Վասիլի Գինդենբուրգ

Վասիլի Դանիլովիչ Գինդենբուրգ (ռուս.՝ Василий Данилович Гинденбург, բելառուս․՝ Васіль Данілавіч Гіндэнбург, Վիլհելմ Հինդենբուրգ, գերմ.՝ Willhelm Hindenburg, 1799, Մինսկ, Ռուսական կայսրություն - փետրվարի 18 (մարտի 2), 1877, Մինսկ, Ռուսական կայսրություն), ռուսաստանցի (բելառուս) բժիշկ։

Picto infobox med.png
Վասիլի Գինդենբուրգ
Вильгельм Данилович Гинденбург.jpg
Ծնվել է1799
ԾննդավայրՄինսկ, Ռուսական կայսրություն
Մահացել էփետրվարի 18 (մարտի 2), 1877
Մահվան վայրՄինսկ, Ռուսական կայսրություն
ՔաղաքացիությունFlag of the Russian Empire (black-yellow-white).svg Ռուսական կայսրություն
ԿրթությունՄինսկի արական գիմնազիա և Վիլնյուսի համալսարանի բժշկական ֆակուլտետ (1821)
Մասնագիտությունմանկաբարձ և բժիշկ
ՊարգևներՍուրբ Աննայի 3-րդ աստիճանի շքանշան, մեդալ «1853-1856 թվականների պատերազմի հիշատակին» և Սուրբ Ստանիսլավի 2-րդ աստիճանի շքանշան
Wilhelm Hindenburg Վիքիպահեստում

ԿենսագրությունԽմբագրել

Վասիլի Հինդենբուրգը ծնվել է 1799 թվականին Մինսկ քաղաքում։ Բժշկական կրթությունը ստացել է Վիլնայի համալսարանում, որն ավարտել է 1821 թվականին, որից հետո բժշկական պրակտիկայով զբաղվել է Մինսկի նահանգում[1]։

1825 թվականին նշանակվել է Ելնյայի շրջանային բժիշկ (Սմոլենսկի նահանգ) (այստեղ նա բուժել է մեծանուն կոմպոզիտոր Միխայիլ Իվանովիչ Գլինկային, որն իր «Նոթերում» նրան անվանում է «մեր բարի շրջանային բժիշկը»[2]), իսկ 1833 թվականին՝ Մինսկի բժշկական վարչության մանկաբարձ[1][3]։

1840 թվականին Վ. Դ. Հինդենբուրգը զբաղեցրել է նաև բանտային բժշկի պաշտոնը։ Նա եղել է Մինսկի բժիշկների ընկերության անդամ և որոշ ժամանակ կատարել է նախագահի պարտականությունները։ Նա հասարակության մեջ այնպիսի ժողովրդականություն էր վայելում, որ երբ 1871 թվականին նշվում էր նրա 50-ամյակը, Մինսկի արական գիմնազիայում հիմնվեց նրա անվան կրթաթոշակ[1][3]։

Վասիլի Դանիլովիչ Հինդենբուրգը մահացել է 1877 թվականի փետրվարի 18-ին իր ծննդավայրում։ Նրա թաղման արարողությանը մասնակցել են տարբեր ազգությունների հազարավոր մարդիկ, նրա հոգեհանգիստն անցկացրել են ինչպես լյութերական հոգևորականները, այնպես էլ հրեա ռաբբիները[1][3]։

ԾանոթագրություններԽմբագրել

ԳրականությունԽմբագրել

  • «Wielka encyklopedya powszechna illustrowana», XXVII-XXVIII, 995.
  • Адрес-календари.