Վիկտոր Ցոյ (գիրք)

«Վիկտոր Ցոյ» (ռուս.՝ «Виктор Цой»), «Հայտնի մարդկանց կյանքը» (ռուս.՝ Жизнь замечательных людей, ЖЗЛ) շարքի՝ ռուս ռոք երաժիշտերին նվիրված գրքերից առաջինը, որ պատմում է «Կինո» խմբի առաջատար երաժիշտ Վիկտոր Ցոյի մասին։ Հեղինակը Վիտալի Կալգինն է։ Հատապես նշվում է, որ «ի տարբերություն Ալեքսանդր Ժիտինսկու, Ալեքսեյ Ռիբինի ու այլ «հիշողների» աշխատանքների, Կալգինի գիրքն արժանացել է Ցոյին մոտ մարդկանց, առաջին հերթին՝ «Կինո» խմբի երաժիշտների հավանությանը»։

Վիկտոր Ցոյ
Հեղինակ	Վիտալի Կալգին
Տեսակ	գրական ստեղծագործություն
Բնօրինակ լեզու	ռուսերեն

Պատմություն

«Ցոյի մասին արժանավայել գիրք» հրատարակելու գաղափարը հեղինակի մոտ, ըստ իր խոստովանության, ծնվել է դեռ 2010 թվականին, «Ժիտինսկու «Ցոյ ֆորևեր» գրքի լույս տեսնելուց կարճ ժամանակ անց», որը հիասթափեցրել է նրան։

Սկսած 2015 թվականից՝ Մոսկվայի տարբեր հրատարակչություններում լույս են տեսել Վիտալի Կալգինի կենսագրական ուսումնասիրությունները Ցոյի մասին. ըստ «GQ» ամսագրի տեղեկության՝ «էնտուզիաստին աջակցություն են ցուցաբերել Նատալիա Ռազլոգովան ու նրա ամուսինը՝ Եվգենի Դոդոլևը»։

2015 թվականի հունվարին «ЖЗЛ» փոքր շարքում («Молодая Гвардия» հրատարակչություն) լույս է տեսել առաջին գիրքը՝ «Վիկտոր Ցոյ» բայոփիքը։ Հրատարակությունը բաղկացած է երեք մասից, որոնք դասավորված են ժամանակագրական կարգով` մանկություն և պատանեկություն (1962-1977), 1977 թվականից մինչև 1987 թվականն ընկած ժամանակահատված և Վիկտոր կյանքի աստղային ավարտը (1987-1990)։ Քանի որ Կալգինն ստացել է իրավաբանական կրթություն, «նա գործում է որպես քննիչ. լրջորեն ու մանրակրկիտ կերպով վերականգնում է դեպքերի ժամանակագրությունը՝ օգտագործելով միայն ստուգված ինֆորմացիա»։

Գրքի պաշտոնական շնորհանդեսը կայացել է 2015 թվականի սեպտեմբերի 5-ին՝ Ժողովրդական տնտեսության ձեռքբերումների ցուցահանդեսի շրջանակներում անցկացված Մոսկվայի գրքերի միջազգային ցուցահանդես-տոնավաճառի ընթացքում։

2016 թվականի սեպտեմբերին Մոսկվայի № 117 գրադարանը, որ տեղակայված է Նեկրոսովկա շրջանում (քաղաք Մոսկվա, 2-րդ Վոլսկայա փողոց, տուն 20), կազմել է ընթերցողների մոտ ամենամեծ պահանջարկը վայելող գրքերի ցանկը, որի առաջին հորիզոնականում հայտնվել է «Վիկտոր Ցոյ» գիրքը «Հայտնի մարդկանց կյանքը» շարքից։

Գրախոսականներ ու արձագանքներ

«Հայտնի մարդկանց կյանքը» շարքի «Վիկտոր Ցոյ» գրքի մասին (որը «Музыкальная правда» պարբերականը կոչել է «Ցոյի առաջին ադեկվատ կենսագրությունը») «Коммерсантъ» թերթի երաժշտական քննադատ Բորիս Բարաբանովը գրել է.

Քառասնամյաների սերնդի համար «Ցոյ» և «ЖЗЛ» բառերը մի գրքի շապիկի վրա արդեն բավական են, որ համալրեն իրենց գրադարանը Վիտալի Կալգինի գրքով։ Եվ բոլորովին կարևոր չէ, որ Կալգինը ո՛չ երաժիշտ է, ո՛չ քննադատ, ո՛չ իրադարձությունների մասնակից և ընդհանրապես շատ համեստ, եթե չասենք խորհրդավոր անհատ է։ Իր ստեղծագործության համար տեղեկատվությունը Վիտալի Կալգինը հավաքել է ամենամանրակրկիտ կերպով։ Նրա կողմից մշակվել են բառացիորեն հարյուրավոր աղբյուրներ, որոնցից առնվազն կեսը՝ բնօրինակ հարցազրույցներ, որոնք վերցվել են հեղինակի կողմից։

Բնօրինակ տեքստ (ռուս.)  

Для поколения сорокалетних слова «Цой» и «ЖЗЛ» на одной книжной обложке — уже достаточно, чтобы пополнить библиотеку книгой Виталия Калгина. И совершенно неважно, что Калгин — не музыкант, не критик, не участник событий и вообще крайне скромная, если не сказать таинственная персона. Информацию для своего сочинения Виталий Калгин подобрал самым скрупулёзным образом. Им обработаны в буквальном смысле сотни источников, не менее половины из которых — оригинальные интервью, взятые автором.

«Бегемот» փանկ խմբի առաջատար լիդեր Ֆեոդոր Լավրովն ասել է.

Գրքում շատ հետաքրքիր բան կա... Եվ հսկայական աշխատանք է արվել։ Իսկ անհեթեթություն թող գրեն նրանք, որոնց ուժի չի պատել այդպես քրտնաջան աշխատել։

Բնօրինակ տեքստ (ռուս.)  

В книге очень много интересного… И работа проделана огромная. А ахинею пусть пишут те, кому просто сил не хватило так кропотливо поработать.

«Այս Կամչատկա քաղցր բառը» (ռուս.՝ «Это сладкое слово Камчатка») գրքի հեղինակ-կազմող Վլադիմիր Միտինն ասել է.

Քանի որ ես «Կինո» խմբի արվեստի և Վիկտոր Ցոյի երկրպագուն եմ արդեն ավելի քան 15 տարի, հավաքում եմ մասնակիցների հետ կապված տարբեր նյութեր, ապա նման հրատարակություններն ինձ զարմացնել կարող են ոչ այնքան հաճախ։ Բայց պետք է ուղղակի ասեմ՝ տվյալ գիրքն ինձ հաճելիորեն զարմացրել է։

Բնօրինակ տեքստ (ռուս.)  

Так как я являюсь поклонником творчества группы «КИНО» и Виктора Цоя уже больше 15 лет, собираю различные материалы, связанные с участниками, то удивить меня подобные издания могут далеко не часто. Но надо сказать прямо — данная книга меня приятно удивила.

Հեղինակն ինքը կարծում է, որ նմանատիպ ուսումնասիրություններում «դիլետանտն ավելի լավն է պրոֆեսիոնալ լրագրողներից». հավանաբար դրանով էլ բացատրվում է «վաճառքի բարձր տեմպը»։

Այս աշխատանքում «արտահայտություն արտահայտության հետևից կազմվում է ռուսական ամենագլխավոր ռոքերներից եկի և խմբի դիմանկարը, որը դարձել է մի քանի սերունդների կուռք», «տաս տոկոսը հեղինակային տեքստ է, իննսունը՝ անուղղակի խոսք»։

Գիրքն արժանացել է Ալեքսեյ Վենեդիկտովի հավանությանը։

«Независимая газета» պարբերականը նշել է «երկրպագուի մոտեցման առանձնահատկությունը» Կալիգինի աշխատանքում։

Քննադատություն

Որոշ գրախոսներ այս գիրքը համարում են «կատարելության չհասցված», և գրքի նկատմամբ նրանց վերաբերմունքը «միանշանակ» չէ, Ռաշիդ Նուգմանովի կայքում երկրպագուները նշել են փաստական սխալների առկայությունը, իսկ «Rolling Stone Russia» ամսագիրը նշել է, թե «Ցոյի հետմահու փառքի մասին ասյտեղ գրեթե ոչինչ չկա»։

«Смена» թերթում նշվել է, որ եթե հրատարակչությունը ցանկանա «վերահրատարակել այս աշխատանքը մեծ շարքում, արժի մտածել տեքստը լրացնելու կամ այն վերամշակելու մասին», իսկ «Российская газета» պարբերականի գրախոսողը Կալգինի գրքի մասին ասել է. «հարցրել է բոլորին, ում կարողացել է, բայց չի կարողացել բացատրել գլխավորը», թեև, օրինակ, «Комсомольская правда» պարբերականը գիրքը կոչել է «հետաքրքրաշարժ»։

Փաստեր

• Գրքի հերոս Վիկտոր Ցոյը նույնպես շատ է կարդացել «Հայտնի մարդկանց կյանքը» շարքի գրքերը։

Տես նաև

• Նոր լրագրություն

Արտաքին հղումներ

• Հրատարակչության կայքը
•  Презентация книги Виталия Калгина.
•  LIFE Петербург Презентация книги о Цое
• «Российская газета» о презентации книги Калгина
• Рецензия в журнале «Rolling Stone Russia»
• Интервью Калгина о работе над книгами
• Борис Барабанов о книге Калгина в «ЖЗЛ»
• О презентации книги Калгина