Քաջիկ Հարությունյան
Քաջիկ Արսենի Հարությունյան (հունվարի 12, 1948, Քոլատակ, Մարտակերտի շրջան, ԼՂԻՄ, Ադրբեջանական ԽՍՀ, ԽՍՀՄ), խորհրդային և հայ դերասան, ռեժիսոր։ ԱՀ ժողովրդական արտիստ (2004)։
 | |
|---|---|
 | |
| Ծնվել է | հունվարի 12, 1948 (75 տարեկան) |
| Ծննդավայր | Քոլատակ, Մարտակերտի շրջան, ԼՂԻՄ, Ադրբեջանական ԽՍՀ, ԽՍՀՄ |
| Քաղաքացիություն |  ԽՍՀՄ, Արցախ |
| Մասնագիտություն | դերասան |
Կենսագրություն
խմբագրելԾնվել է 1948 թվականի հուվարի 12-ին Մարտակերտի շրջանի Քոլատակ գյուղում, ուսուցչի ընտանիքում։ Վեց տարեկանից հաճախել է տեղի 7-ամյա դպրոցի առաջին դասարանը։ 5-րդ դասարանից տեղափոխվել է Շուշի քաղաք և սովորել թիվ 2 գիշերօթիկ դպրոցում։ 1962 թվականից ավարտել է 8-րդ դասարանը և ընդունվել Ստեփանակերտի գյուղտնտեսական տեխնիկումի մեխանիզացիայի բաժին։
1964 թվականին աշխատանքի է անցել Ստեփանակերտի Մաքսիմ Գորկու անվան պետական դրամատիկական թատրոնում՝ որպես սկսնակ դերասան[1] և միևնույն ժամանակ երկու տարի սովորել է երեկոյան դպրոցում։
1968 թվականին զորակոչվել է խորհրդային բանակի շարքերը և 1970 թվականին զորացրվելուց հետո կրկին վերադարձել Ստեփանակերտի պետական թատրոն։
1971 թվականին ընդունվել և 1973 թվականին ավարտել է Մոսկվայի Կրուպսկայայի անվան արվեստի համալսարանի թատերական բաժինը։
1982 թվականին արժանացել է Վաստակավոր արտիստի պատվավոր կոչման։
1985 թվականին ԽՍՀՄ կուլտուրայի նախարարության կողմից արժանացել է «Հանդիսատեսին կուլտուրական բարձր սպասարկման համար» մեդալի։
1988 թվականին Արցախյան շարժման նախաշեմին ստեղծել է պոեզիայի թատրոն՝ ժողովրդական դերասան Զինվոր Գևորգյանի և վաստակավոր դերասան Սամվել Բաղինյանի հետ, և շրջել Արցախի և Հայաստանի մեծ ու փոքր գրեթե բոլոր գյուղերով ու քաղաքներով, դրանով նպաստել երիտասարդների հայրենասիրական ոգու բարձրացմանը։
20 տարուց ավելի աշխատանքին զուգահեռ դասավանդում է Ստեփանակերտի մանկապատանեկան ստեղծագործական կենտրոնում, որտեղ ղեկավարել է թատերական և ասմունքի խմբերը։
2014 թվականին լրացավ նրա 50-ամյա ստեղծագործական գործունեությունը Ստեփանակերտի Վահրամ Փափազյանի անվան պետական թատրոնում։
Մինչ օրս աշխատում է Ստեփանակերտի պետական թատրոնում՝ որպես առաջնակարգ դերասան։
Կարիերա
խմբագրելԹատրոնում խաղացել է 150 դեր, որից 100 եղել են կենտրոնական կամ գլխավոր։ Ինքնագործ թատերական խմբերում բեմադրել է 50-ից ավելի պիեսներ, որից՝ 5՝ պետական թատրոնում։
Դերերը թատրոնում
խմբագրել| Ներկայացում | Դեր |
|---|---|
| Նամուս | Սեյրան |
| Էլի մեկ զոհ | Միքայել |
| Քաղքենիներ | Շիշկին |
| Եկամտաբեր պաշտոն | Բելագուբով |
| Անահիտ | Վաչագան |
| Վարազդատ | Մուրիկ |
| Առլեկինը` արքա | Առլեկին |
| Գիքոր | Համբո |
| 40 օր համբառնալուց առաջ | Աղաբաբ Սանոյան |
| Փակուղի | Օսվալդ Կոգեր |
| Կողոպուտ կեսգիշերին | Միլան |
| Չար ոգի | Ոսկան |
| Ալվան ծաղիկ | Ճիվաչ |
| Զգուշացեք, նա դեռ կա | Նազար |
Ֆիլմագրություն
խմբագրել| Ֆիլմ | Ռեժիսոր |
|---|---|
| Կյանք ու կռիվ | Մհեր Մկրտչյան |
| Թևանիկ | Ջիվան Ավետիսյան |
| Անավարտ մանկություն | Ջիվան Ավետիսյան |
| Ճակատագիր | Գոռ Վարդանյան |
Ռեժիսոր
խմբագրելԲեմադրել է «Աղջիկը փեսացու է փնտրում», «Զգուշացեք, դա դեռ կա», «Լույս քեզ տեսնողին» պիեսները։
Պարգևներ
խմբագրել- 2003 թվականին Արցախում մշակույթի զարգացման համար արժանացել է Եղիշեի անվան ամենամյա մրցանակին։
- 2004 թվականին ԼՂՀ կառավարությունը բարձր գնահատելով նրա ծառայություններն արվեստի բնագավառում՝ արժանացել է ԼՂՀ ժողովրդական արտիստի պատվավոր կոչման։
- 2006 թվականին ճանաչվել է տարվա լավագույն դերասան՝ Հ. Թումանյանի «Գիքորը» պիեսում Համբոյի դերակատարման համար։
- 2007 թվականին ճանաչվել է տարվա լավագույն ասմունքող։
- 2008 թվականին ԼՂՀ կառավարությունը բարձր մակարդակով նշել է նրա 60-ամյա հոբելյանը, և նա արժանացել է «Վաչագան Բարեպաշտ» մեդալի։
- 2012 թվականին Հայաստանի թատերական գործիչների կողմից արժանացել է Ոսկե մեդալի։
- 2013 թվականին մատաղ սերնդի դաստիարակության գործում կատարած ծառայության համար պարգևատրվել է ԼՂՀ վարչապետի մեդալով։
Ծանոթագրություններ
խմբագրել- ↑ «Ստեփանակերտի Վ.Փափազյանի անվան պետական դրամատիկական թատրոն ։ ԱՆՁՆԱԿԱԶՄ / 50648 / 68844». m.sptatron.fo.ru. Վերցված է 2017 թ․ փետրվարի 21-ին.