Վերդի Վերխաչյան

Վերդի Առաքելի Խաչատրյան (մայիսի 15, 1915(1915-05-15), Պատարա, Ադրբեջան - անհայտ), հայ բանաստեղծ, մանկավարժ։ ԽՄԿԿ անդամ 1941 թվականից։ Անվան առաջին վանկի և ազգանվան առաջին ու վերջին վանկերի մեկտեղումից կազմել է Վերխաչյան գրական անունը։

Վերդի Վերխաչյան
Ծննդյան անուն	Վերդի Առաքելի Խաչատրյան
Ծնվել է	մայիսի 15, 1915(1915-05-15)
Ծննդավայր	Պատարա, Ադրբեջան
Վախճանվել է	անհայտ
Մասնագիտություն	բանաստեղծ և մանկավարժ
Կրթություն	Ադրբեջանի պետական մանկավարժական համալսարան (1939)
Կուսակցություն	ԽՄԿԿ
Պարգևներ	և

Կենսագրություն

Վերդի Խաչատրյանը ծնվել է 1915 թվականի մայիսի 15-ին, Բադարա (Ասկերանի շրջան) գյուղում։ 1939 թվականին ավարտել է Ադրբեջանի Վ. Ի. Լենինի անվան մանկավարժական ինստիտուտի պատմության ֆակուլտետը։ Ուսանելու տարիներին միաժամանակ գրական աշխատող է եղել Ադրբեջանի ռադիոկոմիտեի խմբագրությունում։ 1939-1942 թվականներին ուսուցչություն է արել հայրենի Բադարա գյուղի միջնակարգ դպրոցում։ 1942-1956 թվականներին ծառայել է խորհրդային բանակում, մասնակցել Հայրենական մեծ պատերազմին։ 1946-1956 թվականներին եղել է Բադարայի դպրոցի դասատու և ուսմասվար, 1956-1957 թվականներին՝ Նախիջևանիկ գյուղի միջնակարգ դպրոցի տնօրեն, 1957-1959 թվականներին՝ Խնձրիստանի միջնակարգ դպրոցի տնօրեն, 1959-1962 թվականներին՝ Բադարայի միջնակարգ դպրոցի տնօրեն, 1962 թվականից՝ Բադարայի դպրոցի ուսուցիչ։ Վերխաչյանի առաջին բանաստեղծությունը («Երգ կառուցման») տպագրվել է 1934 թվականին, «Խորհրդային Ղարաբաղ» թերթում։

Պարգևներ

Պարգևատրվել է Կարմիր աստղի և Հայրենական պատերազմի երկրորդ աստիճանի շքանշաններով։

Տես նաև

• Արցախի գրողների միություն