Վանուշ Չիլինգարյան
Վանուշ Հովհաննեսի Չիլինգարյան (1929, հոկտեմբերի 14, գյուղ Արճիս (այժմ՝ ՀՀ Տավուշի մարզ)), վիրաբույժ-վնասվածքաբան, պրոթեզավորող։ Բժշկական ծառայության պահեստի փոխգնդապետ (1965)։
Ծնվել է | հոկտեմբերի 14, 1929[1] (94 տարեկան) |
---|---|
Կրթություն | Երևանի Մխիթար Հերացու անվան Պետական Բժշկական Համալսարան |
Մասնագիտություն | վիրաբույժ |
Կենսագրություն խմբագրել
Ավարտել է Երևանի պետական բժշկական ինստիտուտը (1963)։ 1950-1955 թվականներին ծառայել է ԽՍՀՄ ԶՈՒ-ում։ 1962-1968 թվականներին աշխատել է Երևանի պրոթեզավորման գործարանում, 1968-1995 թվականներին՝ 14-րդ պոլիկլինիկայում, 1972-1980 թվականներին՝ 1-ին և 2-րդ բժշկական ուսումնարաններում, 1995 թվականի մարտ-նոյեմբերին՝ Անդրեյ Միքայելյանի անվան վիրաբուժության գիտական կենտրոնում. 2001 թվականից՝ Պրոթեզավորման և կադրերի պատրաստման կենտրոնի օրթոպեդ-պրոթեզավորող։
Վանուշ Չիլինգարյանը՝ կամավոր խմբագրել
1988 թվականին և 1992 թվականին կամավոր մեկնել է ԼՂՀ՝ Շահումյանի, Ասկերանի շրջանային կենտրոնական հիվանդանոցներում, Ստեփանակերտի կենտրոնական զինվորական կլինիկական հոսպիտալում բուժել և վիրահատել է հարյուրավոր ազատամարտիկների և խաղաղ բնակիչների, եղել է ռազմաճակատի առաջին գծում, կազմաեոդել վիրավորնևրի տարհանումը։ Վիրավորվել է Շահումյանի շրջանի Կարաչինար գյուղի ինքնապաշտպանական մարտերի ժամանակ։ Հաճախակի բուժօգնություն է ցույց տվել նաև վիրավոր ռագմագերիների։
Ծանոթագրություններ խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։ |