Վաչագան Հովհաննիսյան (բանաստեղծ)
Անվան այլ կիրառումների համար տե՛ս՝ Վաչագան Հովհաննիսյան (այլ կիրառումներ)
Վաչագան Հովեի Հովհաննիսյան (օգոստոսի 23, 1931, Ներքին Բազմաբերդ, Թալինի շրջան, Հայկական ԽՍՀ, ԱԽՖՍՀ, ԽՍՀՄ - 1999), հայ բանաստեղծ, մանկավարժ, լրագրող, ԽՍՀՄ գրողների միության անդամ (1969)։
Վաչագան Հովհաննիսյան | |
|---|---|
 | |
| Ծնվել է | օգոստոսի 23, 1931 |
| Ծննդավայր | Ներքին Բազմաբերդ, Թալինի շրջան, Հայկական ԽՍՀ, ԱԽՖՍՀ, ԽՍՀՄ |
| Վախճանվել է | 1999 |
| Մասնագիտություն | բանաստեղծ, մանկավարժ և լրագրող |
| Քաղաքացիություն |  ԽՍՀՄ և  Հայաստան |
| Կրթություն | Գևորգյան Հոգևոր Ճեմարան (1954) և Հայկական պետական մանկավարժական համալսարան (1967) |
| Անդամակցություն | ԽՍՀՄ Գրողների միություն |
| Աշխատավայր | Գարուն |
| Զավակներ | Հովիկ Հովեյան, Արուսյակ Հովհաննիսյան |
| Վաչագան Հովհաննիսյան Վիքիդարանում | |
Կենսագրություն խմբագրել
Վաչագան Հովհաննիսյանը ծնվել է 1931 թվականի օգոստոսի 23-ին, Թալինի շրջանի Ներքին Բազմաբերդ գյուղում։ 1954 թվականին ավարտել է Էջմիածնի Գևորգյան հոգևոր ճեմարանը։ 1955-1956 թվականներին աշխատել է Երևանի պոլիգրաֆկոմբինատում որպես գրաշար։ 1967 թվականին ավարտել է Երևանի հեռակա մանկավարժական ինստիտուտի լեզվագրական ֆակուլտետը։ 1965-1968 թվականներին աշխատել է Հայպետհրատում որպես տեխնիկական խմբագիր։ Վարդգես Պետրոսյանի հետ միասին հիմնադրել է «Գարուն» ամսագիրը։ Երկար տարիներ աշխատել է Էջմիածնի Գևորգյան ճեմարանում որպես փոխտեսուչ, Գևորգյան ճեմարանում դասավանդել է հայոց լեզու և գրականություն։ Եղել է Հայաստանում «Աստվածաշնչյան ընկերության» հիմնադիրն ու տնօրենը։ Զբաղվել է գիտամանկավարժական գործունեությամբ։
Հուշ-երեկոներ խմբագրել
- 2001 թվականին Հայաստանի գրողների միությունում տեղի է ունեցել Վաչագան Հովհաննիսյանի 70-ամյակին նվիրված երեկո[1]։
- Վաչագան Հովհաննիսյանի 85-ամյակին նվիրված միջոցառումը տեղի է ունեցել Ավետիք Իսահակյանի անվան կենտրոնական գրադարանում[2]։
- 2016 թվականին Հոկտեմբերի 14-ին Իսահակյանի անվան կենտրոնական գրադարանում տեղի ունեցավ հուշ-ցերեկույթ նվիրված բանաստեղծ Վաչագան Հովհաննիսյանի 85-ամյակին։
|
Հաճախ խռովահույզ, հաճախ կարոտաբաղձ, հաճախ միահյուսվում են խռովք ու կարոտ, և ելնում է բանաստեղծի սիրտը, դուրս է հորդում խոսքն՝ իբրև արարող երգի ելևէջ։ | 
|
- 2021 թվականին Վաչագան Հովհաննիսյանի ծննդյան 90-ամյակի հուշ-երեկոն տեղի է ունեցել Սբ. Էջմիածնում[3]։
Ընտանիք խմբագրել
- Որդի՝ Հովիկ Հովեյան (Հովհաննիսյան), բանաստեղծ, թարգմանիչ, ՀՀ մշակույթի վաստակավոր գործիչ[4],
- Որդի՝ Վահան Հովհաննիսյան,
- Դուստր՝ Արուսյակ Հովհաննիսյան, մանկավարժական գիտությունների թեկնածու, դոցենտ[5][6],
- Դուստր՝ Անահիտ Հովհաննիսյան,
- Թոռնուհի՝ Շողեր Հովեյան, դաշնակահար միջազգային մրցույթների դափնեկիր[7][8]։
Հիշատակ խմբագրել
Էջմիածին քաղաքում գործում է Վաչագան Հովհաննիսյանի անվան գրադարան[2]։
Երկեր[9] խմբագրել
Մոսկվայում ռուսերեն հրատարակվել է Հովհաննիսյանի «Հավատի գույնը» գիրքը։
- Վաղվա համար, Երևան, Հայպետհրատ, 1963, 56 էջ։
- Սրտի զարկեր, Երևան, «Հայաստան», 1967, 128 էջ։
- Աշխարհն իմ մեջ, Երևան, «Հայաստան», 1972, 100 էջ։
- Կարոտի գույնը, Երևան, «Հայաստան», 1975, 192 էջ։
- Հողի կանչը, Երևան, «Սովետական գրող» հրատարակչություն, 1978, 210 էջ։
- Իմ անուշ մերիկ։ Բանաստեղծություններ և պոեմներ, Սովետական գրող, 1988, 158 էջ[10]։
- Խորան սիրո և հավատի, Էջմիածին, 1993, 111 էջ։
- Լեռան ճամփան, Երևան, «Հայաստանի գրողների միության հրատարակչություն» , 2001, 93 էջ։
Ծանոթագրություններ խմբագրել
- ↑ «Մեր տունը կարծես Թումանյանական վերնատունը լիներ».Արուսյակ Հովհաննիսյան
- ↑ 2,0 2,1 2,2 Հուշ-ցերեկույթ՝ նվիրված գրող Վաչագան Հովհաննիսյանի 85-ամյակին
- ↑ Վաչագան Հովհաննիսյանի ծննդյան 90-ամյակի հուշ-երեկոն Սբ․ Էջմիածնում, Վերցված է 2022-05-13-ին
- ↑ «ՄԵՆՔ 21.06.2016 | Հովիկ Հովեյան - YouTube». www.youtube.com. Վերցված է 2022 թ․ մայիսի 13-ին.
- ↑ «Հայ էթնոսին բնորոշ է ազգային ինքնատիպ արժեհամակարգը․ Արուսյակ Հովհաննիսյան․ «Ժամանակի վկան»». Հայաստանի Հանրային Ռադիո. Վերցված է 2022 թ․ մայիսի 13-ին.
- ↑ «Հաջողության բանաձև- Սոցիալական մանկավարժություն. մանկավարժական հաղորդակցություն - YouTube». www.youtube.com. Վերցված է 2022 թ․ մայիսի 13-ին.
- ↑ Շողեր Հովեյանի
- ↑ Shogher Hoveyan-Scriabin Prélude N6 op 11, Վերցված է 2022-05-13-ին
- ↑ Վաչագան Հովհաննիսյան կարդում է՝ Մարինա Հովհաննիսյանը, Վերցված է 2022-05-13-ին
- ↑ Հովհաննիսյան, Վաչագան Հովեի (1988). Իմ անուշ մերիկ։ Բանաստեղծություններ և պոեմներ. Սովետական գրող. ISBN 9785550001844.
 | Վիքիդարանն ունի նյութեր, որոնք վերաբերում են «Վաչագան Հովհաննիսյան (բանաստեղծ)» հոդվածին։ |