Էլենի Ցալիգոպուլու
Էլենի Ցալիգոպուլու հուն․՝ Ελένη Τσαλιγοπούλου), ապրիլի 11, 1963, Naoussa, հույն երգչուհի, ով երեք տասնամյակից ավելի ձգվող իր արտիստական կարիերայի ընթացքում ճանաչվել է իր երկրի ամենամեծ ժողովրդականություն վայելող երգչուհիներից մեկը[1][2]։
| Էլենի Ցալիգոպուլու հուն․՝ Ελένη Τσαλιγοπούλου | |
|---|---|
 | |
| Ծնվել է | ապրիլի 11, 1963 (61 տարեկան) |
| Ծննդավայր | Naoussa |
| Քաղաքացիություն |  Հունաստան |
| Մասնագիտություն | երգչուհի |
 Eleni Tsaligopoulou Վիքիպահեստում | |
Կենսագրություն խմբագրել
Էլենին ծնվել է Հունաստանում՝ Կենտրոնական Մակեդոնիայի Իմաթիա տարածաշրջանի Նաուսա քաղաքում։ Ելույթներով սկսել է հանդես գալ վաղ հասակից՝ ընկերակցելով իր երաժիշտ եղբորը։ 1981 թվականին, երբ ընդամենը տասնութ տարեկան էր, տղա է ունեցել, ում անվանակոչել է Արգիրիս (հուն․՝ Αργύρη)[3]: Վոկալի դասեր առնելուց հետո՝ 1985 թվականին ելույթներ է ունեցել Սալոնիկում, ավելի ուշ ծանոթացել է երգահան Ջորջ Զիկասի հետ, որի երգերի ձայնագրմամբ էլ թողարկել է իր առաջին երաժշտական ալբոմը[4][5]։
Սկսած 1986 թվականից՝ Էլենին հանդես է եկել հույն տարբեր երգահանների, այդ թվում՝ Ստամատիս Սպանուդակիսի, Մանոս Խաձիտակիսի ստեղծագործությունների կատարմամբ, հյուրախաղային համերգներ տվել Հունաստանի տարբեր քաղաքներում, եվրոպական ու ամերիկյան երկրներում։ Այդ ընթացքում ծանոթացել է երգիչ Յորգոս Դալարասի հետ, և սկսել են համատեղ ելույթներ ունենալ։
1990-ական թվականներին նրան հաջողվել է հասնել հույն երաժիշտ կատարողների ամենաբարձր մակարդակին, թողարկել շուրջ մեկ տասնյակ ալբոմ, որոնք ջերմ ընդունելություն են գտել երաժշտասերների շրջանում, վաճառվել հարյուր հազարավոր օրինակներով։ 1998—1999 թվականներին Ցալիգոպուլուն հյուրախաղային համերգներ է տվել երգչուհի Մելինա Կանայի, ավելի ուշ՝ երգիչ Դիմիտրիս Բասիսի, «Mode Plagal» և «Mikro» երաժշտախմբերի հետ։
21-րդ դարի առաջին տարիներին Էլենին համագործակցել է Նիկոս Պարտոկալօգլուի, Ջոն Կոցարիսի, Յորգոս Անդրեուի հետ։ 2005 թվականի ամռանը համերգային շրջագայություն է կատարել դերասանուհի և երգչուհի Տանյա Ծանակլիդուի հետ, թողարկել է Αγαπημένο μου Ημερολόγιο (Dear Diary) ալբոմը, որտեղ Εστουδιαντίνα Νέας Ιωνίας (Estoudiantina Neas Ionias) երաժշտախմբի հետ ձայնագրել էր հունական ժողովրդական երգերի ինքնատիպ մեկնաբանությամբ ոգեշունչ կատարումներ[6]։
Հաջորդած տարիներին նա շարունակել է ալբոմներ թողարկել և համերգներով հանդես գալ. 2008 թվականին՝ երգիչներ Անդրիանա Բաբալիի ու Ջոտա Նեգայի հետ՝ Սալոնիկի "Αποθήκη του Μύλου" համերգասրահում, երգիչ Գլիկերիայի հետ, Polis թատրոնում էլ՝ Trifono երաժշտախմբի հետ, որը մասնագիտացել է հունական ավանդական երաժշտության մատուցման գործում[7]։
Անձնական կյանք խմբագրել
2008 թվականին տված հարցազրույցներից մեկում Էլենի Ցալիգոպուլուն խոստովանել է, որ շուրջ մեկուկես տասնամյակ ամուսնացած է եղել հույն երգահան, քնարերգու բանաստեղծ և երաժշտական պրոդյուսեր Անդրեու Յորգոսի հետ[3][8] (հուն․՝ Γιώργος Ανδρέου), բայց, վերջ ի վերջո, ամուսնալուծվել են[9]։
Սկավառակագրություն խմբագրել
|
|
Ծանոթագրություններ խմբագրել
- ↑ «Τσαλιγοπούλου Ελένη : Mygreek.fm». www.mygreek.fm. Արխիվացված է օրիգինալից 2019 թ․ մարտի 24-ին. Վերցված է 2019 թ․ մարտի 24-ին.
- ↑ Eleni Tsaligopoulou at Mygreek.fm Արխիվացված 2011-09-04 Wayback Machine {in Greek}
- ↑ 3,0 3,1 Dimitriou, Giotas (October 9, 2008). "The Song Is Not a Junk T-Shirt" {in Greek}
- ↑ «Ελένη Τσαλιγοπούλου - "Κορίτσι και γυναίκα"...». www.musiccorner.gr. Վերցված է 2019 թ․ մարտի 24-ին.
- ↑ Eleni Tsaligopoulou at Music Corner {in Greek}
- ↑ Eleni Tsaligopoulou at U-verse
- ↑ Eleni Tsaligopoulou has been interpreting the works of Greek songwriter Kostas Livadas for the last 15 years (Serifos Festival, July 27, 2015)
- ↑ «Το τραγούδι δεν είναι πρόχειρο μπλουζάκι». www.sigmalive.com. Վերցված է 2019 թ․ մարտի 24-ին.
- ↑ Biographical entry for Giorgos Andreou
- ↑ «Listing for Eleni Tsaligopoulou's 2011 album Tarrira». Արխիվացված է օրիգինալից 2018 թ․ հոկտեմբերի 4-ին. Վերցված է 2019 թ․ ապրիլի 26-ին.
- ↑ Eleni Tsaligopoulou discography at AllMusic
Արտաքին հղումներ խմբագրել
- Էլենի Ցալիգոպուլու Internet Movie Database կայքում
- BBC Artist Page for Eleni Tsaligopoulou Արխիվացված 2019-04-05 Wayback Machine
- Eleni Tsaligopoulou at Athens Photo News (APN) {հունարեն}
 | Վիքիպահեստն ունի նյութեր, որոնք վերաբերում են «Էլենի Ցալիգոպուլու» հոդվածին։ |