127 ժամ
«127 ժամ» (անգլ.՝ 127 Hours)` Արոն Ռալսթոնի «Քարի և զնդանի արանքում» (անգլ.՝ Between a Rock and a Hard Place) գրքի հիման վրա նկարահանված ֆիլմ։ Նկարահանել են նախկինում «Միլիոնատերը ետնախորշերից» ֆիլմի վրա համատեղ աշխատած ռեժիսոր Դենի Բոյլն ու սցենարիստ Սայմոն Բյուֆոյը։ Միացյալ Նահանգներում էկրաններին է բարձրացել 2010 թ. նոյեմբերի 5-ին։
127 ժամ անգլ.՝ 127 Hours | |
---|---|
Երկիր | ԱՄՆ |
Ժանր | վավերագրական դրամա, դրամա, գրքերի էկրանավորում, կենսագրական ֆիլմ և ֆիլմ փրկվելու մասին |
Հիմք | Քարի և զնդանի արանքում |
Թվական | նոյեմբերի 5, 2010[1] |
Լեզու | անգլերեն |
Ռեժիսոր | Դեննի Բոյլ |
Պրոդյուսեր | Քրիստիան Կոլսոն, Դեննի Բոյլ և Ջոն Սմիթսոն |
Սցենարի հեղինակ | Սայմոն Բոֆոյ և Դեննի Բոյլ |
Դերակատարներ | Ջեյմս Ֆրանկո, Քեյթ Մառա, Էմբեր Թեմբլին, Կլեմանս Պոեզի, Լիզի Կապլան, Քեյթ Բերթոն, Թրիթ Ուիլյամս, Պիտեր Ժան Բրյուգե և Արոն Ռալստոն |
Օպերատոր | Էնթոնի Դոդ Մենթլ և Էնրիկե Չեդյակ |
Երաժշտություն | Ա․ Ռ․ Ռահման |
Մոնտաժ | Ջոն Հարիս |
Պատմվածքի վայր | Յուտա |
Նկարահանման վայր | Սոլթ Լեյք Սիթի |
Կինոընկերություն | Fox Searchlight Pictures և Pathé |
Տևողություն | 94 րոպե |
Բյուջե | 18 000 000 $[2] |
Շահույթ | 60 000 000 $[3] և 18 335 230 $[3] |
Պաշտոնական կայքէջ | |
127 Hours Վիքիպահեստում |
Սյուժե խմբագրել
Ֆիլմում պատմվում է 2003 թվականի ապրիլի 25-ի ուրբաթ օրը տեղի ունեցած իրական դեպքի մասին, երբ լեռնագնաց և կանյոններ նվաճող Արոն Ռալսթոնը (Ջեյմս Ֆրանկո) որոշում է մեկ օր անցկացնել Յուտա նահանգի Քանյոնլենդ ազգային զբոսայգում։ Այն բանից հետո, երբ նրա ձեռքը սեղմված մնում է ավելի քան 300 կիլոգրամանոց քարի և ժայռի արանքում, նա այդտեղ մնում է համարյա վեց օր[4]։ Մինչև իր գնալը նա ոչ մեկին չէր ասել, թե ուր է գնում։ Իր հետ վերցրած փոքր քանակի ջուրն ու ուտելիքը սպառելուց հետո նա կտրում է իր ձեռքը, ինչի շնորհիվ կարողանում է դուրս գալ կանյոնից և գտնել նիդերլանդացի զբոսաշրջիկների, ովքեր կանչում են փրկարար ծառայության ուղղաթիռ։
Ծանոթագրություններ խմբագրել
Վիքիպահեստն ունի նյութեր, որոնք վերաբերում են «127 ժամ» հոդվածին։ |