Վարդուհի Վարդանյան

Վիքիպեդիայում կան հոդվածներ Վարդանյան ազգանունով այլ մարդկանց մասին։

Վարդուհի Ռուբենի Վարդանյան (հունիսի 27, 1976(1976-06-27), Երևան, Հայաստան - հոկտեմբերի 15, 2006(2006-10-15), Սևան, Գեղարքունիքի մարզ, Հայաստան), հայ երգչուհի։

Վարդուհի Վարդանյան
Հիմնական տվյալներ
Ծնվել է	հունիսի 27, 1976(1976-06-27) Երևան, Հայաստան
Երկիր	Հայաստան
Մահացել է	հոկտեմբերի 15, 2006(2006-10-15) (30 տարեկան) Երևան - Սևան մայրուղի, Հայաստան
Ժանրեր	փոփ
Մասնագիտություն	երգչուհի
Գործիքներ	վոկալ
Գործունեություն	1994-2006
Լեյբլ	Armenian Music Center
Կրթություն	Երևանի Կոմիտասի անվան պետական կոնսերվատորիա և Վ․ Բրյուսովի անվան պետական համալսարան
Կայք	varduhivardanyan.am

Մասնակցել է մի շարք միջազգային մրցույթների և մշտապես ստացել բարձր պարգևներ։ Մահացել է 2006 թվականի հոկտեմբերի 15-ին Սևան-Մարտունի մայրուղում տեղի ունեցած ավտովթարից։

Կենսագրություն

Ծնվել է 1976 թվականի հունիսի 27-ին, Երևան քաղաքում։ Ընտանիքի 3 զավակներից մեկն էր։

1983 թվականին դպրոցում բացվում է երգի խմբակ, որին հաճախում է նաև Վարդուհին։ Հետագայում խմբակը դարձավ Աշոտ Բզնունու երաժշտական խումբ։

1986 թվականին Վարդուհին որոշում է երգը տեղափոխել պրոֆեսիոնալ հարթակ և սկսում է հաճախել Նաիրա Գյուրջինյանի վոկալ խումբ։ Այնուհետև նա սովորում է Ալեքսանդր Սպենդիարյանի անվան երաժշտական դպրոցում։ Այս տարիների ընթացքում նա ձեռք է բերում իր սեփական երաժշտական ճաշակը։ Ամենից շատ նա ցանկանում էր երգել Ուիթնի Հյուսթոնի հետ։

Կրթություն

• 1992 թվական՝ ավարտել է Ալեքսանդր Պուշկինի անվան դպրոցը։
• 1993 թվական՝ ավարտել է երաժշտական դպրոցը։
• 1993 թվական՝ ընդունվում է Վալերի Բրյուսովի անվան լեզվաբանական համալսարանի անգլերենի և քաղաքագիտության բաժինը։
• 1994 թվական՝ ընդունվել է Հայաստանի երգի պետական թատրոն։
• 1994-1999 թվականներ՝ համալսարանն ավարտելուց հետո դպրոցում աշխատել է որպես անգլերենի ուսուցչուհի։
• 1995 թվական՝ աշխատել է երգի պետական թատրոնում։
• 2003 թվական՝ ավարտել է Կոմիտասի անվան պետական կոնսերվատորիան։

Կարիերա

• 1994 թվական՝ «Ջազ-փոփ» խմբի հետ միասին մասնակցել է Սվերդլովսկում կայացած միջազգային մրցույթին և ստացել «գրան պրի»։
• 1995 թվական՝ սկսել է աշխատել երգի պետական թատրոնում
• 1996 թվական՝ մասնակցել է երիտասարդ կատարողների "Յալթա - Մոսկվա" տրանզիտին, որտեղ ստացել է մրցանակ լավագույն կատարման համար.
• 1999 թվական՝ Ճանաչվել է Հայաստանի լավագույն երգչուհի.
• 2000 թվական՝ Բուլղարիայում կայացած "Discovery" մրցույթում ստացել է "գրան պրի" և "հանդիսատեսի համակրանք" մրցանակը
• 2000 թվական՝ Մակեդոնիայում ստացել է "գրան պրի"
• 2000 թվական՝ Սլավյանսկի բազար մրցույթում գրավել է երկրորդ հորիզոնականը
• 2001 թվական՝ Երիտասարդական "Море друзей 2001" միջազգային մրցույթում գրավել է երկրորդ հորիզոնականը։

Մահ

Մահացել է 2006 թվականի հոկտեմբերի 15-ին Սևան-Մարտունի մայրուղում տեղի ունեցած ավտովթարի հետևանքով։

Ընտանիք

• ամուսին՝ Արամ Ավոյան, ծնված 1971 թվականին
• տղա՝ Ռուբեն Ավոյան, ծնված 1998 թվականին

Սկավառակագրություն

• Խառնաշփոթ (2003), (2006)
• Только ты (2007)
• 13 երգ՝ նվիրված Վարդուհի Վարդանյանին (2008)
• Իմն ես (2011)

Արտաքին հղումներ

• Վարդուհի Վարդանյանի պաշտոնական կայք Արխիվացված 2018-11-25 Wayback Machine