Սոնասար (համայնք, Քաշաթաղի շրջան)
- Անվան այլ կիրառումների համար տե՛ս՝ Սոնասար (այլ կիրառումներ)
Սոնասար, համայնք Արցախի Հանրապետության Քաշաթաղի շրջանում[2][3]։ Ներկայում համայնքի ամբողջ տարածքը գտնվում է Ադրբեջանի զինված ուժերի վերահսկողության ներքո[4][5][6][7] և Արցախի Հանրապետության կողմից համարվում է օկուպացված[1]։
Երկիր | Արցախի Հանրապետություն |
---|---|
Կարգավիճակ | Համայնք |
Մտնում է | Քաշաթաղի շրջան |
Ներառում է | Սոնասար գյուղ, Մարգիս գյուղ |
Վարչկենտրոն | Սոնասար գյուղ |
Հիմնական լեզու | Հայերեն |
Բնակչություն (2015) | 101 |
Տարածք | 1204,4 հա |
Ժամային գոտի | +4 |
Աշխարհագրություն խմբագրել
Համայնքը տեղաբաշխված է Արցախի Հանրապետության արևմտյան մասում։ Ունի լեռնային տեղանք։ Համայնքի տարածքն 1204,4 հա է, որից 756,2 հա-ն անտառային հողեր են։ Համայնքի սահմաններով է հոսում Հոչազ գետը[2]։
Բերձոր շրջկենտրոնից հեռու է 32 կմ, իսկ մայրաքաղաք Ստեփանակերտից` 82 կմ[2]։
Վարչատարածքային բաժանում և համայնքային կյանք խմբագրել
Համաձայն Արցախի Հանրապետության վարչատարածքային բաժանման՝ Սոնասար համայնքն իր մեջ ներառում է Սոնասար և Մարգիս գյուղերը[2]։
Համայնքում գործում էր գյուղապետարան, բուժկետ, միջնակարգ դպրոց[2]։
Համայնքն ապահովված էր էլեկտրաէներգիայով, հասանելի էին բջջային, ինտերնետ կապի միջոցներն ու ռադիոհեռուստատեսությամբ[2]։
Գործում էր ինքնահոս ջրամատակարարման համակարգ, որը սնվում էր տարբեր բնական աղբյուրներից։ Առկա են նաև խմելու ջրի համար պիտանի բնական աղբյուր-առվակներ[2]։
2015 թվականի դրությամբ համայնքային ճանապարհները բնահողային էին[2]։
Պատմություն խմբագրել
Պատմամշակութային հուշարձաններ խմբագրել
Սոնասար համայնքի տարածքում առկա են բազմաթիվ հայկական պատմամշակութային հուշարձաններ։ Դրանցից են՝ մ․թ․ա․ 2-րդ դարով թվագրվող «Սոնասար» անունով դամբարանադաշտը, 12-ից 13-րդ դարերով թվագրվող և «Սոնասար» անունով գերեզմանոցը, 11-րդ դարով թվագրվող խաչքարը, 1056 թվականով թվագրվող խաչքարի պատվանդանը, 14-րդ դարերով թվագրվող 2 տապանաքարերը, 14-րդ դարով թվագրվող խաչքարը, 11-ից 14-րդ դարերով թվագրվող կամուրջը և այլն[2]։
Բնակչություն խմբագրել
Սոնասար համայնքի բնակչությունը 2015 թվականի դրությամբ կազմել է 101 մարդ, որոնք կազմել են 14 տուն։ Նույն թվականի դրությամբ Սոնասար գյուղում բնակվել է 89 մարդ, որոնք կազմել են 12 տուն։ Մարգիս գյուղում բնակվել է 12 մարդ, որոնք կազմել են 2 տնտեսություն[2]։
Կրթություն խմբագրել
Սոնասար համայնքում գործում էր միջնակարգ դպրոց, որտեղ 2015 թվականի դրությամբ սովորում էր 15 աշակերտ[2]։
Տնտեսություն խմբագրել
Համայնքի բնակչությունը հիմնականում զբաղվել է գյուղատնտեսությամբ՝ հողագործությամբ և անասնապահությամբ։ Համայնքի տարածքի 366,4 հա-ը գյուղատնտեսական նշանակության են[2]։
Համայնքի տարածքում հայտնաբերվել են իսլանդական շպատի հանքային պաշարներ[2]։
Ծանոթագրություններ խմբագրել
- ↑ 1,0 1,1 Արցախի տարածքները համարվում են օկուպացված Ադրբեջանի կողմից. ԱՀ ԱԺ հայտարարությունը, (արխիվացված 05․04․2021թ․)
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 Հակոբ Ղահրամանյան, Տեղեկատու Արցախի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ.։
- ↑ «Արցախի Հանրապետության բնակավայրերի ցանկը հանրապետության Ազգային ժողովի կայքում (Արցախի Հանրապետության օրենքը երկրի վարչատարածքային բաժանման մասին, 25 մարտի 2005 թ., ք.Ստեփանակերտ, ՀՕ-178, ստորագրված նախագահ Ա․Ղուկասյանի կողմից)։». Արխիվացված է օրիգինալից 2016 թ․ մարտի 4-ին. Վերցված է 2021 թ․ մարտի 14-ին.
- ↑ Արցախի Հանրապետության այն բնակավայրերի ցանկը, որոնք գտնվում են Ադրբեջանի զինված ուժերի վերահսկողության ներքո /հրապարակված Արցախի Հանրապետության Տարածքային կառավարման և ենթակառուցվածքների նախարարության կողմից/, (արխիվացված 05․03․2021թ․)։
- ↑ «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը»։
- ↑ «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը», (արխիվացված)։
- ↑ «Ադրբեջանի վերահսկողության տակ անցած՝ Արցախի համայնքների և բնակավայրերի ցանկը»։