Քնարիկ Վարդանյան
Քնարիկ Գրիգորի Վարդանյան (նոյեմբերի 24 (դեկտեմբերի 7), 1914[1], Փանիկ, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն[1] - դեկտեմբերի 25, 1996, Երևան, Հայաստան[3]), հայ խորհրդային նկարիչ։ ՀԽՍՀ վաստակավոր նկարիչ (1967):
Քնարիկ Վարդանյան | |
|---|---|
 | |
| Ծնվել է | նոյեմբերի 24 (դեկտեմբերի 7), 1914[1] |
| Ծննդավայր | Փանիկ, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն[1] |
| Վախճանվել է | դեկտեմբերի 25, 1996 (82 տարեկան) |
| Մահվան վայր | Երևան, Հայաստան |
| Ազգություն | հայ |
| Քաղաքացիություն |  ԽՍՀՄ և  Հայաստան |
| Կրթություն | Փանոս Թերլեմեզյանի անվան գեղարվեստի պետական քոլեջ (1941)[1] և Երևանի պետական գեղարվեստա-թատերական ինստիտուտ (1950)[1] |
| Մասնագիտություն | նկարչուհի և նկարիչ-փորագրող |
| Պարգևներ |  |
| Կուսակցություն | ԽՄԿԿ[1] |
| Ամուսին | Դավիթ Պողոսյան[2] |
Կենսագրություն խմբագրել
Քնարիկ Վարդանյանը ծնվել է 1914 թվականի նոյեմբերի 24-ին (դեկտեմբերի 2) Շիրակի տարածաշրջանի Քաֆթառլի գյուղում (այժմ` Փանիկ)։ 1933 թվականին ավարտել է Լենինականի շինարարական տեխնիկումը (1933-1934 թվականներին աշխատել է Ալեքսանդր Թամանյանի ճարտարապետական արվեստանոցում իբրե տեխնիկ-ճարտարապետ)։ 1941 թվականին ավարտել է Երևանի Փանոս Թերլեմեզյանի անվան գեղարվեստի ուսումնարանը, 1950 թվականին՝ Երևանի գեղարվեստի ինստիտուտը, 1950-1952 թվականներին՝ Մոսկվայի Հայկական կուլտուրայի տան գեղանկարչական բաժինը (ղեկ․ Բ․ Վ․ Իոգանսոն)։ 1942-1944 թվականներին աշխատել է Երևանի տիկնիկային թատրոնում իբրև գլխավոր նկարիչ, ձևավորել է մի շարք ներկայացումներ, նաև՝ ՀԽՍՀ այլ թատրոններում։ ԽՄԿԿ անդամ (1950)։
Ստեղծագործական ուղի խմբագրել
Վարդանյանը եղել է բազմաժանր նկարիչ։ Սկզբնական շրջանի աշխատանքներում վավերական ճշմարտացիությամբ պատկերել է աշխատավոր մարդու առօրյան («Ծխախոտի սածիլում», 1958, «Տրակտորիստուհի», 1960, «Մատղաշներ», 1962)։ 1960-1970-ական թվականներին Վարդանյանի արվեստում ի հայտ են եկել մարդու և բնության դինամիկ ընկալումներ, գույնի, գծի, ձևի ուժգին կերպափոխումներ («Հորատում», 1964, «Հեծանվորդներ», 1965, «Հայաստան», 1968, «Ալյումին և երկաթ»,1974, «Ալեծուփ», 1976, «Կառուցողներ։ Բամ», 1982, «Երգ ամառնային», 1983)։
Աշխատանքներից գտնվում են Հայաստանի ազգային պատկերասրահում[4]։
Ցուցահանդեսներ խմբագրել
1943 թվականից մասնակցել է հանրապետական, միութենական, միջազգային ցուցահանդեսների։ Անհատական ցուցահանդեսներ է ունեցել Երևանում (1965, 1978, 1981), Լենինականում (1981), Կիրովականում (1981), Եղեգնաձորում (1982), Թբիլիսիում (1982)[5]։
2019 թվականին Երևանում SarGallery պատկերասրահում կազմակերպված «Նուրբ տեսանկյուն» խորագրով ցուցահանդեսում, որտեղ ներկայացվել են քսանից ավելի նկարչուհիների աշխատանքներ, ներկայացվել են նաև Քնարիկ Վարդանյանի ստեղծագործություններից[3]:
Գրականություն խմբագրել
- Խոստիկյան Գոհար, Վարդանյան, Քնարիկ։ Գեղանկարիչներ-Կատալոգ։ Կյանքը և գործնեությունը, ՀԱԳ[6]։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 1,7 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — 1974. — հատոր 11. — էջ 323.
- ↑ https://avproduction.am/?ln=am&page=person&id=3041
- ↑ Baghdasaryan Aram։ «AV Production - Քնարիկ Վարդանյան»։ avproduction.am։ Արխիվացված է օրիգինալից 2023-03-21-ին։ Վերցված է 2016-05-13
- ↑ «Շտեմարան - Հավաքածու - Հայաստանի ազգային պատկերասրահ»։ www.gallery.am։ Վերցված է 2019-02-26
- ↑ LLC Helix Consulting։ «Թամանյանի ու Հալաբյան արվեստանոցներից մինչև Գեղարվեստաթատերական ինստիտուտ… Քնարիկ Վարդանյան (լուսանկարներ)»։ www.panorama.am (անգլերեն)։ Վերցված է 2019-02-26
- ↑ Խոստիկյան Գոհար, Հայաստանի նկարիչների միություն, eds. (1979)։ Քնարիկ Վարդանյան։ ՀՍՍՀ վաստակավոր նկարիչ =: Кнарик Варданян. Засл. худ. Арм. ССР։ Երևան: Ա. հ
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 323)։ 
|