Սպիտակ խխունջ

Սպիտակ խխունջ
Սպիտակ խխունջ
Դասակարգում
Թագավորություն	Կենդանիներ (Animalia)
Տիպ/Բաժին	Փափկամարմիններ (Mollusca)
Ենթատիպ	Conchifera
Դաս	Փորոտանիներ (Gastropoda)
Վերնաընտանիք	Lymnaeoidea
Ընտանիք	Տափակ խխունջներ (Planorbidae)
Ցեղ	Gyraulus
Տեսակ	Սպիտակ խխունջ (G. albus)
Միջազգային անվանում
Gyraulus albus O.F. Müller, 1774
Կարգավիճակ
Հատուկ պահպանության կարգավիճակ՝ Քիչ մտահոգող տեսակ

Սպիտակ խխունջ (լատին․՝ Gyraulus albus), տափակ խխունջների ընտանիքին պատկանող փափկամարմին կենդանի։ Գրանցված է Հայաստանի Հանրապետության Կարմիր գրքում։

Նկարագրություն

Սկավառակաձև, 4,5 արագ աճող պտույտներով խեցին բաց գունավորված է։ Ելանցքի մոտ գտնվող վերջին պտույտը երկու անգամ լայն է նախավերջինից։ Խեցու մակերեսը պարույրաձև կողերից կազմված ավելի բարակ պարզ ցանցաձև նախշով է և դասավորված գծերով։ Խեցին ունի մինչև 6 մմ լայնություն և 2 մմ բարձրություն։

Տարածվածություն

Տարածված է Եվրոպայում, Արևմտյան Սիբիրում, Ալթայում և Հարավային Կովկասում։ Հայաստանում հայտնի է Գեղարքունիքի (Սևանա լճի Սևան քաղաքի մոտ և նախկին Գիլլի լճի տեղում գտնվող ջրանցքներ) և Լոռու (Ստեփանավան քաղաքի շրջակայքում գտնվող լճակ) մարզերից։

Էկոլոգիա

Ապրում է խոշոր լճակներում, լճերում և գետերում, հանդիպում են ջրասույզ բուսականության վրա։ Կենսաբանական առանձնահատկությունները հայտնի չեն։

Պահպանություն

Բնության պահպանության միջազգային միության Կարմիր ցուցակի չափորոշիչներով գնահատվում է որպես վտանգված և հազվագյուտ տեսակ։ Փոքրաքանակ է, հանդիպում է եզակի առանձնյակներով։ Թվաքանակի փոփոխության միտումները հայտնի չեն։

Վտանգման սպառնալիքները հանդիսանում են Սևանա լճի բացթողումը և տեսակի գոյատևման պայմանների փոփոխությունը։ Այլ ջրամբարներում, որտեղ հանդիպում է կենդանին հանդիսանում է հիդրոլոգիական ռեժիմի փոփոխության։

Պահպանվում է «Սևան» ազգային պարկում։

Ծանոթագրություններ

Վիքիցեղերն ունի նյութեր, որոնք վերաբերում են «Սպիտակ խխունջ» հոդվածին։

Վիքիպահեստն ունի նյութեր, որոնք վերաբերում են «Սպիտակ խխունջ» հոդվածին։