Ֆուչուն լեռան մենաստանը (նկար)
«Ֆուչուն լեռան մենաստանը» (չինարեն՝ 富春山居圖), չին հայտնի նկարիչ Հուան Գունվանի նկարներից է՝ նկարված 1348-1350 թվականներին, 691,3 սմ երկարությամբ։ Նկարը մեր օրերում բաժանված է երկու մասի և գտնվում է տարբեր թանգարաններում։
 | |
|---|---|
.jpg){kind=small} | |
| տեսակ | գեղանկար |
| նկարիչ | Huang Gongwang? |
| տարի | 1348 |
| ստեղծման վայր | Չժեցզյան |
| ժանր | բնանկար |
| նյութ | թուղթ |
| հավաքածու | Կայսերական պալատի թանգարան և Zhejiang Provincial Museum? |
| քաղաք | Չժեցզյան |
| սեփականատեր | Կայսերական պալատի թանգարան, Zhejiang Provincial Museum?, Շեն Ճոու, Դուն Ցիչան և Qianlong Emperor? |
| հատվածն է | Dwelling in the Fuchun Mountains, Taipei fragment? և The Remaining Mountain? |
պատկերված են
| |
Ծանոթագրություններ | |
 Dwelling in the Fuchun Mountains Վիքիպահեստում | |
.JPG)
Պատմություն խմբագրել
Հուան Գունվանը նկարչությամբ սկսել է զբաղվել, երբ արդեն 50 տարեկան էր։ 1347 թվականին նա տեղափոխվել է Հանչժոուից հարավ-արևմուտք գտնվող Ֆուչուն լեռը և ապրել մինչև իր կյանքի վերջը։ Այստեղ էլ ստեղծել է իր մի քանի բնանկարները, ներառյալ՝ «Ֆուչուն լեռան մենաստանը»։
Հեղինակը նկարի վրա սկսել է աշխատել 1348 թվականին և ավարտել է երեք տարի անց՝ 1351 թվականին։ Նկարն ավարտելուց հետո այն նվիրել է դաոսյան մի քրմի։ 100 տարի անց այն ձեռք է բերել Մին դինաստիայի կայսերական նկարիչ Շեն Չժոուն (1427—1509)։ Չժու Ցզյանշենի (1465—1487) գահակալման տարիներին Շեն Չժոուն նկարը ուղարկել է մի անհայտ վայելչագրողի, որպեսզի մեկնաբանի այն։ Վերջինիս որդին նկարը գողանում է, և երկար տարիներ այն ձեռքից ձեռք է ընկնում։ Տարիներ անց Շեն Չժոուն տեսնում է, որ նկարը վաճառվում է շատ բարձր գնով։ Չժոուն այդքան գումար չուներ, որ վճարեր ու գներ, և ստիպված կրկնօրինակում է այն։ Հարյուրավոր տարիներ անց էլ նրա կրկնօրինակումը համարվում է բազմաթիվ կրկնօրինակումներից լավագույնը։
Կրկնօրինակը Շեն Չժոուն տալիս է իր ընկերոջը՝ Ֆան Շինին։ Ֆան Շինը հետամուտ է լինում նաև բնօրինակը գտնելուն։ Նա գնում է նկարը և տալիս Շեն Չժոուին։
Մի քանի դար նկարը տարբեր մարդկանց տներում է լինում, օրինակ՝ Թան Ժիի, Դոնգ Քիչանգի, Վու Ժենգզի։ Երբ մահանում է Վու Ժենգզը, նա կտակում է նկարը իր երրորդ որդուն՝ Վու Հոնգյուին։ Վերջինիս տունը հրդեհվում է, և նկարը լուրջ վնասներ է կրում։ Նրա զարմիկին հաջողվում է փրկել նկարը, և քանի որ այն վնասվածքներ էր ստացել, նա նկարը բաժանում է երկու մասի։ Փոքր մասը հետագայում անվանվում է « Լեռան կտորը» և 1956 թվականին տեղ գտնում Հանդժոուի նահանգային թանգարանում։
Իսկ նկարի ավելի մեծ կտորը հետագայում անվանվում է «Վույոնգ վարպետի մագաղաթը» և հայտնվում տարբեր բարձրաստիճան պաշտոնյաների անհատական հավաքածուներում։ 1950 թվականից այն տեղափոխվում է Թայվան և պահվում Թայբեյի Ազգային թանգարանում։
Հետաքրքիր փաստեր խմբագրել
- Չինաստանի անհատական համատիրություններից մի քանիսը այս նկարի պատվին կոչվում են «Ֆուչուն լեռան մենաստան»։
Միացում՝ երեքուկես դար անց խմբագրել
2011 թվականին նկարի առաջին հատվածը տեղափոխվել է «Թայբեյի ազգային պալատ» թանգարան որտեղ այդ տարվա հունիս-հուլիս ամիսներին ստեղծագործության երկու կեսերը երեքուկես հարյուրամյակից ավելի տևած անջատումից հետո վերջապես միացվել են[1] և ցուցադրվել թանգարանում։ Ցուցադրությունը հսկայական հետաքրքրություն է առաջացրել, դարձել 2011 թվականի ամենազանգվածային արթ-շոուն Թայվանում. նկարը դիտելու նպատակով թանգարան է այցելել 847,509 արվեստասեր[2]։
Ծանոթագրություններ խմբագրել
- ↑ «Parts of treasured brush painting to finally be reunited». Taipei Times. Central News Agency. 2011 թ․ մայիսի 13.
- ↑ «Exhibition & museum attendance figures 2011» (PDF). The Art Newspaper. 2012 թ․ ապրիլ. Արխիվացված է օրիգինալից (PDF) 2017 թ․ սեպտեմբերի 12-ին. Վերցված է 2019 թ․ հունիսի 28-ին.
Արտաքին հղումներ խմբագրել
- Пань Икуй Пейзаж «Отшельничество в горах Фучунь» Хуан Гунвана как отражение эстетических взглядов мастера. Terra Humana, 2010, № 2, с. 167–174.
- «Dwelling in the Fuchun Mountains» by Huang Gongwang and Shen Zhou at China Online Museum
- Record of Dwelling in the Fuchun Mountains at the Zhejiang Provincial Museum website (in Simplified Chinese)