Ֆլորա Նվապա
Ֆլորենս Նվանզուրուահու Նիկրու Նվապա (անգլ.՝ Florence Nwanzuruahu Nkiru Nwapa, ավելի հայտնի է Ֆլորա Նվապա անունով, հունվարի 13, 1931, Օգուտա, Իմո, Նիգերիա - հոկտեմբերի 16, 1993, Էնուգու, Նիգերիա), նիգերացի հեղինակ, որին անվանում են ժամանակակից աֆրիկյան գրականության մայր։ Աֆրիկացի կանանց գրողների սերնդի նախնին է, նա ճանաչվել է որպես Բրիտանիայում անգլերեն լեզվով հրատարակող առաջին աֆրիկացի կին վիպասանը։ Հասել է միջազգային ճանաչման[2]։ Իր առաջին նորավեպը՝ «Efuru»-ն, հրապարակվել է 1966 թվականին «Հեինեմանն Կրթական գրքեր» հրատարակչության կողմից։ Նա իրեն երբեք չի համարել ֆեմինիստ գրող[3]։
| Ֆլորա Նվապա | |
|---|---|
 | |
| Ծնվել է | հունվարի 13, 1931 |
| Ծննդավայր | Օգուտա, Իմո, Նիգերիա |
| Մահացել է | հոկտեմբերի 16, 1993 (62 տարեկան) |
| Մահվան վայր | Էնուգու, Նիգերիա |
| Քաղաքացիություն |  Նիգերիա |
| Կրթություն | Էդինբուրգի համալսարան և Իբադանի համալսարան |
| Երկեր | Efuru?, One is Enough?[1], Wives at War?[1] և This is Lagos, and other stories?[1] |
| Մասնագիտություն | վիպասան, մանկագիր, գրող և բանաստեղծուհի |
| Աշխատավայր | Մինեսոտայի համալսարան, Միչիգանի համալսարան, Նյու Յորքի համալսարան և Լագոսի համալսարան |
Նվապան հայտնի է նաև իր Նիգերիայի քաղաքացիական պատերազմից հետո կառավարության վերականգնման աշխատանքի համար։ Մասնավորապես, նա աշխատել է ծնողազուրկ երեխաների և փախստականների հետ, ովքեր պատերազմի ժամանակ տեղահանվել էին։ Հետագա տարիներին նա Աֆրիկյան գրականությունում և աֆրիկյան կանանց հասարակությունում աշխատել է որպես հրատարակիչ[4]։ Նա առաջին աֆրիկացի հրատարակիչ կանանցից մեկն էր, երբ 1970-ական թվականներին հիմնադրվեց "Tana Press" հրատարակչությունը։
Կենսագրություն խմբագրել
Վաղ տարիներ և կրթություն խմբագրել
Ծնվել է Նիգերիայի հյուսիս-արևելքում գտնվող Օգուտա քաղաքում[5]։ Վեց երեխաներից ամենամեծն է, ում քույրը՝ Մարթա Նվապան, դրամայի ուսուցչուհի է[6]։ Ֆլորա Նվապան դպրոց է ընդունվել Օգուտայում, Պորտ Հարքոուրթում և Լագոսում։ 1957 թվականին ընդունվել է Իբադանի համալսարան, որտեղ ստացել է բակալավրի աստիճան։ Այնուհետև նա գնաց Շոտլանդիա, որտեղ 1958 թվականին Էդինբուրգի համալսարանից ստացել է Կրթության վկայական։
Ուսուցում և հանրային ծառայություններ խմբագրել
Նիգերիա վերադառնալուց հետո Նվապան միացել է Կալաբարի կրթության նախարարությանը որպես կրթության պետ (մինչև 1959 թվականը)։ Ապա նա աշխատանքի է անցել Էնուգուի Թագուհու դպրոցում որպես ուսուցիչ, որտեղ 1969 թվականից 1971 թվականը նա դասավանդել է անգլերեն և աշխարհագրություն։ Նա շարունակում էր աշխատել կրթության և քաղաքացիական ծառայության ոլորտի մի քանի այլ պաշտոններում, Լագոսի համալսարանում (1962–1967)[4]: 1967 թվականից 1970 թվականների Նիգերիայի քաղաքացիական պատերամիզ հետո, նա ընդունվել է Արևելյան Կենտրոնական պետության առողջապահության նախարարության և սոցիալական ապահովության գրասենյակ, որպես հողամասերի, հետազոտության և քաղաքային զարգացման նախարար (1971–1974)[3]:
Ծանոթագրություններ խմբագրել
- ↑ 1,0 1,1 1,2 https://www.britannica.com/biography/Flora-Nwapa
- ↑ Margaret Busby, "Flora Nwapa", Daughters of Africa: An International Anthology of Words and Writings by Women of African Descent (1992), Vintage: 1993, p. 399.
- ↑ 3,0 3,1 Susan Leisure, "Nwapa, Flora", Postcolonial Studies @ Emory, Emory University, Fall 1996.
- ↑ 4,0 4,1 Literary Encyclopedia
- ↑ Hamilton, Janice, Nigeria in Pictures, p. 71.
- ↑ "Interesting Things About Flora Nwapa, Nigeria’s First Female Novelist", Information Nigeria, 1 March 2013.