Կարաչինար
Կարաչինար, գյուղական համայնք Արցախի Հանրապետության Շահումյանի շրջանում։ 1990-ական թվականների հայ-ադրբեջանական պատերազմից հետո գտնվում է հակառակորդի հսկողության տակ[2]։ Գտնվում էր Կարաչայ և Գերաչայ գետերի արանքում, Կարաչայ գետի աջակողմյան հարթության վրա, այգիների և պարտեզների մեջ թաղված։
| Գյուղական համայնք | ||
|---|---|---|
| Կարաչինար | ||
| Երկիր |  Արցախ | |
| Շրջան | Շահումյանի շրջան | |
| Այլ անվանումներ | Աղջակալա, Ղարաչինար | |
| ԲԾՄ | 712 մետր | |
| Բնակչություն | 188 մարդ (XX դարասկիզբ) | |
| Ժամային գոտի | UTC+4 | |
| ||
Անվան ստուգաբանություն խմբագրել
Գյուղի անվանումը թարգմանաբար նշանակում է «սև չինար (սոսի)»։
Պատմություն խմբագրել
Գյուղի մասին հիշատակվել է XVI-XVII դարերում՝ վրաց աղբյուրներում։
Նախկինում մտել է Ելիզավետպոլի նահանգի Ելիզավետպոլի գավառի մեջ։ Ուներ մեծամասամբ երկհարկանի տներ։
1881 թվականին այս գյուղում՝ Բեգլարյանների տանն է հյուրընկալվել Րաֆֆին, որը գյուղի մասին իր հիշատակությունները ներկայացրել է «Դավիթ Բեկ» վեպում։
Բնակչություն խմբագրել
XX դարասկզբին ուներ 136 տուն՝ 767 հայ բնակչով։ 1970-ական թվականներին ուներ 800 տուն հայ բնակիչ։
Տնտեսություն խմբագրել
Կար պահածոների գործարան։
Պատմամշակութային կառույցներ խմբագրել
Կարաչինարն ուներ քարաշեն, նոր եկեղեցի։
Հասարարակական կառույցներ խմբագրել
Գյուղն ուներ ակումբ, գրադարան, արքունական տարրական դպրոց՝ հայ և ռուս աշակերտներով, մշակույթի տուն, մանկապարտեզ, հիվանդանոց, դեղատուն, բաղնիք[3]։
Ծանոթագրություններ խմբագրել
- ↑ Արցախի տարածքները համարվում են օկուպացված Ադրբեջանի կողմից. ԱՀ ԱԺ հայտարարությունը, (արխիվացված 05․04․2021թ․)
- ↑ Ղահրամանյան, Հակոբ (2015). Տեղեկաատու Լեռնային Ղարաբաղի Հանրապետության վարչատարածքային միավորների սոցիալ-տնտեսական բնութագրերի. Երևան. էջեր 390–392.
{{cite book}}: CS1 սպաս․ location missing publisher (link) - ↑ «Հայաստանի և հարակից շրջանների տեղանունների բառարան», հտ 3, էջ 540, Ղարաչինար