Վաճառական Բուտտենհոֆֆի տուն
Վաճառական Բուտտենհոֆֆի տուն, առևտրային տարածքներով բնակելի շենք Վիբորգում։ 19-րդ դարի վերջում շենքը կառուցել է ճարտարապետ Բրյունոլֆ Բլումկվիստը։ Վիբորգի կենտրոնում Կրեպոստնայա փողոցում գտնվող քառահարկ նեոռենեսանս ոճով կառուցված տունն ընդգրկված է ճարտարապետական հուշարձանների ցանկում[2][3]։
 | |
|---|---|
 | |
| Տեսակ | շենք և ճարտարապետական հուշարձան |
| Երկիր |  Ռուսաստան |
| Տեղագրություն | Վիբորգ |
| Ճարտարապետական ոճ | նեոռենեսանս |
| Մասն է | Կրեպոստնայա փողոց և Category:Novaya Zastava Street in Vyborg? |
| Ճարտարապետ | Բրյունոլֆ Բլումկվիստ |
| Ժառանգության կարգավիճակ | Ռուսաստանի մշակութային ժառանգության հայտնաբերված օբյեկտ[1] |
 | |
 | |
Պատմություն խմբագրել
Հարուստ վաճառական Էմիլ Բուտտենհոֆֆը ծագումով եղել է Արևելյան Պրուսիայի գերմանական ընտանիքից և հայտնի է եղել Վիբորգի սահմաններից դուրս։ Նա հաջողությամբ իրականացրել է արտասահմանյան ծխախոտի, գինու և օղու արտադրանքի առևտուր։ Իր եկամտային տան կառուցման համար վաճառականն ընտրել է անկյունային հողամաս Կոլոկոլնայա լեռան բարձունքում։ Վիբորգ քաղաքի ճարտարապետ Յոհան Բրյունոլֆ Բլոմկվիստի նախագծով 1898 թվականին կառուցված քառահարկ շենքը դարձել է քաղաքի միջնադարյան թաղամասի գերիշխող բարձրահարկ շենքերից մեկը։ Շենքը ձգվել է Նոր ուղեկալային փողոցի երկայնքով՝ նեղ բակով և ջրհորով, որը միավորել է հին շենքերը և հանդիսացել Հին քաղաքում խոշորամասշտաբ բնակարանաշինության առաջին կառույցը։
Պատվիրատուն միջոցներ չի խնայել շենքի ճակատային մասի գեղարվեստական ձևավորման համար, ինչը յուրօրինակ գովազդ է եղել առևտրական ձեռնարկության համար։ Ճակատը ճարտարապետի կողմից առատորեն զարդարված է եղել շվեդ-գերմանական վերածննդի վարպետներից փոխառված տարրերով, ինչպիսիք են տանիքին վեր բարձրացող եռանկյունաձև ճակտոնապատերը և վերին հարկերը միավորող բարձր քառանկյուն հարթ որմնասյուները։ Հին քաղաքի ամենաբարձր կետը ամրագրող աշտարակի տեսքով ծանր բազմանկյուն կարկառամասը, որը զարդարված է տարբեր բարձունքների կիսանկյուններով, ավարտվում է գագաթնակետային ծածկույթով, որի վրա տեղակայված է եղել հողմացույց տան կառուցման տարեթվով (կորել է 2010-ականներին)։ Տարբեր հարկերում գտնվող կիսասյուների բարձրությունն ընտրվել է հեռանկարի օրենքների հաջող կիրառման շնորհիվ։
Շենքի առաջին հարկը հատկացված է առևտրային նպատակներին, այնտեղ տեղակայված է Բուտտենհոֆֆի գինու խանութը։ Երեք վերին հարկերը բնակելի են, վաճառականն ինքը շինարարության ավարտից հետո տեղափոխվել է բնակարաններից մեկը։ Դաստակերտային համալիրում ներառված են եղել նաև բակային տնտեսական կառույցները, որոնք նախատեսված են կառքամառանի և ախոռների համար։ Բակի մասնաշենքի զարդարանքներից զուրկ հյուսիսարևմտյան պատը ծառայում է որպես Ժամացույցի աշտարակի հիմնապաստառ։
Խորհրդա-ֆիննական պատերազմներին (1939-1944) հաջորդած նորոգման արդյունքում տունը վերակառուցվել է, կառուցվել է նոր գլխավոր սանդուղքը, հանվել են նաև ճակատի մի շարք դեկորատիվ տարրեր, սակայն պահպանվել է շենքի ընդհանուր տեսքը։
Պատկերասրահ խմբագրել
Ծանոթագրություններ խմբագրել
- ↑ Приказ Комитета по культуре Ленинградской области № 01-03/15-63 от 01.12.2015
- ↑ Паспорт здания «Дом купца Буттенгофа»
- ↑ «VirtuaaliViipuri 1939». Արխիվացված է օրիգինալից 2020 թ․ հունվարի 11-ին. Վերցված է 2020 թ․ օգոստոսի 14-ին.
Գրականություն խմբագրել
- Кепп Е.Е. Выборг. Художественные достопримечательности / Ред. О.В. Казаков. — Выборг: «Фантакт», 1992. — 200 с.
- Мысько А.С. Архитектура Выборга разных эпох. Путешествия в прошлое. — СПб.: «Издательский центр «Остров», 2019. — 352 с. — ISBN 978-5-94500-136-7.
- Неувонен П., Пёюхья Т., Мустонен Т. Выборг. Архитектурный путеводитель / Пер. Л. Кудрявцевой. — 2-е изд. — Выборг: «СН», 2008. — 160 с. — ISBN 5-900096-06-8.