Ֆալմեր (մարզադաշտ)
«Ֆալմեր» մարզադաշտ (անգլ.՝ Falmer Stadium), մարզադաշտ Անգլիայի Արևելյան Սասեքս կոմսության Ֆալմեր գյուղի մոտ՝ Բրայտոն քաղաքից 8-10 կլոմետր հեռավորության վրա։ 31 780 նստատեղ ոււնեցող մարզական այդ կառույցի սեփականատերն ու հիմնական օգտագործողը Brighton & Hove Albion ֆուտբոլային ակումբն է։ 2010 թվական հունիսի 22-ին ակումբը հայտարարել է, որ ամերիկյան American Express ֆինանսական ընկերությունը դարձել է մարզադաշտի հովանավորը[2], և այդ կաակցությամբ կնքված պայմանագրի պահանջների համաձայն՝ մարզադաշտն ստացել է American Express Community Stadium (կրճատ՝ AMEX) պաշտոնական անվանումը։ 2019 թվականի գոոստոսին հայտարարվեց, որ ակումբն ու American Express-ը պայմանավորվել են ևս 12 տարով երկարաձգել իրենց գործընկերությունը և կնքել են մի նոր պայմանագիր, որի համաձայն ընկերությունն ակումբին վճարելու է մոտավորապես 130 միլիոն եվրո, բացի այդ՝ հովանավորելու է Brighton & Hove Albion ակումբի բոլոր թիմերի մարզաշապիկների ձեռքբերումը[3]։
 | |
|---|---|
 | |
| Տեսակ | ֆուտբոլային մարզադաշտ, տեսարժան վայր և Ռեգբիի մարզադաշտ |
| Մարզաձև | ֆուտբոլ և ռեգբի 15 |
| Տեղագրություն | Moulsecoomb and Bevendean? |
| Երկիր | .svg){kind=small} Միացյալ Թագավորություն |
| Հիմնադրված | 2008 |
| Անվանված է | Falmer? |
| Բացված | հուլիս 2011 |
| Ճարտարապետ | KSS Design Group? |
| Սեփականատեր | Բրայթոն ենդ Հոու Ալբիոն |
| Գործաղեկավար | Բրայթոն ենդ Հոու Ալբիոն |
| Տարողություն | 31 800[1] |
| Տնային թիմ | Բրայթոն ենդ Հոու Ալբիոն |
| Ծածկույթի տեսակը | գազոն |
| Կայք | amexstadium.co.uk(անգլ.) |
 | |
| |
 Falmer Stadium Վիքիպահեստում | |
Նորակառույց մարզադաշտում առաջին աշտոնական խաղը տեղի է ունեցել 2011 թվականի հուլիսի 16-ին «Բրայտոն էնդ Հոուվ Ալբիոն» և «Իսթբորն Բորո» թիմերի միջև. դա Sussex Senior Cup գավաթի խաղարկության եզրափակիչ հանդիպումն էր և ավարտվել է տանտերերի հաղթանակով՝ 2-0 հաշվով։ Իսկ մարզադաշտի պաշտոնական բացումը տեղի է ունեցել հուլիսի 30-ին. այս անգամ տանտերերն ընկերական հանդիպում են անցկացրել «Տոտենհեմ Հոթսպուր»-ի հետ և պարտվել 2:3 հաշվով[4]։
Անգլիայի ֆուտբոլի լիգայի 2011–12 առաջնությունում «Բրայտոն էնդ Հոուվ Ալբիոն»-ը առաջին «տնային» հանդիպումը նորակառույցում անց է կացրել 2011 թ. գոստոսի 6-ին «Դոնքասթեր Ռովերս»-ի դեմ և հաղթել 2:1 հաշվով[5]։ Ի դեպ՝ այդ նույն թիմի դեմ է մրցել նաև հին մարզադաշտում՝ «Գոլդսթոուն Գրաունդ»-ում 1997 թվականի ապրիլի 26-ին անցկացրած վերջին հանդիպման ժամանակ[6]։
Ուշագրավ փաստեր
խմբագրել- «Ֆալմեր» մարզադաշտում անց են կացվել ռեգբիի 2015 թվականի աշխարհի առաջնության մրցախաղերից մի քանիսը[7]։
- Բրիտանացի դիջեյ Fatboy Slim-ը, ով «Բրայտոն էնդ Հոուվ Ալբիոն» թիմի երկրպագուներից է, 2012 թվականի հունիսի 1-ին և 2-ին կազմակերպել է առաջին համերգները «Ֆալմեր» մարզադաշտում[8]։
- 2011 թվականին «Ֆալմեր» մարզադաշտն արժանացել է Structural Steel Design Award մրցանակի[9], 2012 թվականի մայիսին էլ՝ հաղթելով Իտալիայի Թուրին քաղաքում կայացած մրցույթում՝ New Venue Award մրցանակի[10]։
- «Ֆալմեր» մարզադաշտում հանդիսականների առավելագույն թվաքանակի ռեկորդը սահմանվել է 2022 թվականի մայիսի 7-ին, երբ այստեեղ 31 637 ֆուտբոլասերներ հետևել են Անգլիայի Պրեմիեր լիգայի 2021–22 մրցաշրջանի «Բրայտոն էնդ Հոուվ Ալբիոն» և «Մանչեստր Յունայտեդ» թիմերի մրցապայքարին[11]։
Պատկերասրահ
խմբագրել
Ծանոթագրություններ
խմբագրել- ↑ https://www.brightonandhovealbion.com/news/2056428/amex-capacity-to-be-increased
- ↑ footballtradedirectory.com: Abion verkauft Namensrecht des Stadions an American Express Արխիվացված 2017-08-12 Wayback Machine Artikel vom 22. Juni 2010 (englisch)
- ↑ «Brighton verlängert Partnerschaft mit American Express». stadionwelt.de. 2019-08-09. Վերցված է 2019-08-09-ին.(չաշխատող հղում)
- ↑ bbc.co.uk: Spurs eröffnen neues Falmer Stadium Artikel vom 30. Juli 2011 (englisch)
- ↑ guardian.co.uk: Spielbericht Brighton & Hove Albion gegen Doncaster Rovers Artikel vom 6. August 2011 (englisch)
- ↑ theargus.co.uk: Kartenvorverkauf startet Artikel vom 26. Juli 2011 (englisch)
- ↑ sussexexpress.co.uk: Rugby World Cup 2015 matches to be played at Amex in Falmer(չաշխատող հղում) Artikel vom 2. Mai 2013 (englisch)
- ↑ bbc.co.uk: DJ Fatboy Slim in first Brighton Amex stadium concert (englisch)
- ↑ theconstructionindex.co.uk: Stadion gewinnt Structural Steel Design Award 2011 (englisch)
- ↑ bbc.co.uk: Brighton Amex stadium wins best new venue award Artikel vom 16. Mai 2012 (englisch)
- ↑ Besucherrekord gegen Manchester United am 7. Mai 2022 The Sun, 7. Mai 2022
Արտաքին հղումներ
խմբագրել- amexstadium.co.uk: Website des Stadions (englisch)
- brighton-hove.gov.uk: Community Stadium - History Արխիվացված 2012-04-02 Wayback Machine (englisch)
- footballgroundguide.com: Stadionbeschreibung (englisch)
- kssgroup.com. Stadion auf der Website der KSS Group Արխիվացված 2016-05-21 Wayback Machine (englisch)
 | Վիքիպահեստն ունի նյութեր, որոնք վերաբերում են «Ֆալմեր (մարզադաշտ)» հոդվածին։ |