Քոքոռեչ
Քոքոռեչ (հունարեն՝ κοκορέτσι, թուրքերեն՝ Kokoreç), Անատոլիայում և Բալկաններում տարածված ուտեստ։ Այն պատրաստում են գառան աղիներից։ Պատրաստում են շամփուրների վրա անցկացրած՝ խորովելով կրակի վրա[1]։ Քոքոռեչը «ջագուր բագուր» անվանումով հայտնի է նաև Իրանում[2]։
 | |
|---|---|
 | |
| Ծագում | |
| Ենթատեսակ | գառան մսով կերակուր, այծի մսով ուտեստ և offal dish? |
| Առաջացման երկիր |  Հունաստան Թուրքիա |
 Kokoretsi Վիքիպահեստում | |
Պատրաստում
խմբագրել Քոքոռեչը պատրաստում են հիմնականում կաթնակեր գառան աղիներից։ Սկզբից մաքրում են աղիները ներսից և դրսից։ Քոքոռեչի պատրաստելու համար շամփուրի վրա նախ փաթաթում են հաստ աղին, այնուհետև բարակ աղին։ Մեծ աղիքները սկսում են փաթաթել շամփուրի վրա։ Հետո փոքր աղիներն են փաթաթում այդ հաստ աղիների վրա։ Մաս-մաս դնում են նաև կենդանական ճարպ։
Հատուկ կրակարանի վրա շամփուրները շարում են և անընդհատ պտտեցնելով խորովում։ Խորովելուց հետո մեծ քանակությամբ համեմունքներ են ավելացնում։ Մատուցում են մանր-մանր կտրատած։ Ամենաշատը լցնում են քիմիոն, օրիգանո և կարմիր կծու պղպեղ։
Մատուցում
խմբագրելՄատուցում են քոքոռեչը պնակի կամ հացի մեջ։ Երբեմն նաև այն հրամցնում են խավարտով։ Խավարտի մեջ մտնում են՝ պոմիդոր, տաքդեղի թթու, վարունգի թթու։ Մատուցում են ըմպելիքներով։
Տարածում և պատրաստում
խմբագրելՀունաստան
խմբագրելՀույները ամեն տարի Զատիկին պատրաստում են այս ուտեստը։ Չնայած որ այն կարելի է պատրաստել նաև ցանկացած ժամանակ։ Հունական պանդոկներում այն մշտական ուտեստ է։ Քոքոռեչը Հունաստանում պատրաստում են կամ տապակելով կամ էլ խորովելով։
Թուրքիա
խմբագրելԹուրքիայում այս ուտեստը ռեստորաններում չեն մատուցում. այն փողոցային սննդի տեսակ է համարվում։ Այն խորովում են հատուկ կրակարանի վրա, որտեղ լցված է ածուխ։ Փողոցներում առավել ընդունված է, որ այն մատուցեն հացի մեջ դրված։ Քոքոռեչը մատուցում են հիմնականում հետևյալ ըմպելիքներով՝ թան, թթվի ջուր կամ շաղգամի քամվածք։
Տես նաև
խմբագրելԾանոթագրություններ
խմբագրել- ↑ Կաղապար:Web kaynağı
- ↑ «Jaghoor Baghoor (Lamb's Liver)». The Persian Pot. Արխիվացված է օրիգինալից 2016 թ․ փետրվարի 3-ին. Վերցված է 2016 թ․ հունվարի 31-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Քոքոռեչ կատեգորիայում։ |