Տեկիլա (իսպ.՝ Tequila), թունդ թորած ալկոհոլային ըմպելիք (մեսկալ)։ Այն պատրաստված է կապույտ ագավայից (պերճածաղիկ) հիմնականում Տեկիլա քաղաքի տարածքի գործարաններում, 65 կմ դեպի հյուսիս-արևմուտք Գվադալախարա քաղաքից, ինչպես նաև կենտրոնական արևմտյան Մեքսիկայի Խալիսկո նահանգի լեռներում (Los Altos): Չնայած նրան, որ տեկիլան նման է մեսկալ խմիչքին, ժամանակակից տեկիլան որոշակիորեն տարբերվում է իր արտադրության մեթոդով, քանի որ օգտագործվում է միայն կապույտ ագավա բույսը, ինչպես նաև իր տարածաշրջանային առանձնահատկությամբ։

Տեկիլա
Տեսակալկոհոլային խմիչք
Ենթատեսակալկոհոլային խմիչք
Ալկոհոլի պարունակություն40
Ծագման երկիր Մեքսիկայի Միացյալ Նահանգներ
Անվանված էՏեկիլա (Խալիսկո)
 Tequila Վիքիպահեստում
Ագավայի դաշտեր
Տեկիլայի տարբեր տեսակներ

Տարածաշրջանի կարմիր հրաբխային հողը հատկապես պիտանի է կապույտ ագավայի աճի համար, և ավելի քան 300 միլիոն բույսեր են հավաքում այնտեղ ամեն տարի[1]։ Տեկիլայի ագավան տարբերվում է՝ կախված տարածաշրջանից։ Los Altos բարձրավանդակում աճող կապույտ ագավան ավելի մեծ չափի է և ավելի քաղցր բուրմունք և համ ունի։ Ագավան, որի բերքահավաքը անցկացնում է հարթավայրերում, ունի ավելի բուսական բույր ու համ[2]։

Պաշտպանող օրենք խմբագրել

Ըստ Մեքսիկայի օրենքի, տեկիլան կարող է միայն արտադրվել Խալիսկո նահանգում և սահմանափակ քանակով տարածքներում՝ Գուանախուատո, Միչոական, Նայարիտ և Տամաուլիպաս նահանգներում[3]։ Տեկիլան ճանաչվում է որպես մեքսիկական ծագման արտադրանք ավելի քան 40 երկրներում[4]։ Այն պաշտպանված է NAFTA –ի միջոցով Կանադայում և Միացյալ Նահանգներում, երկկողմ համաձայնագրերով առանձին երկրներում, ինչպիսիք են Ճապոնիան ու Իսրայելը և պաշտպանվում է օրենքով Եվրոպական միության երկրներում սկսած 1997 թվականից։

Սպիրտի պարունակություն խմբագրել

Ներքին սպառման համար առավել հաճախ տեկիլան արտադվում է 38% ալկոհոլի պարունակությամբ, սակայն կարող է արտադրվել մինչև 31 և 55% ալկոհոլի պարունակությամբ։ Համաձայն ԱՄՆ-ի օրենքի, այն տեկիլան, որը վաճառվում է ԱՄՆում, պետք է պարունակի առնվազն 40% ալկոհոլ[5]։

Ծանոթագրություններ խմբագրել

  1. http://www.ianchadwick.com/tequila/jalisco.htm | Կապույտ ագավան փնտրելով
  2. http://www.tequilaknight.com/how-is-tequila-made.html |Ինչպես է պատրաստվում տեկիլան
  3. http://www.crt.org.mx/index.php?option=com_content&view=article&id=175&Itemid=185&lang=en |publisher=Consejo Regulador del Tequila |date=26 June 2000 |accessdate=25 May 2012}}
  4. http://www.crt.org.mx/index.php?option=com_content&view=article&id=277&Itemid=272&lang=en Արխիվացված 2015-02-14 Wayback Machine |Տեկիլայի արտադրանքի պաշտպանությունը
  5. «Տեկիլայի մեքսիկակակն ստանֆարտները».