Վարուժան Հերկելյան
Վարուժան արքեպիսկոպոս Հերկելյան, ծննդյան անունով՝ Պողոս Հերկելյան (արմտ. հայ.՝ Վարուժան արք․ Հերկելեան, մայիսի 18, 1946, Անջար, Զահլեի շրջան, Բեկաայի մարզ, Լիբանան), հայ արքեպիսկոպոս (2003), եկեղեցական, կրթական, հրատարակչական և գրական գործիչ։
Վարուժան Հերկելյան | |
---|---|
Ծնվել է | մայիսի 18, 1946 (77 տարեկան) |
Ծննդավայր | Անջար, Զահլեի շրջան, Բեկաայի մարզ, Լիբանան |
Կրթություն | Armenian theological seminary of Antelias? |
Մասնագիտություն | արքեպիսկոպոս և հոգևորական |
Varoujan Hergelian Վիքիպահեստում |
Կենսագրություն խմբագրել
Վարուժան Հերկելյանը ծնվել է 1946 թվականին Անջար քաղաքում (Լիբանան)։ Ծննդյան անունը Պողոս Հերկելյան է։ Նախնական կրթությունը ստացել է ծննդավայրում, որից հետո հաճախել է Կիլիկիո Կաթողիկոսության հոգևոր ճեմարան, որն ավարտելով 1967 թվականին։
Ծառայել է որպես ուսուցիչ և տնօրեն Անջարի, Զահլեի և Թռչնոց բույն վարժարաններում։ Որպես հոգևորական ծառայել է Լիբանանում, Կիպրոսում և Հունաստանում։
1997 թվականի օգոստոսից մինև 2014 թվականի մայիսը եղել է Կիպրոսի Հայոց Թեմի Կաթողիկոսական փոխանորդ[1]։ 2003 թվականին ստացել է Արքեպիսկոպոսի կոչում[2]։
Գործունեություն խմբագրել
Տ. Վարուժան Սրբազանը բեղուն եկեղեցական, կրթական, հրատարակչական և գրական գործունեություն է ծավալել։
Գրական գործունեություն խմբագրել
Վարուժան Հերկելյանը հիմնադիրն է «Գառնի» մատենաշարի, որը լույս է տեսել 41 հատորով։ 1993 թվականից ի վեր հրապարակում է «Արծիվ» ամսաթերթը (www.ardziv.com):
1997 թվականից ի վեր հրապարակում է Կիպրոսի Առաջնորդարանի «Գեղարդ» լրատուն։ Սփյուռքահայ մամուլում հանդես է եկել բազմաթիվ հոդվածներով՝ ազգային-կրթական և մշակութային թեմաներով։ Առ այսօր հրատարակած են հինգ հատորներ.
- «Հայաստանեայց Եկեղեցին Կիպրոսի Մէջ» (2003),
- «Ատանայի Վկաները եւ Ս. Ստեփանոս Վկայարանը – 1909» (2010),
- «Թղթակցութիւն Սահակ Բ. Կաթողիկոսի եւ Պետրոս արք. Սարաճեանի» (2010),
- «Կիպրոսի Թեմի Հովուական Կարգը եւ Թեմական Կազմաւորումը» (2011),
- «Տարագրութիւն, Որբեր, Մելգոնեան Հաստատութիւն» (2011)։
«Ավագ շաբաթ» հատորը լույս տեսել 2015 թվականին (846 էջ)։ Հատորում ներառված են Ավագ շաբաթի ընթացքում կատարվող եկեղեցական բոլոր աղոթքներն ու շարականները։ Այն նվիրված է Հայոց ցեղասպանության 100-ամյակի առիթով սրբադասված նահատակների հիշատակին։
«Դիվան Նոր Ջուղայի Ս. Ամենափրկիչ վանքի» մաս Բ., Էջմիածնի կաթողիկոսների կոնդակներ (1705-1800) հատորը լույս է տեսել Վարուժան արքեպիսկոպոսի ջանքերի շնորհիվ։ Հաջորդ հատորները լույս են տեսել Անթիլիասի տպարանում` որպես «Գևորգ Մելիտինեցի» գրական մրցանակի հրատարակություններ։
Հասարակական գործունեություն խմբագրել
2002 թվականի ապրիլի 28-ին Վարուժան արքեպիսկոպոս Հերկելյանի ջանքերով Կիպրոսում բացել է մի կոթող՝ Սիրիայի Դեր Զոր անապատի նահատակների ոսկորների մնացորդներով[3]։
Ծանոթագրություններ խմբագրել
- ↑ «The Church | CYPRUS ARMENIANS | GIBRAHAYER». www.hayem.org (անգլերէն). Վերցված է 2021 թ․ նոյեմբերի 25-ին.
{{cite web}}
: CS1 սպաս․ չճանաչված լեզու (link) - ↑ «Մուսալեռցի - Այնճարցի Գրագէտներ». mousaleranjar.org. Վերցված է 2021 թ․ նոյեմբերի 25-ին.
- ↑ «The Armenians of Cyprus» (PDF). էջ 31.
Վիքիպահեստն ունի նյութեր, որոնք վերաբերում են «Վարուժան Հերկելյան» հոդվածին։ |