Յուրի Բախշյան

Յուրի Գուրգենի Բախշյան (հունիսի 28, 1947(1947-06-28), Գորիս, ԽՍՀՄ - հոկտեմբերի 27, 1999(1999-10-27), Երևան, Հայաստան), հայ հասարակական-քաղաքական գործիչ, ՀՀ Ազգային ժողովի նախկին փոխխոսնակ, Հոկտեմբերի 27-ի ահաբեկչական հարձակման զոհերից։

Յուրի Բախշյան
Ծնվել է	հունիսի 28, 1947(1947-06-28)
Ծննդավայր	Գորիս, ԽՍՀՄ
Մահացել է	հոկտեմբերի 27, 1999(1999-10-27) (52 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ և  Հայաստան
Կրթություն	Երևանի պետական համալսարան
Մասնագիտություն	քաղաքական գործիչ և վոլեյբոլիստ
Ամուսին	Անահիտ Բախշյան
Զբաղեցրած պաշտոններ	Հայաստանի Ազգային ժողովի պատգամավոր
Կուսակցություն	Հայաստանի Հանրապետական կուսակցություն
Պարգևներ և մրցանակներ
Yuri Bakhshyan Վիքիպահեստում

Կենսագրություն

• 1965-1970 թթ. Երևանի Պետական Համալսարանի ֆիզիկայի ֆակուլտետ։ Հետմահու պարգևատրվել է «Անանիա Շիրակացի մեդալով» (1999 թ.)։
• 1970-1972 թթ. Ծառայել է Խորհրդային բանակում։
• 1972-1993 թթ. Դասավանդել է Երևանի Պետական Համալսարանում, դպրոցում, եղել է ավագ գիտաշխատող, ֆիզ-մաթ դպրոցի փոխտնօրեն, հետագայում՝ ուսուցիչների որակավորման բարձրացման ազգային ինստիտուտի փոխտնօրեն։
• 1977 թ.-ից եղել է հոսանքի աղբյուրների Համախորհրդային ինստիտուտի Հայկական մասնաճյուղի ավագ գիտաշխատող։
• 1990-1993 թթ. Երևանի քաղաքային խորհրդի պատգամավոր։
• 1993-1995 թթ. Երևանի քաղաքային խորհրդի գործադիր կոմիտեի ղեկավարի առաջին տեղակալ։
• 1995-1999 թթ. Ազգային ժողովի պատգամավոր։ Պետաիրավական հարցերով մշտական հանձնաժողովի անդամ։ 1998 թ. ընտրվել է փոխխոսնակ։ «Հանրապետություն» խմբակցության, հետագայում՝ «Երկրապահ» պատգամավորական խմբի անդամ։
• 1999 թ. մայիսի 30-ին ընտրվել է ազգային ժողովի պատգամավոր։ Պետաիրավական հարցերով մշտական հանձնաժողովի ղեկավար։ «Հայաստանի հանրապետական կուսակցության» անդամ։
• 1999 թ. սեպտեմբերի 30-ին Ընտրվել է Հայաստանի Հանրապետության Ազգային ժողովի փոխխոսնակ։ «ՀՀԿ» անդամ։

Մահ

Սպանվել է 1999 թ.-ի հոկտեմբերի 27-ին ՀՀ Ազգային ժողովի նիստերի դահլիճում տեղի ունեցած ահաբեկչական գործողության ժամանակ։

Հոկտեմբերի 27-ի զոհերի հիշատակին ՀՀ Ազգային ժողովի շենքի բակում տեղադրված Բիբլիական Դավիթը, հեղինակ՝ Եևվանդ Քոչար

Վիքիպահեստն ունի նյութեր, որոնք վերաբերում են «Յուրի Բախշյան» հոդվածին։