Տանել Պադար

Տանել Պադար (էստ․՝ Tanel Padar, 27 հոկտեմբերի, 1980, Հալյալա, Ռակվեռեի շրջան, Էստոնական ԽՍՀ), էստոնացի ռոք-երաժիշտ և փոփ-երգիչ, Դեյվ Բենտոնի հետ դուետով հաղթել է Կոպենհագենում կայացած Եվրատեսիլ 2001 երգի մրցույթում։

Տանել Պադար
Տանել Պադար, 2007
Հիմնական տվյալներ
Բնօրինակ անուն	Tanel Padar
Ծնվել է	հունվարի 31, 1980 (45 տարեկան) Հալյալա, Ռակվեռեի շրջան, Էստոնական ԽՍՀ
Երկիր	Էստոնիա
Ժանրեր	ռոք
Մասնագիտություն	երաժիշտ, երգիչ
Գործիքներ	սաքսոֆոն, կլարնետ, կիթառ
Գործունեություն	1999–այժմ
Կապված	Vanilla Ninja, Դեյվ Բենտոն, 2XL
Պարգևներ	և Եվրատեսիլ երգի մրցույթի հաղթող
Tanel Padar Վիքիպահեստում

Կարիերա

Սովորել է սաքսոֆոն և կլարնետ նվագել, երգել է եկեղեցական և մանկական, ինչպես նաև տղաների երգչախմբում, սիրել է ժողովրդական երաժշտություն և սպորտային պարեր։

«Speed free» համույթի հիմնադիրն է, որի առաջին սկավառակը՝ «Woman Knows», թողարկվել է 2001 թվականի մայիսին։ Համույթի բոլոր երգերը գրել է Պադարն ինքը։

Դեյվ Բենտոնի հետ Եվրատեսիլ 2001 երգի մրցույթում հաղթելուց հետո դարձել է Էստոնիայի ամենահայտնի ռոք-երգիչներից մեկը։ Մրցույթում Բենտոնն ու Պադարը կատարել են «Everybody» երգը, ելույթին մասնակցել է նաև «2XL» խումբը։

2003 թվականին ստեղծել է «The Sun» համույթը, որը 2006 թվականին Էստոնիայում ստացել է 5 մրցանակ 15 կատեգորիաներից, այդ թվում նաև «Տարվա լավագույն ալբոմ» և «Տարվա լավագույն համույթ» մրցանակները։

Eesti otsib superstaari երրորդ շրջանի հաղորդավաներից մեկն է։

Ընտանիք

2003 թվականի մայիսի 16-ին ամուսնացել է նախկին մոդել Կատարինա Կալդայի հետ, որը նախորդ ամուսնությունից ուներ որդի՝ Անդրեյը։ 2006 թվականի ապրիլին զույգը բաժանվել է, իսկ 2007 թվականի հուլիսի 12-ին ձևակերպել են ամուսնալուծությունը։

Պադարի ավագ քույրն էստոնացի հայտնի երգչուհի Գերլի Պադարն է, որը եղբորից շուտ է հայտնի դարձել։ Գերլի Պադարը Էստոնիան ներկայացրել է Եվրատեսիլ 2007 երգի մրցույթում։

Սկավառակագրություն

• The Greatest Hits (2005)
• Veidi valjem kui vaikus (Լռությունից մի քիչ բարձր) (2005)
• 100 % Rock’n'roll (2006)
• The Sun Live 2006 (2007)
• Veidi valjem kui vaikus II (Լռությունից մի քիչ բարձր II) (2007)
• Here Comes The Sun (2008)
• Unisex (2008)
• Ring (2010)

Տես նաև

• Էստոնիան Եվրատեսիլ երգի մրցույթում

Արտաքին հղումներ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Տանել Պադար կատեգորիայում։

• Tanel Padar Internet Movie Database կայքում