Վիքիպեդիա

Ֆուրոսեմիդ

քիմիական միացություն

Ֆուրոսիմիդ, վաճառվում է «Լազիքս» բրենդային անվան տակ, դեղամիջոց է,որն այլ դեղերի հետ մեկտեղ օգտագործվում է սրտային անբավարարության, լյարդային և երիկամային հիվանդությունների հետևանաքով օրգանիզմում հեղուկի կուտակման բուժման նպատակով։ Այն կարող է օգտագործվել նաև զարկերակային բարձր ճնշման բուժման մեջ[1]։ Այն կարող է կիրառվել ներերակային կամ օրալ[1]։ Օրալ կիրառման դեպքում ֆուրոսեմիդը սկսում է ազդել մեկ ժամից,մինչդեռ ներերակային ներմուծման դեպքում՝ 5 րոպեից[1]։

Ֆուրոսեմիդ
Изображение химической структуры
Изображение химической структуры
Նույնացուցիչներ
CAS համար54-31-9
PubChem CID118985385 3440, 118985385
DrugBankDB00695
CompTox Dashboard (EPA)
ECHA InfoCard100.000.185 Խմբագրել Վիքիդատայում

Ընդհանուր կողմնակի էֆեկտները ներառում են ցածր զարկերակային ճնշումը՝ կանգնելիս, ականջներում աղմուկը և ֆոտոսենսիբիլիզացիան[1]։ Պոտենցիալ վտանգավոր կողմնակի էֆեկտներն են էլեկտրոլիտային խանգարումները, ցածր զարկերակային ճնշումը, խլությունը[1]։ Բուժում ստացող հիվանդներին խորհուրդ է տրվում կանոնավոր կերպով արյան քննության հանձնում[1]։ Ֆուրոսեմիդը հանդիսանում է կանթային միզամուղ, որն ազդում է երիկամներում Na-ի ռեաբսորբցիան նվազեցնելով[1]։

Ֆուրոսեմիդը հայտնաբերվել է 1962 թվականին և բժշկական օգտագործումը ԱՄՆ-ում հաստատվել է 1966 թվականին[1][2]։ Այն ընդգրկված է ԱՀԿ-ի կարևոր դեղամիջոցների ցուցակում որպես ավելի էֆեկտիվ և անվտանգ դեղամիջոց[3]։ Աշխարհում մեծածախ վաճառքային գինը սահմանվել է 0,004-0,02 ԱՄՆ դոլար[4]։ ԱՄՆ-ում այն առկա է ջեներիկ դեղամիջոցի տեսքով և արժե 0,15 ԱՄՆ դոլար[1]։ Ֆուրոսեմիդն ընդգրկված է Աշխարհի հակադոպինգային կազմակերպության արգելված դեղերի ցուցակում,այն մտահոգության պատճառով,որ այն կարող է քողարկել այլ դեղամիջոցներին[5]։ Այն օգտագործվում է նաև մրցութային նժույգների մոտ ֆիզիկական ծանրաբեռնվածությամբ դրդված թոքային արյունահոսության կանանարգելման և բուժման համար[6][7]։

Բժշկական կիրառում

խմբագրել

Ֆուրոսեմիդը հիմնականում կիրառում են այտուցների բուժման համար,երբեմն նաև հիպերտենզիայի որոշ դեպքերում (երբ առկա է սրտային կամ երիկամային անբավարարություն)[8]։ Այն հանդիսանում է առաջին գծի դեղամիջոց հիմնականում այն հիվանդների համար,ովքեր ունեն կանգային սրտային անբավարարաությամբ պայմանավորված այտուց[8]։ Ֆուրոսեմիդն օգտագործվում է նաև լյարդի ցիռոզի,երիկամային անբավարարության,նեֆրոտիկ համախտանիշի, գլխուղեղի և թոքերի այտուցի երկրորդային թերապիայի մեջ,երբ պահանջվում է արագ դիուրեզ (ներերակային ներարկում) և որոշ հիպերկալցեմիաների ժամանակ կոմբինացված ադեկվատ հիդրատացիայի հետ[9]։

Երիկամային հիվանդություններ

խմբագրել
 
Ֆուրոսեմիդ (Լազիքս, ներարկման)

Հիպոալբումինեմիայով ուղեկցվող քրոնիկ երիկամային անբավարարաության ժամանակ օգտագործվում է ալբումինի հետ միաժամանակ դիուրեզը մեծացնելու համար։ Ֆուրոսեմիդն օգտագործվում է նաև ալբումինի հետ միաժամանակ նեֆրոտիկ համախտանիշի դեպքում այտուցները քչացնելու համար [10]:

Այլ ինֆորմացիա

խմբագրել
  • Ֆուրոսեմիդը հիմնականում դուրս է բերվում երիկամներով խողովակային սեկրեցիայով։ Երիկամային անբավարարության ժամանակ իջնում է կլիրենսը,բարձրանում է կողմնակի էֆեկտների ռիսկը[1] : Մեծահասակ հիվանդներին խորհուրդ է տրվում ցածր նախնական դոզաներ (կողմնակի էֆեկտները նվազեցնելու համար),բարձր դոզաները կարող են անհրաժե՛տ լինել երիկամային անբավարարության ժամանակ[11]։ Այն կարող է նաև երիկամների վնասման պատճառ լինել․հիմանականում պայմանավորված հեղուկի կորստով (այսինք դեհիդրատացիա),որը սովորաբար դարձելի է։
  • Ֆուրոսեմիդը սկսում է իր ազդեցությունը մեկ ժամից օրալ ընդունման ժամանակ (ներերակային ներմուծման ժամանակ էֆեկտի պիկը հասունանում է 30 րոպեից)։ Ազդեցությունը օրալ ընդունման ժամանակ սովորաբար տևում է 6-8 ժամ,բայց կան էական տարբերություններ հիվանդների միջև[12]։

Այլ էֆեկտներ

խմբագրել

Ֆուրոսեմիդը կարող է առաջացնել պոդագրա պայմանավորված հիպերուրիկեմիայով:Հիպերգլիկեմիան հիմանական կողմանակի էֆեկտներից է։

Ինչպես բոլոր կանթային միզամուզները, ֆուրոսեմիդ զուգակցում են կալիումի կամ կալիում պահող միզամուզ ամիլորդի պրեպարատների (Co-aminofruse) հետ, շիճուկային կալիումի կոնցենտրացիան նվազեցնելու (հիպոկալեմիա) հատկության պատճառով։ Ֆուրոսեմիդի կիրառումից առաջացած այլ էլեկտրոլիտային շեղումներն են՝ հիպոնատրեմիան, հիպոքլորեմիան, հիպոմագնեմիան և հիպոկալցեմիան[13]։

Շատ հետազոտություններ ցույց են տվել,որ սրտային անբավարարության ֆուրոսեմիդով երկարատև բուժման ժամանակ կարող է առաջանալ տարբեր աստիճանի թիմինային դեֆիցիտ։ Այսպիսով խորհուրդ է տրվում թիամինի լրացում[14]։

Չնայած քննարկումներին, այն համարվում է օտոտոքսիկ սովորաբար մեծ ներերակային դոզաների ու արագ ներմուծման և երիկամային անբավարարության ժամանակ[15][16]։

Այլ նախազգուշացումները ներառում են նեֆրոտոքսիկությունը, ալերգիան սուլֆոնամիդների հանդեպ և մեծ դոզաների դեպքում մեծանում է ազատ թիրեոիդ հորմոնային էֆեկտները[17]։

Փոխազդեցություններ

խմբագրել

Ֆուրոսեմիդն ունի պոտենցիալ փոխազդեցություն հետևյալ դեղամիջոցների հետ[18]՝

Պոտենցիալ վտանգավոր փոխազդեցություն հետևյալ դեղերի հետ՝

Ազդեցության մեխանիզմ

խմբագրել

Ֆուրոսեմիդը, ինչպես և մյուս կանթային միզամուղները, Հենլեյի կանթի վերել հատվածում արգելակում է Na-k-Cl անցուղին՝ խոչընդոտելով նատրիումի և քլորի հետներծծումը[19]։

Այն նաև վերացնում է կորտիկոմեդիալ օսմոտիկ գրադիենտը և արգելակում ինչպես դրական, այնպես էլ ազատ ջրի քլիրենսը։ Հեռադիր խողովակների վրա ազդեցությունը անկախ է ալդոստերոնի և կարբոանհիդրազի վրա ունեցած արգելակող ազդեցությունից, բացի այդ այն նվազեցնում է կորտիկոմեդուլյար օսմոտիկ գրադիենտը և արգելակում է ազատ ջրի ինչպես բացասական, այնպես էլ դրական քլիրենսը։ Հենլեյի կանթի NaCl աբսորբցիայի մեծ հնարավորության շնորհիվ, այս դեպքում ացիդոզ չի զարգանում, ի տարբերություն կարբոանհիդրազի ինհիբիտորների։

Ֆուրոսեմիդը, նաև, GABA-A ընկալիչների ոչ մրցակցային արգելակիչ է[20][21][22]։

Ֆարմակոկինետիկա

խմբագրել
  • Մոլեկուլյար քաշ (դալտոն) 330.7
  • % Կենսամատչելիություն 47-70%
    • Կենսամատչելիությունը երկամային հիվանդության տերմինալ փուլում 43 - 46%[23][24]
  • % Պրոտեին կապելու ունակություն 91–99[25]
  • Բաշխման ծավալ (Լ/կգ) 0.07 – 0.2[26][27]
    • Բաշխման ծավալը կարող է լինել բարձր ցիռոզով կամ նեֆրոտիկ համախտանիշով հիվանդների մոտ[26]
  • Արտազատում
    • % Արտազատում մեզով (% ամբողջ դեղաչափի) 60 - 90[26][27]
    • % Անփոփոխ ձևի արտազատում մեզով(% ամբողջ դեղաչափի ) 53.1 - 58.8[28]
    • % Արտազատումը կզանքով (% ամբողջ դեղաչափի) 7 - 9[12]
    • % Արտազատումը լյարդով (%ամբողջ դեղաչափի) 6 - 9[27]
  • Մոտ 10% -ը մետաբոլիզմի է ենթարկվում լյարդի կողմից առողջ անձանց մոտ, սակայն այդ տոկոսը կարող է մեծ լինել ծանր երիկամային անբավարարություն ունեցող մարդկանց մոտ[27]
  • Երիկամային քլիրենս (մլ/ր/կգ) 2.0[26]
  • Կիսատրոհման պարբերություն (ժամ) 2[25]
    • Տևողությունը սրտային անբավարարության դեպքում ( 3.4 ժամ)[26][29]
    • Տևողությունը սուր երիկամային անբավարարության դեպքում (4 - 6 ժամ)[30] և երիկամային ֆունկցիայի բացակայության դեպքում (1.5-9 ժամ)[27]
  • Առավելագույն կոնցենտրացիային հասնելու ժամանակ (ժամ)
    • ներերակային ներմուծում 0.3[31]
    • Օրալ լուծույթ 0.83[25]
    • Օրալ հաբ 1.45[25]

Ֆուրոսեմիդի ֆարմակոկինետիկան կախված չէ սննդի ընդունումից.[32]

Գոյություն ունի անուղղակի կապ արյան պլազմայում ֆուրոսեմիդի կոնցենտրացիայի և ազդեցության էֆեկտիվության միջև։. Էֆեկտիվությունը կախված է մեզում ֆուրոսեմիդի կոնցենտրացիայից[12]

Անվանումներ

խմբագրել

Ֆուրոսեմիդի անվանումները ըստ INN-ի and BAN-ի.[33] BAN-ում հայտնի է որպես ֆուրոսեմիդ։

Շուկայում որոշ բրենդային անվանումներ․որոնք պարունակում են ֆուրոսեմիդ․ Aisemide, Apo-Furosemide, Beronald, Desdemin, Discoid, Diural, Diurapid, Dryptal, Durafurid, Edemid, Errolon, Eutensin, Flusapex, Frudix, Frusetic, Frusid, Fulsix, Fuluvamide, Furesis, Furix, Furo-Puren, Furon, Furosedon, Fusid.frusone, Hydro-rapid, Impugan, Katlex, Lasilix, Lasix, Lodix, Lowpston, Macasirool, Mirfat, Nicorol, Odemase, Oedemex, Profemin, Rosemide, Rusyde, Salix, Seguril, Teva-Furosemide, Trofurit, Uremide, and Urex.

Անասնաբուժության մեջ կիրառում

խմբագրել

Դիուրետիկ էֆեկտը ամենաից հաճախ օգտագործվում էր ձիերի մոտ՝ արյունահոսությունը կանխարգելելու համար վազքի ժամանակ։ Ձիերի մոտ վազքի ժամանակ արյունահոսությունը(թոքային արյունահոսություն՝ պայմանավոված ֆիզիկական ծանրաբեռնվածությամբ ) կանխարգելող կամ հաճախականությունը նվազեցնող հատկությունը հաըտնաբերվել է 1970ական թվականներին պատահականորեն։ ԱՄՆ-ում,վազքի կանոնների համաձայն, եթե ձին քթանցքից արյունահոսում էր երեք անգամ արգելվում էր մասնակցել մրցավազքին։ Կատարվեցին կլինիկական փորձարկումներ և տասնամյակի վերջերին, ԱՄՆ-ի որոշ նահանգներում մրցավազքի հանձնաժողովները սկսեցին օրինականացնել ֆուրոսեմիդի օգտագործումը ձիերի մրցավազքում։ 1995 թ. Սեպտեմբերի 1-ին Նյու Յորքը դարձավ ԱՄՆ վերջին նահանգը, որը երկար տարիներ չընդունեց հետո ընդունեց նրա օգտագործելումը:Մի քանի նահանգներ թույլատրեցին ֆուրոսեմիդն օգտագործել մրցավազքին մասնակցող բոլոր ձիերի համար, բայց որոշները թույլատրեցին միայն հաստատված արյունահոսողների համար։ Ֆուրոսեմիդի օգտագործումը այս նպատակով դեռև առգելված է շատ երկրներում։

Ֆուրոսեմիդը նաև օգտագործվում է ձիերի թոքի այտուցի, սրտային անբավարարության (այլ դեղամիջոցների հետ զուգակցում) և ալերգիկ ռեակցիաների դեպքում։ Չնայած, այն երիկամներում մեծացնում է շրջանառությունը, սակայն չի օգնում երիկամների ֆունկցիային և խորհուրդ չի տրվում օգտագործել երիկամային հիվանդությունների համար։

Ֆուրոսեմիդը նաև օգտագործվում է կատուների և շների սրտային անբավարարության (թոքի այտուց, պլևրալ էքսուդատ և / կամ ասցիտ) բուժման համար[34]։ Այն կարող է օգտագործվել նաև սուր երիկամային անբավարարության ժամանակ,երբ առկա է օլիգուրիա կամ անուրիա՝ մեզի արտազատման խթանման նպատակով։

Ձիեր

խմբագրել

Ֆուրոսեմիդը ներմուծվում է միջմաշկային կամ միջմկանային, սովորաբար 0,5-1,0 մգ/կգ դոզայով օրը երկու անգամ, նախքան մրցավազքը։ ԻՆչպես և շատ այլ միզամուղներ, սա նույնպես կարող է առաջացնել ջրազրկում և էլեկտրոլիտային դիսբալանս, այդ թվում ` կալիումի, կալցիումի, նատրիումի եւ մագնեզիումի կորստի։ Ֆուրոսեմիդի չափաբաժնի չարաշահումը, ամենայն հավանականությամբ, կհանգեցնի մետաբոլիկ ալկալոզի `հիպոքլորեմիայի և հիպոկալեմիայի պատճառով։ Հետևաբար, դեղորայքը խորհուրդ չի տրվում օգտագործել, երբ ձիերի մոտ առկա է ջրազրկում կամ երիկամային անբավարարություն։ Զգուշությամբ է կիրառվում, եթե ձիերի մոտ առկա է լյարդի ախտահարում կամ էլեկտրոլիտային խանգաում։ Գերդոզավորումը կարող է հանգեցնել օրգանիզմի ջրազրկման, ընդունվող հեղուկների և մեզի քանակի փոփոխության, ցնցումների, գաստրոինտերստինալ խնդիրների, երիկամների վնասման, լեթարգիայի, կոլապսի և կոմայի։

Ֆուրոսեմիդը պետք է զգուշությամբ կիրառել հետևյալ դեղորայքների՝ կորտիկոստերոիդների (քանի որ մեծանում է էլեկտրոլիտային դիսբալանսի առաջացման ռիսկը), ամինոգիկոզիդային հակաբիոտիկների (մեծանում է երիկամի կամ ականջի վնասների ռիսկը) և տրիմետոպրիմ սուլֆայի (առաջանում է թրոմբոցիտների քանակի նվազում) հետ։ Այն կարող է փոխներգործել անզգայացնող դեղորայքների հետ, այդ պատճառով, եթե ձին պատրաստվում է վիրահատության, ֆուրոսեմիդի օգտագործումը հսկվում է անասնաբույժի կողմից, նաև նվազեցնում է ասպիրինի դուրս բերումը երիկամներով, հետևաբար, ասպիրինի դոզան կորելացվում է վերոնշյալ դեղորայքների զուգակցված կիրառման ժամանակ։

Ֆուրոսեմիդը կարող է մեծացնել դիգոքսինի տոքսիկության ռիսկը հիպոկալեմիայի հետևանաքով։

Ֆուրոսեդիդը խորհուրդ չի տրվում օգտագործել հղիության և լակտացիայի ժամանակ,քանի որ թափանցում է պլացենտար պատնեշով և կաթով։ Չի կիրառվում հիպոֆիզի ֆունկցիայի խանգարման դեպքում (Քուշինգ)։

Ֆուրոսեմիդը օրգանիզմից էքսկրեցիայի է ենթարկվում ներարկումից 36-72 ժամ հետո։

Ծանոթագրություններ

խմբագրել
  1. ↑ 1,00 1,01 1,02 1,03 1,04 1,05 1,06 1,07 1,08 1,09 «Furosemide». The American Society of Health-System Pharmacists. Արխիվացված օրիգինալից 2015 թ․ նոյեմբերի 19-ին. Վերցված է 2015 թ․ հոկտեմբերի 23-ին.
  2. ↑ Rang, Humphrey (2013). Drug discovery and development [electronic resource] (2nd ed.). Edinburgh: Churchill Livingstone. էջ Chapter 1. ISBN 9780702053160. Արխիվացված օրիգինալից 2015 թ․ դեկտեմբերի 22-ին.
  3. ↑ «WHO Model List of Essential Medicines (19th List)» (PDF). World Health Organization. April 2015. Արխիվացված (PDF) օրիգինալից 2016 թ․ դեկտեմբերի 13-ին. Վերցված է 2016 թ․ դեկտեմբերի 8-ին.
  4. ↑ «Furosemide». International Drug Price Indicator Guide. Արխիվացված օրիգինալից 2017 թ․ մայիսի 10-ին. Վերցված է 2015 թ․ հոկտեմբերի 24-ին.
  5. ↑ «THE 2014 PROHIBITED LIST INTERNATIONAL STANDARD» (pdf). 2014. էջ 5. Արխիվացված (PDF) օրիգինալից 2016 թ․ հունվարի 15-ին. Վերցված է 2015 թ․ հոկտեմբերի 24-ին.
  6. ↑ Sullivan, S; Hinchcliff, K (April 2015). «Update on exercise-induced pulmonary hemorrhage». The Veterinary Clinics of North America. Equine Practice. 31 (1): 187–98. doi:10.1016/j.cveq.2014.11.011. PMID 25770069.
  7. ↑ Hinchcliff, KW; Couetil, LL; Knight, PK; Morley, PS; Robinson, NE; Sweeney, CR; van Erck, E (2015). «Exercise induced pulmonary hemorrhage in horses: American College of Veterinary Internal Medicine consensus statement». Journal of Veterinary Internal Medicine / American College of Veterinary Internal Medicine. 29 (3): 743–58. doi:10.1111/jvim.12593. PMC 4895427. PMID 25996660.
  8. ↑ 8,0 8,1 «Furosemide». The American Society of Health-System Pharmacists. Արխիվացված օրիգինալից 2011 թ․ մարտի 17-ին. Վերցված է 2011 թ․ ապրիլի 3-ին.
  9. ↑ Rossi S, ed. (2004). Australian Medicines Handbook 2004 (5th ed.). Adelaide, S.A.: Australian Medicines Handbook Pty Ltd. ISBN 978-0-9578521-4-3.
  10. ↑ BMC Nephrol. 2012 Aug 29;13:92. doi: 10.1186/1471-2369-13-92.The added-up albumin enhances the diuretic effect of furosemide in patients with hypoalbuminemic chronic kidney disease: a randomized controlled study. Phakdeekitcharoen B1, Boonyawat K Ann Pharmacother. 2003 May;37(5):695-700. Combined furosemide and human albumin treatment for diuretic-resistant edema. Elwell RJ1, Spencer AP, Eisele G
  11. ↑ «British National Formulary». Վերցված է 2018 թ․ նոյեմբերի 9-ին.
  12. ↑ 12,0 12,1 12,2 Ponto, LL; Schoenwald, RD (May 1990). «Furosemide (frusemide). A pharmacokinetic/pharmacodynamic review (Part I)». Clinical Pharmacokinetics. 18 (5): 381–408. doi:10.2165/00003088-199018050-00004. PMID 2185908.
  13. ↑ Oh, SW; Han, SY (June 2015). «Loop Diuretics in Clinical Practice». Electrolyte & Blood Pressure. 13 (1): 17–21. doi:10.5049/EBP.2015.13.1.17. PMC 4520883. PMID 26240596.
  14. ↑ Katta, N; Balla, S; Alpert, MA (July 2016). «Does Long-Term Furosemide Therapy Cause Thiamine Deficiency in Patients with Heart Failure? A Focused Review». The American Journal of Medicine. 129 (7): 753.e7–753.e11. doi:10.1016/j.amjmed.2016.01.037. PMID 26899752.
  15. ↑ Rais-Bahrami K, Majd M, Veszelovszky E, Short B (2004). «Use of furosemide and hearing loss in neonatal intensive care survivors». Am J Perinatol. 21 (6): 329–32. doi:10.1055/s-2004-831887. PMID 15311369.
  16. ↑ BNF 45 March 2003
  17. ↑ «UpToDate». www.uptodate.com. Վերցված է 2018 թ․ նոյեմբերի 6-ին.
  18. ↑ Brand name:Lasix - Generic name: Furosemide Prescription Drug Information, Side Effects - PDRHealth
  19. ↑ Dowd, Frank J; Johnson, Bart; Mariotti, Angelo (2016 թ․ սեպտեմբերի 3). Pharmacology and Therapeutics for Dentistry - E-Book. Elsevier Health Sciences. էջեր 324–326. ISBN 9780323445955. Վերցված է 2017 թ․ նոյեմբերի 4-ին.
  20. ↑ Korpi ER, Kuner T, Seeburg PH, Lüddens H (1995). «Selective antagonist for the cerebellar granule cell-specific gamma-aminobutyric acid type A receptor». Mol. Pharmacology. 47 (2): 283–9. PMID 7870036.
  21. ↑ Tia S, Wang JF, Kotchabhakdi N, Vicini S (1996). «Developmental changes of inhibitory synaptic currents in cerebellar granule neurons: role of GABA(A) receptor alpha 6 subunit». J. Neurosci. 16 (11): 3630–40. PMID 8642407. Արխիվացված օրիգինալից 2007 թ․ սեպտեմբերի 27-ին.
  22. ↑ Wafford KA, Thompson SA, Thomas D, Sikela J, Wilcox AS, Whiting PJ (1996). «Functional characterization of human gamma-aminobutyric acidA receptors containing the alpha 4 subunit». Mol. Pharmacol. 50 (3): 670–8. PMID 8794909.
  23. ↑ AMA Department of Drugs: Drug Evaluations Subscription, American Medical Association, Chicago, IL, 1990.
  24. ↑ Knoben JE & Anderson PO (Eds): Handbook of Clinical Drug Data, 6th. Drug Intelligence Publications, Inc, Hamilton, IL, 1988.
  25. ↑ 25,0 25,1 25,2 25,3 Product Information: Lasix(R), furosemide. Aventis Pharmaceuticals, Bridgewater, NJ, 2004.
  26. ↑ 26,0 26,1 26,2 26,3 26,4 Gilman AG, Rall TW, Nies AS, et al (Eds): Goodman and Gilman's The Pharmacological Basis of Therapeutics, 8th. Pergamon Press, New York, NY, 1990.
  27. ↑ 27,0 27,1 27,2 27,3 27,4 Kelly, M. R.; Cutler, R. E.; Forrey, A. W.; Kimpel, B. M. (February 1974). «Pharmacokinetics of orally administered furosemide». Clinical Pharmacology and Therapeutics. 15 (2): 178–186. ISSN 0009-9236. PMID 4812154.
  28. ↑ Verbeeck, R. K.; Patwardhan, R. V.; Villeneuve, J. P.; Wilkinson, G. R.; Branch, R. A. (June 1982). «Furosemide disposition in cirrhosis». Clinical Pharmacology and Therapeutics. 31 (6): 719–725. ISSN 0009-9236. PMID 7075120.
  29. ↑ Chaturvedi, P. R.; O'Donnell, J. P.; Nicholas, J. M.; Shoenthal, D. R.; Waters, D. H.; Gwilt, P. R. (March 1987). «Steady state absorption kinetics and pharmacodynamics of furosemide in congestive heart failure». International Journal of Clinical Pharmacology, Therapy, and Toxicology. 25 (3): 123–128. ISSN 0174-4879. PMID 3557737.
  30. ↑ Brater, D.C. (1991). «Clinical Pharmacology of Loop Diuretics». Drugs (անգլերեն). 41 (Supplement 3): 14–22. doi:10.2165/00003495-199100413-00004. ISSN 0012-6667. PMID 1712712.
  31. ↑ Haegeli, Laurent; Brunner-La Rocca, Hans Peter; Wenk, Markus; Pfisterer, Matthias; Drewe, Jürgen; Krähenbühl, Stephan (December 2007). «Sublingual administration of furosemide: new application of an old drug». British Journal of Clinical Pharmacology. 64 (6): 804–809. doi:10.1111/j.1365-2125.2007.03035.x. ISSN 1365-2125. PMC 2198789. PMID 17875188.
  32. ↑ AHFS Drug Information 2004. McEvoy GK, ed. Furosemide. American Society of Health-System Pharmacists; 2004: 2260-4.
  33. ↑ «Naming human medicines». Արխիվացված օրիգինալից 2010 թ․ ապրիլի 27-ին. Վերցված է 2009 թ․ նոյեմբերի 18-ին.
  34. ↑ Kittleson, Mark; Kienle, Richard (1998). Small Animal Cardiovascular Medicine. ISBN 978-0-8151-5140-1.

Գրականություն

խմբագրել

Արտաքին հղումներ

խմբագրել
Ստացված է «https://hy.wikipedia.org/w/index.php?title=Ֆուրոսեմիդ&oldid=10129880» էջից