Քուդսի Դուրսուն օղլի Օսմանով
Քուդսի Դուրսուն օղլի Օսմանով (ադրբ.՝ Qüdsi Dursun oğlu Osmanov, փետրվարի 16, 1966, Դեբետաշեն, Նոյեմբերյանի շրջան, Հայկական ԽՍՀ, ԽՍՀՄ) ադրբեջանցի դիվանագետ, Ռումինիայում Ադրբեջանի Հանրապետության արտակարգ և լիազոր դեսպան։
| Քուդսի Դուրսուն օղլի Օսմանով ադրբ.՝ Qüdsi Dursun oğlu Osmanov | |
|---|---|
| Ծնվել է | փետրվարի 16, 1966 (58 տարեկան) |
| Ծննդավայր | Նոյեմբերյանի շրջան, Հայաստանի ԽՍՀ, ԽՍՀՄ |
| Քաղաքացիություն |  ԽՍՀՄ→ Ադրբեջան |
| Կրթություն | Saint Petersburg State University of Water Communications? |
| Մասնագիտություն | դիվանագետ |
| Գործունեություն | Ադրբեջան|XX դար|XXI դար |
| Պարգևներ և մրցանակներ | Ա. Մ. Գորչակովի անվան արծաթե մեդալ |
Կենսագրություն
խմբագրելՔուդսի Դուրսուն օղլի Օսմանովը ծնվել է 1966 թվականին, Հայաստանի ԽՍՀ-ի Նոյեմբերյանի շրջանում։
Ավարտել է Սանկտ Պետերբուրգի պետական համալսարանի Ջրային կոմունիկացիաների, Իրավաբանության և Միջազգային հարաբերությունների ֆակուլտետը (քաղաքական գիտությունների թեկնածու, դիսերտացիան «Ադրբեջանա-ռուսական հարաբերությունները 20-րդ դարի վերջին և 21-րդ դարի սկզբին՝ համաշխարհային քաղաքականության կոնտեքստում» թեմայով)։
1984—1987 թվականներին ծառայել է սովետական բանակում (ԽՍՀՄ-ի Ռազմածովային նավատորմ, ավագ ենթասպա)։
1997—2004 թվականներին Սանկտ Պետերբուրգում եղել է պատվավոր հյուպատոս։ 2004 թվականի դեկտեմբերի 16-ին Ադրբեջանի նախագահի կողմից վերոնշյալ քաղաքում նշանակվել է գլխավոր հյուպատոս, իսկ 2013 թվականի ապրիլի 18-ին՝ դեսպանի տեղակալ[1]
Ունի Արտակարգ և լիազոր դեսպանորդի առաջին աստիճանի դիվանագիտական կարգ։
Ամուսնացած է, երեք երեխաների հայր է։
Գործունեություն
խմբագրելՕսմանովի շնորհիվ Ռուսաստանի Դաշնության և Ադրբեջանի Հանրապետության միջև ընդլայնվել են երկկողմ դիվանագիտական, տնտեսական, առևտրային, մշակութային և գիտա-տնտեսական հարաբերություններ։
Պարգևներ և մրցանակներ
խմբագրելՊատվոգիր՝ ԽՍՀՄ ռազմածովային ուժերում մարտական բարձր ցուցանիշների և քաղաքական պատրաստականության համար Ռազմածովային ուժերի գլխավոր հրամանատար Վլադիմիր Նիկոլաևիչի կողմից։
Պատվոգիր՝ Սանկտ Պետերբուրգի քաղաքապետ Գեորգի Պոլտաբչենկոյի կողմից՝ «Սանկտ Պետերբուրգի և Ադրբեջանի Հանրապետության միջև երկշահավետ համագործակցությանը անձնպես նպաստելու համար»։
Պարգևատրվել է ռուս նշանավոր դիվանագետ Ա.Մ. Գորչակովի անվան արծաթե մեդալով, ինչպես նաև «Ռուսական նավատորմի 300 տարին», «Խաղաղ օվկիանոսյան նավատորմի 275 տարին» մեդալներով։
Ծանոթագրություններ
խմբագրել- ↑ «Бывший генконсул Гудси Османов назначен на новую должность». 2013 թ․ ապրիլի 20. Արխիվացված է օրիգինալից 2013 թ․ ապրիլի 24-ին. Վերցված է 2016 թ․ օգոստոսի 13-ին.