Փորթերվիլ (ՀԱՀ)
Փորթերվիլ[3] (աֆրիկաանս՝ և անգլ.՝ Porterville), քաղաքը Հարավաֆրիկյան Հանրապետության հարավ-արևմուտքում՝ Արևմտյան Կապ նահանգի տարածքում։ Ընդգրկված է Ուեսթ Քոսթ շրջանի և Բերխրիֆիր մունիցիպալիտետի կազմում։
Բնակավայր | ||
---|---|---|
Փորթերվիլ | ||
անգլ.՝ Porterville | ||
Երկիր | Հարավաֆրիկյան Հանրապետություն | |
Համայնք | Bergrivier Local Municipality? | |
Հիմնադրված է | 1863 թ. | |
Մակերես | 7,98 կմ² | |
ԲԾՄ | 252 մետր | |
Բնակչություն | 7057 մարդ (2011) | |
Ժամային գոտի | UTC+2 | |
Հեռախոսային կոդ | 022 | |
Փոստային դասիչ | 6810[1][2] և 6810[1][2] | |
| ||
Պատմություն
խմբագրելԺամանակակից քաղաքի տեղում բնակավայրը հիմնադրվել է 1863 թվականին Պոմոնա ֆերմայի (Pomona) հողերի վրա։ 1903 թվականին Փորթերվիլն ստացել է մունիցիպալիտետի կարգավիճակ։ Տեղանունը ծագել է Կապի գաղութի գլխավոր դատախազ Ուիլյամ Փորթերի (1805—1880) անունից[4]։
Աշխարհագրական դիրք
խմբագրելՔաղաքը գտնվում է նահանգի արևմտյան մասում՝ Ուլիֆանթսրիֆիրբերգե լեռնաշղթայից արևմուտք, նահանգի վարչական կենտրոն Քեյփթաունից մոտավորապես 104 կիլոմետր (ուղիղ գծով) դեպի հյուսիս-հյուսիս-արևելք (NNE)։ Ծովի մակարդակից բացարձակ բարձրությունը կազմում է 252 մետր[5]։
Կլիմա
խմբագրելՔաղաքի կլիման մերձարևադարձային-միջերկրածովյան է։ Միջին տարեկան տեղումների քանակը կազմում է 445 մմ։ Առավելագույն տեղումների քանակը լինում է ապրիլից հոկտեմբեր ընկած ժամանակահատվածում։ Միջին առավելագույն ջերմաստիճանը տատանվում է 17 °C (հուլիսին) մինչև 30,1 °C (փետրվարին)։ Տարվա ամենացուրտ ամիսը հուլիսն է։ Միջին նվազագույն գիշերային ջերմաստիճանն այդ ամսվա ընթացքում կազմում է 5,4 °C[6]։
Բնակչություն
խմբագրել2001 թվականի պաշտոնական մարդահամարի տվյալներով՝ բնակչությունը կազմել է 5864 մարդ, որոնցից տղամարդիկ կազմել են 47,41 տոկոս, կանայք՝ համապատասխանաբար 52,59 տոկոս։ Ռասայական առումով, գունամորթները կազմել են քաղաքի բնակչության 73,16 %-ը, սպիտակամորթները՝ 25,78 %, նոգրոիդները՝ 0,87%, ասիացիները (այդ թվում՝ հնդիկներ)՝ 0,2 %: Քաղաքացիների շրջանում առավել տարածված լեզուներն են եղել աֆրիկաանսը (98,87 %), անգլերենը (0,82%) և կոսան (0,26%)[7]։
2011 թվականի պաշտոնական մարդահամարի ընթացքում ստացված տվյալների համաձայն՝ Փորթերվիլում բնակվում էր 7057 մարդ, որոնցից տղամարդիկ կազմում էին 48,12 տոկոս, կանայք՝ համապատասխանաբար 51,88 տոկոս։ Ռասայական առումով, գունամորթները եղել են քաղաքի բնակչության 76,43 %-ը, սպիտակամորթները՝ 21,04 %, նոգրոիդները՝ 1,59 %, ասիացիները (այդ թվում՝ հնդիկներ)՝ 0,38 %, այլ ցեղերի ներկայացուցիչները՝ 0,57 %: Քաղաքի բնակիչների շրջանում առավել տարածված լեզուներն են եղել աֆրիկաանսը (95,99 %), անգլերենը (1,94 %), սեսոտոն (0,54 %), թսվանան (0,48 %) և կոսան (0,28 %)[8]։
Տրանսպորտ
խմբագրելՔաղաքով անցնում է R44 տարածաշրջանային խճուղին։
Ծանոթագրություններ
խմբագրել- ↑ 1,0 1,1 South African Post Office
- ↑ 2,0 2,1 http://www.postoffice.co.za/tools/pcodes.xls
- ↑ Южно-Африканская Республика. Справочная карта (масштаб 1:2 500 000). — ГУКГ, 1980.
- ↑ Raper, R.E. Dictionary of Southern African Place Names. — HSRC.
- ↑ «Porterville, South Africa Page» (անգլերեն). Fallingrain Global Gazetteer. Վերցված է 2017 թ․ մայիսի 17-ին.
- ↑ «Porterville climate» (անգլերեն). South Africa Explorer. Վերցված է 2017 թ․ մայիսի 17-ին.
- ↑ «Porterville» (անգլերեն). Census 2001. Վերցված է 2017 թ․ մայիսի 17-ին.
- ↑ «Porterville» (անգլերեն). Census 2011. Վերցված է 2017 թ․ մայիսի 17-ին.
Վիքիպահեստն ունի նյութեր, որոնք վերաբերում են «Փորթերվիլ (ՀԱՀ)» հոդվածին։ |