Ֆելտինս-Արենա
«Ֆելտինս-Արենա» (գերմ.՝ Veltins-Arena), հայտնի նաև որպես «Արենա ԱուֆՇալկե» (գերմ.՝ Arena AufSchalke), բազմաֆունցիոնալ մարզադաշտ գերմանական Գելզենկիրխեն քաղաքում, «Շալկե-04» ֆուտբոլային ակումբի տնային մարզադաշտը։ 2005 թվականի ամռանից մարզադաշտը կրում է գարեջուր արտադրող Veltins ընկերության անունը։ Մարզադաշտը հյուրընկալել է ինչպես ֆուտբոլի աշխարհի առաջնությունների խաղերը (2006 թվական), այնպես էլ տափօղակով հոկեյի առաջնությունը (2010 թվական)։
 | |
|---|---|
.jpg) | |
| Տեսակ | ֆուտբոլային մարզադաշտ |
| Մարզաձև | ֆուտբոլ |
| Տեղագրություն | Gelsenkirchen-Nord?[1] |
| Երկիր |  Գերմանիա[1] |
| Հիմնադրված | 2001 |
| Բացված | մայիսի 30, 2001 |
| Կառուցող | Hellmich (Unternehmen)?[2] և Wayss & Freytag? |
| Ճարտարապետ | HPP Architekten? |
| Սեփականատեր | Շալկե 04 |
| Գործաղեկավար | Շալկե 04 |
| Տարողություն | 62 271 |
| Տնային թիմ | Շալկե 04 |
| Ծածկույթի տեսակը | գազոն |
| Կայք | veltins-arena.de(գերմ.) |
 | |
| |
 Veltins-Arena Վիքիպահեստում | |
Արենայի առանձնահատկություններից մեկն էլ նրա շարժական դաշտն է․ չորս ժամվա ընթացքում այն շարժվում է դեպի փողոց, անցնում է հարավ-արևմտյան տրիբունայի տակով, որն ապահովում է ինչպես գազոնների աճման համար լավագույն պայմանները, այնպես էլ մարզադաշտում տեղի ունեցող տարբեր միջոցառումների ժամանակ դրա պահպանումը։
2002 թվականից այս արենայում է անցկացվում World Team Challenge-ը՝ բիաթլոնի աստղերի Սուրբ Ծննդյան մրցավազքը։ 2010 թվականի դեկտեմբերի 24-ից ձյան առատ տեղումների պատճառով վնասվեցին տանիքը ծածկող 40 թաղանթային նյութերից 3-ը։ Դեկտեմբերի 30-ին նախատեսված մրցավազքը հետաձգվեց՝ հանդիսատեսի անվտանգությունն ապահովելու անհնարինության պատճառով և կայացավ է 2011 թվականի մարտի վերջին[3][4]։
2004 թվականին ստադիոնը հյուրընկալել է Չեմպիոնների Լիգայի եզրափակիչը, որտեղ հաղթող է դարձել պորտուգալական «Պորտու» ակումբը՝ եզրափակչում հաղթելով «Մոնակոյին»՝ 3։ 0 հաշվով։
2006 թվականին մարզադաշտն ընդունել է ֆուտբոլի աշխարհի առաջնության 5 խաղ՝ ներառյալ անգլիացիների և պորտուգալացիների միջև քառորդ եզրափակիչը։ ՖԻՖԱ-ի կանոնների համաձայն՝ աշխարհի առաջնության ժամանակ մարզադաշտը կրում էր «ՖԻՖԱ-ի աշխարհի առաջնության մարզադաշտ Գելզենկիրխեն» (անգլ.՝ FIFA World Cup Stadium Gelsenkirchen) անվանումը։
2010 թվականի մայիսի 7-ին անց է կացվել ԱՄՆ-ի և Գերմանիայի հավաքականների միջև 2010 թվականի տափօղակով հոկեյի աշխարհի առաջնության բացման հանդիպումը։ Խաղը մարզադաշտի տրիբունաներում դիտել է 77803 հանդիսատես, այդպիսով սահմանվել է աշխարհի ռեկորդ տափօղակով հոկեյի հանդիպումներին ներկա գտնվելու համար։ Ֆուտբոլային խաղադաշտի տեղում տեղադրվել է հոկեյի խաղադաշտ, ինչը թույլ տվեց տեղավորել ավելի քան 15 հազար մարդու՝ չհաշված տրիբունայիններում 60 հազարի։
Մինչև 2013/14 մրցաշրջանի մեկնարկը մարզադաշտն ընդլայնվել է 300 նստատեղով, որից հետո այնտեղ տեղավորվել է 61973 մարդ[5]։ 2015 թվականի ամռանը տարողությունը ավելացել է ևս 298 նստատեղով։
2006 թվականի ֆուտբոլի աշխարհի առաջնության խաղերը
խմբագրելՄրցաշարի սկիզբը նշված է CEST (UTC+2) տեղական ժամանակով:
| Ամսաթիվ | Ժամանակ | Թիմ 1 | Հաշիվ | Թիմ 2 | Փուլ | Հանդիսատես |
| 2006 թվականի հունիսի 9 | 21:00 |  Լեհաստան
|
0:2 |  Էկվադոր
|
А խումբ | 52,000 |
| 2006 թվականի հունիսի 12 | 18:00 |  ԱՄՆ
|
0:3 |  Չեխիա
|
E խումբ | 52,000 |
| 2006 թվականի հունիսի 16 | 15:00 |  Արգենտինա
|
6:0 |  Սերբիա և Չեռնոգորիա
|
C խումբ | 52,000 |
| 2006 թվականի հունիսի 21 | 16:00 |  Պորտոգալիա
|
2:1 |  Մեքսիկա
|
D խումբ | 52,000 |
| 2006 թվականի հուլիսի 1 | 17:00 |  Անգլիա
|
0:0
(պեն. 1:3) |
Պորտոգալիա
|
1/4 եզրափակիչ | 52,000 |
Ֆուտբոլի Եվրոպայի 2024 թվականի առաջնության խաղերը
խմբագրելՄրցաշարի սկիզբը նշված է CEST (UTC+2) տեղական ժամանակով:
| Ամսաթիվ | Ժամանակ | Թիմ 1 | Հաշիվ | Թիմ 2 | Փուլ | Հանդիսատես |
| 2024 թվականի հունիսի 16 | 21:00 | Սերբիա
|
0:1 | Անգլիա
|
C խումբ | 48,953 |
| 2024 թվականի հունիսի 20 | 21:00 |  Իսպանիա
|
1:0 |  Իտալիա
|
B խումբ | 49,528 |
| 2024 թվականի հունիսի 26 | 21:00 |  Վրաստան
|
2:0 | Պորտոգալիա
|
F խումբ | 49,616 |
| 2024 թվականի հունիսի 30 | 18:00 | Անգլիա
|
2:1
(լր․ ժամ․) |
 Սլովակիա
|
1/8 եզրափակիչ | 47,244 |
Մարզադաշտի տեսարան
խմբագրել
Ծանոթագրություններ
խմբագրել- ↑ 1,0 1,1 archINFORM (գերմ.) — 1994.
- ↑ https://structurae.net/de/bauwerke/veltins-arena
- ↑ с официального сайта «Шальке 04»(չաշխատող հղում)(գերմ.)
- ↑ Рождественская гонка не состоится из-за обрушения крыши арены в Гельзенкирхене Արխիվացված 2010-12-29 Wayback Machine СЭ
- ↑ «Kapazität der VELTINS-Arena vergrößert». Արխիվացված օրիգինալից 2017 թ․ օգոստոսի 3-ին. Վերցված է 2013 թ․ սեպտեմբերի 8-ին.
Հղումներ
խմբագրել | Վիքիպահեստն ունի նյութեր, որոնք վերաբերում են «Ֆելտինս-Արենա» հոդվածին։ |