Վիկտոր Կուրնատովսկի
Վիկտոր Կոնստանտինի Կուրնատովսկի (ռուս.՝ Виктор Константинович Курнатовский, (հունիսի 28 (հուլիսի 10), 1868 կամ հունիսի 16, 1868[1], Ռիգա, Ռուսական կայսրություն[2] - սեպտեմբերի 19 (հոկտեմբերի 2), 1912[1], Փարիզ, Ֆրանսիա[2]), ռուս բոլշևիկ հեղափոխական։
| Վիկտոր Կուրնատովսկի | |
|---|---|
 | |
| Ծնվել է | հունիսի 28 (հուլիսի 10), 1868 կամ հունիսի 16, 1868[1] |
| Ծննդավայր | Ռիգա, Ռուսական կայսրություն[2] |
| Մահացել է | սեպտեմբերի 19 (հոկտեմբերի 2), 1912[1] (44 տարեկան) |
| Մահվան վայր | Փարիզ, Ֆրանսիա[2] |
| Քաղաքացիություն |  Ռուսական կայսրություն |
| Մասնագիտություն | հեղափոխական և ճարտարագետ |
| Կուսակցություն | Ռուսաստանի սոցիալ-դեմոկրատական բանվորական կուսակցություն |
Հեղափոխական կարիերան սկսել է «Նարոդնայա վոլնա» կուսակցության շարքերում։ 1888 թվականին հեռանալով նարոդնիկներից՝ ղեկավարել է մարքսիստական խմբակ։ 1892 թվականին տարագրվել է։ Արտասահմանում մասնակցել է «Աշխատանքի ազատագրություն» խմբի աշխատանքներին։ 1897 թվականին, Ռուսաստան վերադառնալիս, ձերբակալվել և աքսորվել է, 1898 թվականին, Մինուսինսկում հանդիպել է Վլադիմիր Լենինին և Նադեժդա Կրուպսկայային, ստորագրել նրա գրած «Ռուսաստանի սոցիալ-դեմոկրատների բողոքը» (1899)։ 1900 թվականի աշնանից կուսակցական աշխատանք է կատարել Թբիլիսիում։ 1901 թվականին կրկին աքսորվել է։ 1905 թվականին փախել է Չիտա, ղեկավարել Չիտայի բանվորների զինված ապստամբությունը, որի պարտությունից հետո դատապարտվել է ցմահ տաժանակրության։ 1906 թվականին փախել է Ճապոնիա, ապա անցել Ավստրալիա։
1910 թվականին ծանր հիվանդ Կուրնատովսկին տեղափոխվել է Փարիզ, ուր և մահացել է։
Ծանոթագրություններ խմբագրել
- ↑ 1,0 1,1 1,2 1,3 1,4 Историческая энциклопедия Сибири (ռուս.) / под ред. В. А. Ламин — Новосибирск: 2009. — ISBN 5-8402-0230-4
- ↑ 2,0 2,1 2,2 2,3 2,4 2,5 Курнатовский Виктор Константинович // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 31)։ 
|
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |