Լեո Բենհակեր

Լեո Բենհակեր (հոլանդ. Leo Beenhakker, МФА: [ˈleːjoː ˈbeːnˌɦɑkər], 2 օգոստոսի, 1942, Ռոտերդամ) — հոլանդացի ֆուտբոլային մարզիչ: Բենհակերը, որպես խաղացող հանդես է եկել սիրողական մակարդակում, իսկ մարզչական կարիերան սկսել է 1960-ականների կեսերին: Գլխավորել է հոլանդական «Այաքս» և «Ֆեյենորդ», իսպանական «Սարագոսա» և «Ռեալ Մադրիդ» ակումբները: Երկար տարիներ աշխատել է որպես Ռինուս Միխելսի օգնական, երբ վերջինս գլխավորում էր Նիդերլանդների ազգային հավաքականը: Բենհակերը երկու անգամ գլխավորել է «նարնջագույններին»` 1985-1986 թվականներին և 1990 թվականի մայիս-հունիս ամիսներին` Իտալիայում տեղի ունեցող աշխարհի առաջնության եզրափակիչ փուլում: 2006-2009 թվականներին գլխավորել է Լեհաստանի հավաքականը, որը նրա գլխավորությամբ դուրս է եկել Եվրոպայի 2008 թվականի առաջնության եզրափակիչ փուլ: Այս հաջողության համար նա պարգևատրվել է Լեհաստանի Վերածննդի Շքանշանի 4-րդ աստիճանով:  

Մարզչական ձեռքբերումները

• Հոլանդիայի չեմպիոն (3): 1980, 1990 («Այաքսը»), 1999 («Ֆեյենորդ»)
• Նիդերլանդների գավաթակիր: 1999 («Ֆեյենորդ»)
• Իսպանիայի չեմպիոն (3): 1987, 1988, 1989 («Ռեալ Մադրիդ»)
• Իսպանիայի գավաթակիր: 1989 («Ռեալ»)
• Ռինուս Միխելսի անվան մրցանակ

Հղումներ

• www.leobeenhakker.info (լեհ.)