Տիյտ Սոկ

	Տիյտ Սոկ; Tiit Sokk
	;
Դիրքը	Խաղարկող
Ի ծնե տրված անունը	Տիյտ Սոկ; Tiit Sokk
Ծննդյան ամսաթիվ	նոյեմբերի 15, 1964 (59 տարեկան)
Ծննդավայր	Տարտու, Էստոնական ԽՍՀ
Ազգություն	Էստոնացի
Հասակ	1,91 մ
Կարիերայի պատմություն
	Որպես բասկետբոլիստ`; Տալիննա Կալև (1979–1984); Դինամո Մոսկվա (1984–1986); Տալիննա Կալև (1986–1992); Պանատինաիկոս (1992–1996); Տալիննա Կալև (1996–1997); Արիս (1997–1998); Որպես մարզիչ; Նիբիտ (1998–2008); Էստոնիայի ազգային հավաքական (2004–2007; 2009–այժմ); Կալև/Կրամո (2010, մարզչի օգնական); ՏՏՈՒ Կալև (2010-այժմ)
Մրցանակներ
	; ԽՍՀՄ չեմպիոն (1991); Էստոնիայի չեմպիոն (1984, 1985, 1992); Հունաստանի գավաթակիր (1993, 1996);
Մեդալներ
	Օլիմպական խաղեր; Ոսկի - Սեուլ 1988; Աշխարհի առաջնություն; Արծաթ - Մադրիդ 1986; Արծաթ - Բուենոս Այրես 1990; Եվրոպայի առաջնություն; Բրոնզ - Հարավսլավիա 1989

Տիյտ Սոկ (էստ.՝ Tiit Sokk, նոյեմբերի 15, 1964 թ.), էստոնացի նախկին բասկետբոլիստ, խաղարկող, բասկետբոլային մարզիչ։

Հանդես է եկել ԽՍՀՄ տղամարդկանց բասկետբոլի ազգային հավաքականում, որի կազմում նվաճել է ոսկե մեդալ Սեուլի 1988 թվականի ամառային օլիմպիական խաղերում, ինչպես նաև արծաթե մեդալ 1986 և 1990 թվականների ՖԻԲԱ-ի աշխարհի առաջնություններում։ «Տալիննա Կալև» ակումբի կազմում 1991 թվականին դարձել է ԽՍՀՄ չեմպիոն։ Հանդես է եկել նաև հունական «Պանատինաիկոս» և «Արիս Սալոնիկ» ակումբներում։ Վերջինիս կազմում մեկ մրցաշրջան խաղալուց հետո Տիյտը 1998 թվականին հեռանում է բասկետբոլիստի կարիերայից։

1988 թվականին ճանաչվել է Էստոնիայի տարվա լավագույն տղամարդ մարզիկ։ Նույն թվականին իր ծննդավայրում հիմնել է բասկետբոլի դպրոց։ Բասկետբոլիստի կարիերայից հեռանալուց հետո Սոկը մարզել է մի շարք էստոնական ակումբներ, ինչպես նաև 2004 թվականից մինչ օրս մարզում է Էստոնիայի տղամարդկանց բասկետբոլի ազգային հավաքականը։

Սոկն ունի երկու որդի՝ Տանել և Ստեն-Տիմու անուններով, ովքեր նույնպես պրոֆեսիոնալ բասկետբոլիստներ են և համապատասխանաբար հանդես են գալիս Էստոնիայի բասկետբոլի առաջնության «Կալև/Կրամո» և «Տարտու Ռոք» ակումբներում։

2011 թվականի օգոստոսին Սոկն առաջադրվել է Էստոնիայի բասկետբոլի փառքի սրահ։

Ակումբային նվաճումներ խմբագրել

Տալլինա Կալև

ԽՍՀՄ չեմպիոն - 1991
Էստոնական ԽՍՀ չեմպիոն - 1984, 1985
Էստոնիայի չեմպիոն - 1992

Պանատինաիկոս ԲԱ

Հունաստանի առաջնություն
- Փոխչեմպիոն - 1993, 1995, 1996
Հունաստանի բասկետբոլի գավաթակիր - 1993, 1996

Գրականություն խմբագրել

«Ռուսական բասկետբոլի 100-ամյակը. պատմություններ, իրադարձություններ և մարդիկ». տեղեկատու / Հեղինակ-կազմող՝ Կվասկով Վ. Բ., «Սովետսկիյ սպորտ» — էջ 274։ ISBN 5-9718-0175-9 (ռուս.)

Արտաքին հղումներ խմբագրել

Տիյտ Սոկը ԲասկետՊեդիա կայքում(չաշխատող հղում) (անգլերեն)
Լուսանկարներ (ռուս.)
Տիյտ Սոկ Արխիվացված 2010-10-17 Wayback Machine (էստոներեն)

Վիքիպահեստն ունի նյութեր, որոնք վերաբերում են «Տիյտ Սոկ» հոդվածին։