Վահե Գրիգորյան

հայ դատավոր

Վահե Միշայի Գրիգորյան (ապրիլի 20, 1975(1975-04-20), Երևան, Հայկական ԽՍՀ, ԽՍՀՄ), հայ իրավաբան, Հայաստանի Հանրապետության Սահմանադրական դատարանի դատավոր[1]։

Վահե Գրիգորյան
Ծնվել էապրիլի 20, 1975(1975-04-20) (48 տարեկան)
ԾննդավայրԵրևան, Հայկական ԽՍՀ, ԽՍՀՄ
Քաղաքացիություն Հայաստան
ԿրթությունԵՊՀ իրավաբանական ֆակուլտետ և Նոթինգհեմի համալսարան
Մասնագիտությունիրավագետ

Կրթություն խմբագրել

1992 - 1997 թվականներին սվորել է Երևանի պետական համալսարանի իրավաբանական ֆակուլտետ[2]։ 2008 - 2010 թվականներին սովորել է Նոթինգհեմի համալսարանում՝ ստանալով մարդու իրավունքների մագիստրոսի գիտական կոչում[3]։

1997 թվականի հունիսի 20-ից - 1998 թվականի դեկտեմբերը ծառայել է Հայաստանի զինված ուժերում։

Աշխատանքային գործունեություն խմբագրել

1997 թվականի հուլիսի 28-ին, բանակ զորակոչվելուց մեկ ամիս հետո ԼՂՀ ՊԲ հրամանատարի հրամանով նշանակվել է սկզբում ԼՂՀ զինվորական դատախազության հատուկ բաժնի օգնական, այնուհետև՝ ԼՂՀ կայազորի դատախազություններում քննիչ և զինվորական դատախազի օգնական։

2001 թվականից մինչև Սահմանադրական դատարանի դատավոր ընտրվելը զբաղվել է փաստաբանական գործունեությամբ։ 2013 թվականի ապրիլից Մարդու իրավունքների պաշտպանության եվրոպական կենտրոնի իրավաբան (փաստաբան) և իրավական խորհրդատու է։ 2017 թվականի նոյեմբերից մինչև 2018 թվականի փետրվարը եղել է Եվրոպական Խորհրդի միջազգային իրավունքի փորձագետ[3]։

2008 թվականից մինչև 2019 թվականը Մարդու իրավունքների եվրոպական դատարանում մասնակցել է 80-ից ավելի դատական գործերի։ Եղել է «Մարտի 1-ի» գործով տուժողների իրավահաջորդների ներկայացուցիչ։

Մասնագիտական մակարդակով տիրապետում է անգլերեն և ռուսերեն, բազային իմացության չափով՝ ֆրանսերեն և գերմաներեն[3]։

Հայաստանի Սահմանադրական դատարանի դատավոր խմբագրել

2019 թվականի մայիսի 30-ին Հայաստանի Հանրապետության նախագահ Արմեն Սարգսյանը Հայաստանի Հանրապետության Ազգային ժողովին էր ներկայացրել Վահե Գրիգորյանի՝ Սահմանադրական դատարանի դատավորի թեկնածությունը[4]։ Նույն թվականի հունիսի 18-ին Ազգային ժողովը ձայների 99 կողմ, 22 դեմ հարաբերակցությամբ Սահմանադրական դատարանի դատավորի պաշտոնում ընտրեց Վահե Գրիգորյանին[5][6]։ Նույն թվականի հունիսի 20-ին Ազգային ժողովի նիստերի դահլիճում դատավորի երդմնակալության ելույթի ժամանակ Վահե Գրիգորյանն հայտարարեց՝

․․․ որպես այս պահի դրությամբ Սահմանադրական դատարանում միակ դատավոր, որովհետեւ մյուս դատավորը բացակայում է այս օրերին, ստանձնելով  Սահմանադրական դատարանի նախագահի լիազորությունների եւ պարտականությունների կատարումը․․․[7]

Չնայած, որ Սահմանադրական դատարանի գործող նախագահն է Հրայր Թովմասյանը[8]։

Այլ տեղեկություններ խմբագրել

Վահե Գրիգորյանի անունը եղել է 2018 թվականին՝ ԱԱԾ պետ Արթուր Վանեցյանի և ՀՔԾ պետ Սասուն Խաչատրյանի գաղտնալսված խոսակցության առանցքում[9]։

Մամուլում լայն լուսաբանվել է նաև Վահե Գրիգորյանի հայտարարություն Հայաստանի 4-րդ նախագահ Արմեն Սարգսյանի ընտրության գործընթացի վերաբերյալ, որտեղ նա նախագահին ոչ լեգիտիմ է համարել[10][11]։

Ընտանիք խմբագրել

Ամուսնացած է, ունի մեկ տղա և մեկ աղջիկ[3]։

Ծանոթագրություններ խմբագրել

  1. «Վահե Գրիգորյանն ընտրվեց Սահմանադրական դատարանի դատավոր» 
  2. «Վահե Գրիգորյան - Փաստաբաններ»։ Արխիվացված է օրիգինալից 2019-06-09-ին։ Վերցված է 2019-06-18 
  3. 3,0 3,1 3,2 3,3 «Նախագահ Արմեն Սարգսյանի նամակը Ազգային Ժողովի նախագահ Արա Բաբլոյանին» 
  4. Արմեն Սարգսյանը ՍԴ դատավորի պաշտոնում առաջադրեց Վահե Գրիգորյանի թեկնածությունը (արխիվացված
  5. Վահե Գրիգորյանն ընտրվեց Սահմանադրական դատարանի դատավոր (արխիվացված
  6. «99 կողմ, 22 դեմ․ Վահե Գրիգորյանն ընտրվեց ՍԴ դատավոր»։ Արխիվացված է օրիգինալից 2019-06-20-ին։ Վերցված է 2019-06-18 
  7. «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎ ՅՈԹԵՐՈՐԴ ԳՈՒՄԱՐՄԱՆ ԵՐԿՐՈՐԴ ՆՍՏԱՇՐՋԱՆ ՍՂԱԳՐՈՒԹՅՈՒՆ N 31»։ Հայաստանի Հանրապետյան Ազգային ժողովի պաշտոնական կայք։ parliament.am։ 20 հունիսի 2019 
  8. Վահե Գրիգորյանն իրեն հռչակեց ՍԴ նախագահ և հայտարարեց, որ Սահմանադրական դատարանում կա միայն 2 դատավոր (արխիվացված
  9. «Վահե Գրիգորյանը պարզաբանում է գաղտնալսված զրույցի՝ իրեն վերաբերող հատվածը» 
  10. «Վահե Գրիգորյանը պնդում է՝ Արմեն Սարգսյանը լեգիտիմ նախագահ չէ» 
  11. «Վահե Գրիգորյանը ներողություն կխնդրի՞ նախագահ Արմեն Սարգսյանից»