Վիոլա Ալլեն
Վիոլա Ալլեն (անգլ.՝ Viola Emily Allen, հոկտեմբերի 27, 1867[1] կամ հոկտեմբերի 27, 1869[2], Հանթսվիլ, Ալաբամա, ԱՄՆ[3] - մայիսի 9, 1948[1], Նյու Յորք, Նյու Յորք, ԱՄՆ), թատրոնի ամերիկացի դերասանուհի, որը խաղացել է գլխավոր դերեր Շեքսպիրի ստեղծագործությունների բեմադրություններում։ 1885 թ.-ից 1916 թվականներին խաղացել է ավելի քան երկու տասնյակ բրոդվեյյան բեմադրություններում։ 1915 թվականից սկսած հայտնվել է երեք համր ֆիլմերում։
 անգլ.՝ Viola Allen | |
|---|---|
 | |
| Ծնվել է | հոկտեմբերի 27, 1867[1] կամ հոկտեմբերի 27, 1869[2] |
| Ծննդավայր | Հանթսվիլ, Ալաբամա, ԱՄՆ[3] |
| Մահացել է | մայիսի 9, 1948[1] |
| Մահվան վայր | Նյու Յորք, Նյու Յորք, ԱՄՆ |
| Գերեզման | Սլիփի Հոլոու[4] |
| Կրթություն | Bishop Strachan School? |
| Քաղաքացիություն | .svg){kind=small} ԱՄՆ |
| Մասնագիտություն | թատրոնի դերասանուհի և դերասանուհի |
| Ծնողներ | հայր՝ Charles Leslie Allen? |
Կենսագրություն
խմբագրելԾնվել է 1867 թվականին (այլ տվյալներով՝ 1868), Ալաբամա նահանգի Հանսթվիլ քաղաքում, դերասան Լեսլի Ալլենի (1830—1917) և Սառա Լիոնի ընտանիքում[5][6]։ Երեք տարեկանից ապրել է Բոսթոնում, իսկ ավելի ուշ ընտանիքի հետ տեղափոխվել է Կանադայի Տորոնտո քաղաք։ Կրթությունը ստացել է Bishop Strachan School-ում, երբ իր եղբայրները սովորում էին Trinity College School-ում, Օնտարիոյում[7]։ Այնուհետև Վիոլան սովորել է Նյու Յորքում՝ դպրոց-ինտերնատում[5]։
Ալլենի դեբյուտը կայացել է 1882 թվականին՝ 15 տարեկանում, Madison Square Theatre-ում, երբ «Էսմիրալդա»-յում գլխավոր դերը կատարող Էննի Ռասսելը հիվանդացավ և չկարողացավ բեմ դուրս գալ, իսկ քասթինգի հարցերով զբաղվում էր Ալլենի հայրը[8]։ Ալլենի դեբյուտը գրավեց Ջոն Էդվարդ Մաքքալլոհի ուշադրությունը, ով 1884 թվականին նրան իր թատրոնի մենակատարը դարձրեց[9]։
1884-1886 թվականներին հանդես է եկել Շեքսպիրի ստեղծագործությունների բազմաթիվ բեմադրություններում։ Խաղացել է 19-րդ դարի ամենահայտնի դերասանների հետ, ինչպիսիք են Սալվինին, Լոուրենս Ջարեթը, Ջոզեֆ Ջեֆերսոնը և Վի Ջեյ Ֆլորենսը։ 1885-1916 թվականներին մասնակցել է ավելի քան քսան բրոդվեյյան ներկայացումներում։ 1898 թվականին իր համար հորինել է Գլորիա Քուեյլի կերպարը «Քրիստոնյա կին» ներկայացման մեջ[10]։ Խաղացել է Վիրջինիայի, Կորդելիայի, Դեզդեմոնայի, Լիդիա Լանգուշի, Դոլորեսի և Ջուլիայի դերերը[7]։
1915 թվականին Ալլենը սկսել է դերասանուհու կարիերան համր կինոյում՝ նկարահանվելով «Սպիտակ քույրը» ֆիլմում Ռիչարդ Թրավերսի հետ միասին։ Ֆիլմը նկարահանվել է Essanay Studios կինոընկերության կողմից համանուն պիեսի հիման վրա, դարձել է Ալլենի հաջողության գրավականը։
Վիոլա Ալլենը ամուսնացած է եղել Պիտեր Դյուրիայի հետ։ Վերջի անգամ բեմին հայտնվել է 1918 թվականին բարեգործական համերգի ժամանակ։ Մահացել է Նյու Յորքում, թաղված է Սլիփլի Հոլլոուում։
Ֆիլմագրություն
խմբագրելԾանոթագրություններ
խմբագրել- ↑ 1,0 1,1 1,2 1,3 1,4 FemBio տվյալների շտեմարան (գերմ.)
- ↑ 2,0 2,1 Internet Movie Database — 1990.
- ↑ 3,0 3,1 3,2 http://www.netposterworks.com/individuals/women/wseries/actress-posters-a.html
- ↑ Find A Grave — 1996.
- ↑ 5,0 5,1 Browne, Walter and Fredrick Arnold Austin (eds.) «Who’s Who on the Stage: The Dramatic Reference Book and Biographical Dictionary of the Theatre, Vol. 1», W. Browne & F. A. Austin, (1906), p. 15, accessed June 18, 2013
- ↑ «Biographical History» Արխիվացված 2017-11-18 Wayback Machine, Finding Aid for the Charles Leslie Allen Playbook Collection, Buffalo & Erie County Public Library, accessed October 8, 2014
- ↑ 7,0 7,1 Morgan, Henry James. «Types of Canadian women and of women who are or have been connected with Canada» (Toronto, 1903)
- ↑ "Viola Allen, The Life and Times of Joseph Haworth, accessed November 28, 2012
- ↑ Eaton, Walter Prichard (1910). The American Stage of Today. New York, NY: P.F. Collier & Son.
- ↑ Clapp, pp. 63-65
Գրականություն
խմբագրել- Clapp, John Bouvé; Edgett, Edwin Francis (1902). Plays of the Present. NY: The Dunlap Society.
- L. C. Strang, Famous Actresses of the Day in America, (Boston, 1899)
Արտաքին հղումներ
խմբագրել- Վիոլա Ալլեն Allmovie կայքում
- Վիոլա Ալլեն Նյու Յորքի պատկերասրահ
 | Վիքիպահեստն ունի նյութեր, որոնք վերաբերում են «Վիոլա Ալլեն» հոդվածին։ |