Օլեգ Վարդանյան
- Վիքիպեդիայում կան հոդվածներ Վարդանյան ազգանունով այլ մարդկանց մասին։
Օլեգ Մամիկոնի Վարդանյան (մայիսի 11, 1946, Երևան, Հայկական ԽՍՀ, ԽՍՀՄ - դեկտեմբերի 24, 1997, Երևան, Հայաստան), հայ ճարտարապետ, ճարտարապետության տեսաբան։ Ճարտարապետության դոկտոր (1990), պրոֆեսոր (1994): Հայաստանի ճարտարագիտական ակադեմիայի թղթակից անդամ (1994): Հայաստանի ճարտարապետների միության անդամ (1978)[1]։
Օլեգ Վարդանյան | |
---|---|
Ծնվել է | մայիսի 11, 1946 |
Ծննդավայր | Երևան, Հայկական ԽՍՀ, ԽՍՀՄ |
Մահացել է | դեկտեմբերի 24, 1997 (51 տարեկան) |
Վախճանի վայր | Երևան, Հայաստան |
Կրթություն | ՀԱՊՀ (1971) |
Աշխատավայր | Ճարտարապետության և շինարարարության Հայաստանի ազգային համալսարան |
Օլեգ Վարդանյան Վիքիդարանում |
Կենսագրություն խմբագրել
Օլեգ Վարդանյանը ծնվել է 1946 թվականի մայիսի 11-ին, Երևանում։ 1971 թվականին ավարտել է Երևանի պոլիտեխնիկական ինստիտուտը։ Դասախոսել է Երևանի պետական ճարտարապետաշինարարական համալսարանում։ Հեղինակ է Բյուրեղավանի գլխավոր հատակագծի (1973), Երևանում՝ ՀԽՍՀ ժողովրդական տնտեսության նվաճումների ցուցահանդեսի ցուցադրման տաղավարի ծալքավոր ծածկի (1980), Մոնրեալի Կոնկորդ համալսարանի ցուցադրման տաղավարի (1979), Էջմիածնում՝ թատրոն-էստրադայի (1985) և այլն[2]։
Կազմել է «Սկատ», «Ճարտարապետա-բիոնիկական կոնստրուկտիվ ձևերի կիրառումը գյուղական բնակելի և հասարակական կառույցներում» և այլ կատալոգներ, ուսումնամեթոդական ձեռնարկներ։ Հեղինակ է «Կառուցվածքային ծալքավոր մակերեսներ» (անգլերեն, 1979) գրքի։
Մահ խմբագրել
Մահացել է 1997 թվականի դեկտեմբերի 24-ին, Երևանում[3]։
Երկեր խմբագրել
- Կառուցվածքային ծալքավոր մակերեսներ, Մոնրեալ, 1979 (անգլերեն)։
- Ճարտարապետության դինամիկ կառուցվածքային ձևավորման տեսական հիմքերը, Երևան, 1983։
- Սկատ (պատկերագիրք)։
- Ճարտարապետա-բիոնիկական կոնստրուկտիվ ձևերի կիրառումը գյուղական բնակելի և հասարակական կառույցներում (պատկերագիրք)։
Ծանոթագրություններ խմբագրել
- ↑ «Члены союза». uaa.am. Վերցված է 2019 թ․ մարտի 18-ին.(չաշխատող հղում)
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005, էջ 546։
- ↑ Հայաստանի հանրապետություն, օրաթերթ, 27 դեկտեմբերի 1997։ Էջ 8։ [մահախոսական]
Արտաքին հղումներ խմբագրել
- «Вартанян, Олег Мамиконович - Теоретические основы динамического структурного формообразования в архитектуре : автореферат дис. ... доктора архитектуры : 18.00.01 - Search RSL». search.rsl.ru. Վերցված է 2019 թ․ մարտի 18-ին.