Վազգեն Սեմերջյան

հայ սրտաբան

Վազգեն Վարդգեսի Սեմերջյան (հուլիսի 24, 1933(1933-07-24), Թիֆլիս, ԱԽՖՍՀ, ԽՍՀՄ), հայ սրտաբան։ Բժշկական գիտությունների դոկտոր (1973), պրոֆեսոր (1980), Բժշկատեխնիկական գիտությունների ակադեմիայի ակադեմիկոս։

Վազգեն Սեմերջյան
Ծնվել էհուլիսի 24, 1933(1933-07-24) (90 տարեկան)
ԾննդավայրԹիֆլիս, ԱԽՖՍՀ, ԽՍՀՄ
Քաղաքացիություն Վրացական ԽՍՀ
ԿրթությունՌուսաստանի ազգային հետազոտական բժշկական համալսարան (1957)
Մասնագիտությունսրտաբան
Գիտական աստիճանբժշկական գիտությունների դոկտոր (1973) և պրոֆեսոր (1980)
ԱշխատավայրՎնասվածքաբանության և օրթոպեդիայի գիտական կենտրոն և Տուլայի պետական համալսարան

Կենսագրություն խմբագրել

Վազգեն Սեմերջյանը ծնվել է 1932 թվականին Թիֆլիսում։ 1957 թվականին ավարտել է Մոսկվայի 2-րդ բժշկական ինստիտուտը։ 1957-1968 թվականներին եղել է Կալուգայի մարզի Կիրովի քաղաքային հիվանդանոցի վիրաբուժական բաժանմունքի, այնուհետև` ԽՍՀՄ գիտությունների ակադեմիայի փորձարարական կենսաբանության և բժշկության ինստիտուտի սիբիրյան բաժանմունքի (Նովոսիբիրսկ) արհեստական արյան շրջանառության լաբորատորիայի վարիչ, 1968-1994 թվականներին` ՀՀ առողջապահության նախարարության Սրտաբանության, վնասվածքաբանության և օրթոպեդիայի ինստիտուտի գիտքարտուղար, Առողջության հանրապետական կենտրոնի գլխավոր բժիշկ, 1994-2004 թվականներին` Տուլայի պետական համալսարանի պրոֆեսոր, 2005 թվականից` ՀՀ ավանդական բժշկության համալսարանի պրոռեկտոր[1][2]։

Աշխատանքները վերաբերում են սիրտանոթային վիրաբուժության, վնասվածքաբանության, վերակենդանացման, առողջապահության կազմակերպման խնդիրներին։ 1964 թվականին Ալեքսանդր Միքայելյանի հետ կիրառել է արհեստական արյան շրջանառության իր ստեղծած սարքը (սրտի բնածին արատների վիրահատությունների ժամանակ)[1]։

Ուսումնամեթոդական ձեռնարկների հեղինակ է։

Անդամակցություն խմբագրել

  • ՌԴ բժշկատեխնիկական գիտությունների ակադեմիայի անդամ, 1995
  • Գիտնականների միջազգային ակադեմիայի անդամ, Ավստրիա, 2001
  • «Բանբեր բժշկական նոր տեխնոլոգիաների» (ռուսերեն) հանդեսի խմբագրական խորհրդի անդամ, 1995
  • Բնական գիտությունների եվրոպական ակադեմիայի Հիմնարար բժշկա-կենսաբանական հետազոտությունների բաժանմունքի պատվավոր անդամ

Գրականություն խմբագրել

  • Айриян А. П. Армянские учёные-медики. - Ер., 1998 - 276 с. ISBN 99930-1-001-7.

Ծանոթագրություններ խմբագրել

  1. 1,0 1,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007։
  2. Семерджян Вазген Вардкесович