Օմար Էփս

Օմար Հաշիմ Էփս (անգլ.՝ Omar Hashim Epps, հուլիսի 20, 1973(1973-07-20), Բրուքլին, Նյու Յորք, Նյու Յորք, ԱՄՆ) աֆրո-արաբական ծագում ունեցող ամերիկացի դերասան, պրոդյուսեր և կոմպոզիտոր։ Առավելապես հայտն է «Հաուս» հեռուստասերիալում բժիշկ Էրիկ Ֆորմանի դերով։

Օմար Էփս անգլ.՝ Omar Epps
Ծնվել է	հուլիսի 20, 1973 (50 տարեկան)
Ծննդավայր	Բրուքլին, Նյու Յորք, ԱՄՆ
Կրթություն	Ֆիորելլո Հ. ԼաԳուադրդիա Ավագ դպրոց
Քաղաքացիություն	ԱՄՆ
Մասնագիտություն	դերասան, երգիչ, հեղինակ-կոմպոզիտոր և երգահան
Ակտիվ շրջան	1988-այժմ
Ամուսին(ներ)	Քիշա Էփս (2005-այժմ)
Երեխա(ներ)	3
IMDb	ID 0004898

Օմարը դաստիարակվել է միայնակ մոր կողմից, ով դպրոցի տնօրեն է եղել։ Մինչ Օմարը սկսել է նկարահանվել, նա ռեփ է կարդացել «Wolfpak» խմբում, որը հիմնադրվել էր 1997 թվականին Օմարի և վերջինիս եղբոր կողմից։ 10 տարեկանից սկսած Օմարը սցենարներ է գրել։ Սովորել է «Fiorello H. LaGuardia» արվեստի և երաժշտության դպրոցում։

Կարիերա

Օմարը հիմնականում նկարահանվել է պրոբլեմատիկ պատանու կամ մարզիկի դերերում։ Էփսի նորամուտը եղել է «Հեղինակություն» ֆիլմում հայտնի ռեփեր Թուփաք Շակուրի գլխավոր դերակատարմամբ։ Օմար Էփսը նկարահանվել է «Շտապ օգնություն» հեռուստասերիալի մի քանի էպիզոդում՝ բժիշկ Դենիս Գանտի դերում, ով մահանում է «Night Shift» սերիայում՝ գնացքի տակ ընկնելու պատճառով։ 2005 և 2006 թվականներին նոմինացվել է «NAACP Image Award» մրցույթում, սակայն հաղթել է միայն 2007 թվականի երկրորդ պլանի լավագույն դերասան անվանակարգում։

Էփսը նաև նոմինացվել է «NAACP Image Award» մրցույթում լավագույն դերասան անվանակարգում «Conviction» ֆիլմի համար, որտեղ նա տարել է Կառլ Ափչերի դերը, ով աշխարհի նկատմամբ չարացած հանցագործ է, որը իր կյանքի մեծ մասն անցկացրել է Հարավային Ֆիլադելֆիայի բանտերում։ Էփսը հիմնադրել է ֆիլմարտադրության իր սեփական «Brooklyn Works Films» ընկերությունը, որտեղ նա հանդես է գալիս սցենարիստի, պրոդյուսերի և դերասանի պաշտոններում։ Նկարահանվել է «Ալֆի» (դերասաններ Ջուդ Լոուի և Սյուզան Ստրանդոնի մասնակցությամբ), «Նախաճաշ չեմպիոնի համար» (դերասաններ Բրյուս Ուիլիսի և Նիք Նոլտեի մասնակցությամբ), «Ճիչ 2» և «Յակուձայի եղբայրը» հայտնի ֆիլմերում։ 2004-2012 թվականները նակարահանվել է «Հաուս» հեռուստասերիալում, որտեղ տարել է բժիշկ Էրիկ Ֆորմանի դերը։

Էփսը նաև նկարահանվել է «ABC» ընկերության «Հարություն» հեռուստասերիալում` գլխավոր դերերից մեկում։

Անձնական կյանքը

2004 թվականից էփսը և կինը՝ R&B ոճում հանդես եկող «Total» խմբի մենակատար Քիշա Էփսն ամուսնացած են և ունեն դուստր՝ Քա’մարի Մեյ և որդի՝ Ամիր անունով։

Արտաքին հղումներ

• Օմար Էփսի թվիթերյան էջը
• Internet Movie Database
• The New York Times
• "Omar Epps Discography" Archived 2015-09-08 at the Wayback Machine.