Վահագն Թումասյան

հայ զինվորական

Վահագն Արամի Թումասյան (1981, Աբովյան, Աբովյանի շրջան, Հայկական ԽՍՀ, ԽՍՀՄ - հոկտեմբերի 12, 2020(2020-10-12), Ջրական, Հադրութի շրջան, Արցախ), պատմաբան, ՀՀ Զինված ուժերի զինծառայող, հետախույզ, փոխգնդապետ[1], զոհվել է 44-օրյա պատերազմի ժամանակ։

Վահագն Թումասյան
Դիմանկար
Ծնվել է1981
ԾննդավայրԱբովյան, Աբովյանի շրջան, Հայկական ԽՍՀ, ԽՍՀՄ
Մահացել էհոկտեմբերի 12, 2020(2020-10-12)
Մահվան վայրՋրական, Հադրութի շրջան, Արցախ
ԳերեզմանԵռաբլուր
ՔաղաքացիությունFlag of Armenia.svg Հայաստան
ԿրթությունԵրևանի պետական համալսարան
ՄասնագիտությունԶինվորական
Պարգևներ և
մրցանակներ
Մարտական խաչ 1-ին աստիճանի շքանշան

ԿենսագրությունԽմբագրել

Վահագն Թումասյանը ծնվել է 1981 թվականին Աբովյանում։ Հայրը՝ Արամ Թումասյանը հայրենադարձել է Ստամբուլից, թուրքագետ է։ Վահագնը երիտասարդ տարիքից զբաղվել է սպորտով, եղել է ձյուդոյի Հայաստանի առաջնության երիտասարդների հաղթող։ Աբովյանի թիվ 10 միջնակարգ դպրոցն ավարտելուց հետո ուսումը շարունակել է ԵՊՀ֊ի պատմության ֆակուլտետում, այնուհետև՝ ԵՊՀ պատմության ֆակուլտետի «Հայաստանի հարակից երկրների պատմության» ամբիոնի մագիստրատուրայում։

2007 թվականին ծառայության է անցել ՀՀ Զինված Ուժերում։ Գերազանցության դիպլոմով ավարտել է Ռուսաստանի արտաքին հետախուզության ծառայության ակադեմիայի դասընթացները, ոսկե մեդալով՝ Չինաստանի հատուկ անվտանգության ապահովման դասընթացները։ Մասնակցել է ԵՊՀ արևելագիտության ֆակուլտետի «Ադրբեջանագիտություն» հատուկ դասընթացներին, տիրապետել է ադրբեջաներենին և թուրքերենին։

Եղել է հատուկ նշանակության դիպուկահար, որից հետո՝ հեախույզ։ Հատուկ առաջադրանքի կատարման համար արժանացել է «Գևորգ Վարդանյան» մեդալի։

Ռազմական գործողությունների ընթացքում փրկել է 82 զինվորականի կյանք[2][3]։

Վահագն Թումասյանը զոհվել է 2020 թվականի հոկտեմբերի 12-ին, Հադրութի շրջանում՝ 44-օրյա պատերազմի ժամանակ, Ադրբեջանի Հանրապետության հրթիռակոծության հետևանքով։

Վահագն Թումասյանը հուղարկավորվել է Եռաբլուրում, հետմահու պարգևատրվել է «Մարտական խաչ» առաջին աստիճանի շքանշանով։

Ունի մեկ դուստր՝ Մարիամը։

2021 թվականի հունվարի 28֊ին Երևանի պետական համալսարանի լսարաններից մեկն անվանվել է Վահագն Թումասյանի անունով[4]։

ԾանոթագրություններԽմբագրել

Արտաքին հղումներԽմբագրել