Վալկիրիա Տերադորա
Վալկիրիա Տերադորա (իտալ.՝ Walkiria Terradura, հունվարի 9, 1924, Gubbio, Պերուջա, Ումբրիա, Իտալիա - հուլիսի 5, 2023, Հռոմ, Իտալիա), իտալացի հակաֆաշիստական պարտիզանուհի, պարգևատրվել է «Մարտական արիության համար» արծաթե մեդալով։
| Վալկիրիա Տերադորա իտալ.՝ Walkiria Terradura | |
|---|---|
 | |
| Ծնվել է | հունվարի 9, 1924 |
| Ծննդավայր | Gubbio, Պերուջա, Ումբրիա, Իտալիա |
| Մահացել է | հուլիսի 5, 2023 (99 տարեկան) |
| Մահվան վայր | Հռոմ, Իտալիա |
| Քաղաքացիություն | _crowned.svg){kind=small} Իտալիայի թագավորություն և  Իտալիա |
| Կրթություն | Պերուջայի համալսարան |
| Մասնագիտություն | պարտիզան |
| Պարգևներ և մրցանակներ | |
 Walkiria Terradura Վիքիպահեստում | |
Կենսագրություն խմբագրել
Վալկիրիա Տերադորան հակաֆաշիստական փաստաբան Գուստավո Տերադուրայի և նրա կնոջ՝ Լաուրայի հինգ երեխաներից մեկն է եղել։ Իր երիտասարդության տարիներին Տերադուրան բազմիցս հետևել է իր հոր քաղաքական հետապնդումներին և բանտարկություններին։ Իսկ ֆաշիստական ռեժիմի նկատմամբ նրա անհարգալից վերաբերմունքը դպրոցում նրա հասցրել են բազմաթիվ կշտամբանքների, ինչպես նաև ոստիկանական վարչությունում հարցաքննությունների պատճառ է դարձել[1]։
Ավարտել է Տերադուրայի դպրոցը՝ ընդունվել է Պերուջայի համալսարան, որտեղ սովորել է իրավագիտություն։ 1944 թվականիի հունվարին, երբ հակապետական դրսևորումների վերահսկողության մարմնի աշխատակիցները ներխուժել են նրա տուն՝ հորը ձերբակալելու նպատակով, նա կարողացել է թաքցնել նրան։ Այնուհետև նրանք փախչել են Մոնտե դել Բուրանո և միացել տարածքում գործող պարտիզանական կազմավորումներին։
Նրանք միացել են Պեզարո է Ուրբինո նահանգում գտնվող Գարիբալդիական բրիգադներին, որի հրամանատարը եղել է Սամուել Պանիչին։ Նրա քույրը՝ Լիոնելան, նույնպես միացել է այդ խմբին։ Վեց հոգանոց ջոկատի միակ կինը՝ Տերադորան, որը ստացել է Սետեբելո անունը, ընտրվել է խմբի առաջնորդ։ Խումբը մասնագիտացել է ականապատման և պայթեցման գործընթացի մեջ՝ անցկացնելով կամուրջները քանդելու գործողություններ, ինչը պետք է խոչընդոտեր գերմանական նացիստական և իտալական ֆաշիստական զորքերի տեղաշարժին։ Տերադուրայի անունով տրվել է ձերբակալման ութ տարբեր օրդեր, սակայն նա այդպես էլ չի բռնվել։
Պատերազմի ժամանակ Տերադուրան ծանոթացել է ամերիկյան ռազմավարական ծառայությունների վարչության կապիտան Ալֆոնսո Տելեի հետ, որի հետ ամուսնացել է և պատերազմից հետո որոշ ժամանակ ապրել նրա հետ ԱՄՆ-ում, որից հետո վերադարձել է Իտալիա։ Նա ակտիվ քաղաքական և հասարակական գործունեություն է ծավալել, այդ թվում նաև վետերանների կազմակերպությունում՝ իտալական պարտիզանների ազգային ասոցիացիայում։
Վալկիրիա Տերադորան մահացել է 2023 թվականի հուլիսի 5-ին, 99 տարեկանում[2] ։
Ծանոթագրություններ խմբագրել
- ↑ «Donne e Uomini della Resistenza: Walkiria Terradura». ANPI (իտալերեն). Արխիվացված օրիգինալից 2020 թ․ հունիսի 16-ին. Վերցված է 2023 թ․ հուլիսի 6-ին.
- ↑ «Addio alla partigiana Walkiria Terradura». Rai News. 2023 թ․ հուլիսի 5. Վերցված է 2023 թ․ հուլիսի 6-ին.