրի կենտրոն») բացվել է Դունգուանի աղքատ բանվորական արվարձանում[1] 2005 թվականին[2] և ունի 1500[3] (ըստ պաշտոնական կայքի՝ 2350) վաճառակետ՝ 659․612 մ² ընդհանուր մակերեսով (բոլոր տարածքների մակերեսը 892․000 մ² է[4]), ինչը կենտրոնը դարձնում է ընդհանուր վարձակալվող մակերեսով իր տեսակի մեջ ամենամեծ օբյեկտը[5]։
Սակայն կենտրոնի գործունեության առաջին չորս տարիների ընթացքում գործել է վաճառակետերի 1%-ից պակաս, իսկ գոյության առաջին տասնամյակի վերջում՝ ոչ ավելի, քան 10%-ը[2], ինչի արդյունքում South China Mall-ը դասվել է «մեռած առևտրի կենտրոնների» շարքին[6]։ 2007 թվականի սեպտեմբերին կենտրոնի անվանն ավելացվել է New բառը (անգլ. թարգմանաբար՝ «նոր»)[2][7]։ Շենքը հինգհարկանի է, նրա կառուցման արժեքը եղել է 1,3 միլիարդ ԱՄՆ դոլար[8]։
Շենքը կառուցվել է նախկին վարելահողերի վրա, նախագծի պատվիրատուն և առաջին սեփականատերը միլիոնատեր Հու Գույճունն է (Ալեքս Հու)[8]։ 2006 թվականի դեկտեմբերին կենտրոնը վաճառվել է Founder Group-ին։ Կենտրոնը բաժանված է յոթ գոտիների, որոնք ոճավորված են որպես Ամստերդամ, Փարիզ, Հռոմ, Վենետիկ, Եգիպտոս, Կարիբներ և Կալիֆոռնիա։ Խանութի տեսարժան վայրերն են 25-մետրանոց փարիզյան Հաղթական կամարը, եգիպտական սֆինքսը, Վենետիկի Սուրբ Մարկոսի տաճարի զանգակատան փոքրացված կրկնօրինակը, 2,1 կիլոմետր ընդհանուր երկարությամբ գոնդոլներով ջրանցքերը, 553-մետրանոց ամերիկյան ոլորաններ ատրակցիոնը, Ընկնող աշտարակ տեսակի ատրակցիոնը, շատրվանը[2]։
Առևտրի կենտրոնն արվեստում խմբագրել
2009 թվականին ամերիկացի կինոռեժիսոր Սեմ Գրինը նկարահանել է «Ուտոպիան չորս շարժումներում» վավերագրական ֆիլմը, որի մի մասը նվիրված է New South China Mall-ին[9][10][11]։
Պատկերասրահ խմբագրել
-
-
Վենետիկյան ջրանցքեր -
Ամերիկյան ոլորաններ -
Ընկնող աշտարակ -
Դատարկ վաճառատարածքներ -
Դատարկ վաճառակետեր
Ծանոթագրություններ խմբագրել
- ↑ Welcome to the loneliest shopping mall in the world(անգլ.) на сайте metro.co.uk, 28 октября 2009
- ↑ 2,0 2,1 2,2 2,3 Джоан Ниландер. Chinese «ghost mall» back from the dead?(անգլ.) на сайте cnn.com, 28 апреля 2015
- ↑ Майкл Донохью. The South China Mall of misfortune(անգլ.) на сайте thenational.ae, 12 июня 2008
- ↑ Мэттью Бенджамин, Нипа Пибоонтанасават. China’s mall glut reflects an unbalanced economy(անգլ.) на сайте nytimes.com, 17 апреля 2007
- ↑ Том Ван Райпер. World’s 10 Largest Shopping Malls(անգլ.) на сайте forbes.com, 9 января 2007
- ↑ The Not-So-Great Mall of China: Welcome to the world’s largest (and loneliest) shopping centre(անգլ.) на сайте dailymail.co.uk, 29 октября 2009
- ↑ 华南MALL"变脸"突围 昨起变更为新华南MALL·生活城 Արխիվացված 2011-07-20 Wayback Machine(չին.) на сайте southcn.com, 20 сентября 2007
- ↑ 8,0 8,1 Дэвид Барбоза. China, New Land of Shoppers, Builds Malls on Gigantic Scale(անգլ.) на сайте nytimes.com, 25 мая 2005
- ↑ Utopia in Four Movements(անգլ.) ֆիլմը Internet Movie Database կայքում
- ↑ Utopia, Part 3: The World’s Largest Shopping Mall(անգլ.) Public Broadcasting Service կայքում
- ↑ Utopia, Part 3: The World’s Largest Shopping Mall(անգլերեն) samgreen.to կայքում