Էդիշեր Մաղալաշվիլի

Էդիշեր Գեորգիի Մաղալաշվիլի (վրաց.՝ ედიშერ მაღალაშვილი, հունվարի 4, 1925(1925-01-04), Թիֆլիս, ԱԽՖՍՀ, ԽՍՀՄ - հունվարի 26, 2005(2005-01-26)), վրացի խորհրդային դերասան։ Վրացական ԽՍՀ ժողովրդական արտիստ (1967, Հայկական ԽՍՀ ժողովրդական արտիստ (1979)։

Էդիշեր Մաղալաշվիլի
Ծնվել է	հունվարի 4, 1925(1925-01-04)
Ծննդավայր	Թիֆլիս, ԱԽՖՍՀ, ԽՍՀՄ
Մահացել է	հունվարի 26, 2005(2005-01-26) (80 տարեկան)
Քաղաքացիություն	ԽՍՀՄ և  Վրաստան
Մասնագիտություն	դերասան
Պարգևներ և մրցանակներ	և Վրացական ԽՍՀ ժողովրդական արտիստ

Կենսագրություն

Էդիշեր Մաղալաշվիլին ծնվել է 1925 թվականի հունվարի 4-ին Թբիլիսիում։ Սովորել է Թբիլիսիի Երկաթուղային տրանսպորտի ինժեներների ինստիտուտում՝ ստանալով ինժեների մասնագիտություն։ Կինոյում նկարահանվել սկսել է պատահականության բերումով. 1947 թվականին Կոնստանտին Պիպինաշվիլին պատահական հանդիպման ժամանակ Էդիշեր Մաղալաշվիլիին առաջարկել է փոքրիկ դեր կատարել «Բանաստեղծի օրորոցայինը» ֆիլմում։ Հետագայում Էդիշեր Մաղալաշվիլին սովորել է Թբիլիսիի կինոստուդիայում, որն ավարտել է 1947 թվականին, իսկ 1953 թվականին ավարտել է Թբիլիսիի Շոթա Ռուսթավելու անվան թատերական ինստիտուտը։

1946-1950 թվականներին եղել է Թբիլիսիի կինոստուդիայի դերասան, 1948—1964 թվականներին աշխատել է Թբիլիսիի Կ. Մարջանիշվիլու անվան ակադեմիական թատրոնում, իսկ 1964 թվականից՝ Շոթա Ռուսթավելու անվան պետական ակադեմիական թատրոնում։

Էդիշեր Մաղալաշվիլին մահացել է 2005 թվականի հունվարի 26-ին։

Ընտանիք

• Կինը - Նատալյա Կավրիշվիլի, մասնագիտությամբ դաշնակահարուհի, Թբիլիսիի պետական կոնսերվատորիայի դոցենտ,
• Որդի - Գիորգի, մասնագիտությամբ նյարդավիրաբույժ,
• Որդի - Միխայիլ, կինոօպերատոր,
• Թոռներ - Նատալյա, Էդիշեր, Գիվի։

Ճանաչում

• Վրացական ԽՍՀ վաստակավոր արտիստ (1958)
• Վրացական ԽՍՀ ժողովրդական արտիստ (1967
• Հայկական ԽՍՀ ժողովրդական արտիստ (1979)

Ֆիլմագրություն

• 1947 – Բանաստեղծի օրորոցայինը
• 1948 – Քեթո և Կոտե
• 1951 – Գարուն Սակենում
• 1955 – Նրանք իջել են լեռներից
• 1956 – Ստվեր ճանապարհին
• 1956 – Էթերիի երգը
• 1958 – Մայակովսկին սկսել է այդպես
• 1958 – Մամլուք
• 1963 – Կապույտ տետր – Սերգո Օրջոնիկիձե
• 1967 – Հիմա ժամանակներն ուրիշ են
• 1970 – Հին ջրաղացներ
• 1974 – Կրակ
• 1975 – Ընդունում եմ ինձ վրա
• 1976 – Գործը հանձնվում է դատարան
• 1977 – Շեղումը՝ զրո
• 1978 – Հուսո աստղ – Դավիթ Բեկ
• 1979 – Պոեմ թևերի մասին – Սերգո Օրջոնիկիձե
• 1981 – Դժվար սկիզբ
• 1986 – Նեյլոնե տոնածառ
• 1987 – Էլլայի ու Ռարուի արկածները
• 1988 – Բրավո, Ալբեր Լոլիշ
• 1990 – Պարույր (Վրաստան)
• 2003 – Վեց և յոթ (Վրաստան)